Published:Updated:

நட்சத்திர தோஷம் உண்டா?

ஜோதிடர் செய்யனூர் ரா.சுப்பிரமணியன்

பிரீமியம் ஸ்டோரி

`பருவத்தே பயிர் செய்’ என்பது பழமொழி. அதாவது இந்தப் புவியில் பிறந்த ஒவ்வொருவரும் தக்க பருவத்தில் தக்க நிலையை அடைதல் அவசியம். கல்வி, தொழில், உத்தியோகம், கல்யாணம் முதலான ஒவ்வொன்றும் உரிய பருவத்தில் வாய்ப்பது பெரும் கொடுப்பினையாகும். ஆனால், இந்தப் பேறு எல்லோருக்கும் கிடைப்பதில்லை.

சிலருக்கு இளமையில் கல்வி வாய்ப்பதில் தடை ஏற்படும்; சிலருக்கு நல்லதொரு உத்தியோகமோ, தொழிலோ உரிய காலத்தில் அமையாமல் காலதாமதம் ஆகும். அதனால் இளமையில் பொருள் சேர்க்கும் வாய்ப்பு அவர்களுக்குக் கிடைக்காமலேயே போய்விடு கிறது. இந்த வரிசையில் திருமணப்பேறு தடைப்பட்டு வருந்துவோரும் உண்டு. தடைகளுக்குக் காரணங்கள் பல உண்டு. அவற்றில் குறிப்பிடத் தக்கது நட்சத்திர தோஷம் ஆகும்.

நட்சத்திர தோஷம் உண்டா?

அவரவர் பிறந்த நாளுடன் ஒட்டிய நட்சத்திரம் அவருக்குரிய ஜன்ம நட்சத்திரமாகத் திகழும். ஜோதிடரீதியாக சந்திர கிரகம் சஞ்சரிக்கும் நட்சத்திரம் எனலாம். அசுவினி முதல் ரேவதி வரையிலான 27 நட்சத்திரங்களில், ஒருவர் பிறந்ததும் அவருக்கான ஜன்ம நட்சத்திரம் எது என்பதை பஞ்சாங்கம் மற்றும் காலண்டர் மூலம் எளிதில் தெரிந்துகொள்ளலாம்.

ஜன்ம நட்சத்திரங்களில் குறிப்பிட்ட சிலவற்றுக்கு மட்டும் நட்சத்திர தோஷம் அமைவதாக அறியப்படுகின்றன. அவை: மூலம், ஆயில்யம், விசாகம், கேட்டை.

இதில் கவனிக்கப்படவேண்டிய முக்கியமான ஒரு விஷயம் உண்டு. இந்த நட்சத்திர தோஷம் குறித்த விஷயத்தில் பெரும்பாலும் பாதிக்கப் படுவது பெண்களே. தோஷத்தைப் பற்றிக் குறிப்பிடுவோர் , ஜோதிடம் கூறும் விதிவிலக்கு களையும் விளக்கி, உண்மையை அறிய வேண்டும். அந்த விதிவிலக்குகள் பற்றி விரிவாக நாம் அறிவோம்.

மூலம் 1-ம் பாதம்தான் தோஷம் அமைவதாக அறியப்படுகிறது. மற்ற பாதங்களில் பிறந்தோருக்கு தோஷம் இல்லை. ஆகவே மூல நட்சத்திரம் என்றதுமே `மாமனாருக்கு ஆகாது’ என்று எண்ணம் கொள்ளக் கூடாது. அதேபோல் ஆயில்யம் நட்சத் திரத்தின் முதல் பாதம் தோஷம்; 2,3,4-ம் பாதங்களுக்கு தோஷம் இல்லை.

விசாக நட்சத்திரத்தைப் பொறுத்தவரையிலும் 4-ம் பாதம் மட்டுமே தோஷம் பொருந்தியதாகக் கருதப்படுகிறது. ஆகவே `விசாகத் தில் பிறந்தால் மைத்துனருக்கு ஆகாது’ என்ற எண்ணம் தவறானது.

கேட்டை நட்சத்திரத்தில் 1-ம் பாதம் தோஷம் என்பார்கள். மற்ற பாதங்களுக்கு தோஷம் இல்லை.

நட்சத்திர தோஷம் உண்டா?

ஆகவே, பண்படாத சொல்வழக்குகளை மனத்தில் கொண்டு தோஷ நட்சத்திரங்கள் என்று எதன்பொருட்டும் கவலைகொள்ள தேவையில்லை. ஒருவேளை நட்சத்திர தோஷம் குறித்து மனத்தில் உறுத்தல் எழுந்தால், கீழ்க்காணும் எளிய பரிகாரங்களைச் செய்து நிம்மதி பெறலாம்.

விநாயகர் சந்நிதியில் அருகம்புல் சமர்ப்பித்து, அர்ச்சனை மற்றும் பூஜைகள் செய்து பிள்ளையாரை மனதார வழிபட்டு தீர்வு பெறலாம்.

பிள்ளையாருக்கு வெண்கடலை சுண்டல் நிவேதனம் செய்து பக்தர்களுக்கு விநியோகம் செய்யலாம்.

கடைகளில் வெள்ளித் தகடுகளில் செய்யப்பட்ட மூஷிக பிரதிமை கிடைக்கும். அவற்றை வாங்கி கோயில் உண்டியலில் சமர்ப்பிக்கலாம். மேற்கூறிய பரிகாரங்களை தொடர்ந்து மூன்று வியாழக் கிழமைகள் கடைப்பிடித்து வந்தால், திருமணத் தடைகளும் தோஷ பாதிப்புகளும் முற்றிலும் விலகிவிடும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

ஏழாம் இடமும் வாழ்க்கைத் துணையும்!

ஜாதகத்தில் ஏழாம் இடம் என்பது வாழ்க்கைத் துணையைக் குறிக்கும் இடமாகும்; களத்திர ஸ்தானம் என்பார்கள். ஏழாம் இடத்தில் குரு இருப்பது மிகவும் விசேஷமான அமைப்பாகும்.

இதனால் உயர்ந்த உத்தியோகம், உயர்ந்த பதவி போன்றவைகள் ஏற்படும். ஜாதகத்தில் 7-ம் இடத்தில் குரு இருந்தால் அழகும், பண்பும் நிறைந்த வாழ்க்கைத் துணை அமையும். செல்வம், செல்வாக்கு, புகழ் போன்றவை ஏற்படும். ஆனாலும் இந்த ஸ்தானத்தில் குரு இருந்தால் திருமணம் சற்று தாமதமாகவே நடைபெறும்.

ஏழில் சுக்கிரன் இருந்தால் அழகிய வாழ்க்கைத் துணை அமையும். இந்த ஸ்தானத்தில் புதன் இருக்க பிறந்த வர்களுக்குச் சொந்தத்தில் வாழ்க்கைத் துணை அமையும். ஜாதகத்தில் 7-ம் இடத்தில் உள்ள புதன் வலுப்பெற்று இருந்தால், ஆணாக இருந்தாலும் பெண்ணாக இருந்தாலும் நல்ல அறிவுத்திறன் கொண்டவர்களாக இருப்பார்கள். வாழ்க்கை நிலை படிப்படியாக உயரும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு