Published:Updated:

ராசி பலன்கள்

நவம்பர் 26-ம் தேதி முதல் டிசம்பர் 9-ம் தேதி வரை

பிரீமியம் ஸ்டோரி

மேஷம்:

ராசி பலன்கள்

ஆளுமைத்திறன் அதிகரிக்கும். குடும்பத்தில் மகிழ்ச்சி தங்கும். பதவிகள் தேடி வரும். வீடு வாங்க, கட்ட வங்கிக் கடன் கிடைக்கும். கணவர் உங்களுக்கு ஆதரவாக இருப்பார். பிள்ளைகளின் பிடிவாதம் தளரும். புதிய வாகனம் வாங்குவீர்கள். நாத்தனார் உங்களின் உதவியை நாடுவார். அரசாங்க வகையில் ஆதாயம் உண்டு. எதிர்பார்த்த அயல்நாட்டுப் பயணம் அமையும். பணவரவு இருந்தாலும் செலவுகள் அதிகமாகும். வியாபாரத்தில் அதிரடியான லாபம் உண்டு. உத்தியோகத்தில் எந்த விஷயத்திலும் அலட்சியம் வேண்டாம்.

தைரியத்தால் சாதிக்கும் நேரமிது.

ரிஷபம்:

ராசி பலன்கள்

பணவரவு அதிகரிக்கும். வி.ஐ.பி-க்கள் அறிமுகமாவார்கள். திருமணப் பேச்சுவார்த்தை சுபமாகும். குடும்பத்தில் நல்லது நடக்கும். கணவரின் போக்கில் நல்ல மாற்றம் உண்டாகும். பிள்ளைகளின் வருங்காலம் குறித்து யோசிப்பீர்கள். சொத்து வாங்க முன்பணம் தருவீர்கள். விலகிச்சென்ற உறவினர்கள் வலிய வந்து பேசுவார்கள். மாமனார், மாமியார் மதிப்பார்கள். வியாபாரத்தில் புதிய முதலீட்டைத் தவிர்த்திடுங்கள். உத்தியோகத்தில் தொல்லை தந்தவர்கள் இடம் மாறுவர். உங்கள் கை ஓங்கும்.

பழைய பிரச்னை தீரும் நேரமிது.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

மிதுனம்:

ராசி பலன்கள்

பேச்சில் கம்பீரம் பிறக்கும். அரசாங்க உதவிகள் கிடைக்கும். வழக்கில் நல்ல தீர்ப்பு வரும். கணவர் உங்களின் புதிய முயற்சிக்குப் பக்கபலமாக இருப்பார். புதிய இடத்தில் வேலை கிடைக்கும். பிள்ளைகள் தங்களின் தவற்றை உணர்ந்துகொள்வார்கள். அரசியலில் செல்வாக்கு கூடும். பூர்வீகச் சொத்தைச் சீர்செய்வீர்கள். மாமனார், மாமியார் அன்பாக நடந்துகொள்வார்கள். வியாபாரத்தில் பெரிய நிறுவனங்களுடன் புது ஒப்பந்தம் செய்வதன் மூலம் உங்களின் நிறுவனம் புகழ் அடையும். உத்தியோகத்தில் வேலைச்சுமை அதிகரிக்கும்.

வாழ்க்கையில் ஒருபடி முன்னேறும் நேரமிது.

கடகம்:

ராசி பலன்கள்

நினைத்தது நிறைவேறும். பழைய வீட்டை நல்ல விலைக்கு விற்று புதிய இடம் வாங்குவீர்கள். பணப்புழக்கம் அதிகரிக்கும். கணவன் மனைவி அந்நியோன்யம் அதிகரிக்கும். பிள்ளைகளால் சமூகத்தில் மரியாதை கூடும். வழக்கு சாதகமாகும். சுப நிகழ்ச்சிகளை முன்னின்று நடத்துவீர்கள். ஆன்மிக அறிஞர்களின் நட்பால் தெளிவடைவீர்கள். மாமியார் உங்களை நம்பி, சில முக்கிய பொறுப்புகளை ஒப்படைப்பார். மூத்த சகோதரிக்கு இருந்த பிரச்னை தீரும். வியாபாரத்தில் இரட்டிப்பு லாபம் உண்டு. உத்தியோகத்தில் மேலதிகாரி பாராட்டும்படியாக நடந்துகொள்வீர்கள்.

அனுபவ அறிவால் வெற்றிபெறும் நேரமிது.

சிம்மம்:

ராசி பலன்கள்

சோர்ந்து கிடந்த நீங்கள் சுறுசுறுப்படைவீர்கள். வி.ஐ.பி-க்களின் நட்பு கிடைக்கும். பணப்புழக்கம் கணிசமாக உயரும். கணவருடன் வெளிப்படையாகப் பேசி முக்கிய முடிவுகள் எடுப்பீர்கள். உங்களின் ரசனைக்கேற்ற வீடு, வாகனம் அமையும். அரசாங்க காரியங்கள் விரைந்து முடியும். சகோதரிக்குத் திருமணம் நிச்சயமாகும். மாமியார் உங்களைப் புரிந்துகொள்வார். அயல்நாட்டிலிருப்பவர்கள் உதவுவார்கள். புதிதாக ஆடை, ஆபரணங்கள் வாங்குவீர்கள். வியாபாரத்தில் கடின உழைப்பால் லாபம் ஈட்டுவீர்கள். உத்தியோகத்தில் மறுக்கப்பட்ட உரிமைகள் கிடைக்கும்.

தொடர்முயற்சியால் சாதிக்கும் நேரமிது.

கன்னி:

ராசி பலன்கள்

சமூகத்தில் மதிப்பு, மரியாதை கூடும். திருமணம், சீமந்தம் போன்ற சுப நிகழ்ச்சிகள் நடக்கும். வங்கியில் குறைந்த வட்டிக்குக் கடன் கிடைக்கும். கணவர் உங்களின் நிர்வாகத் திறமையை மதிப்பார். மகனுக்கு அயல் நாட்டுத் தொடர்புடைய நிறுவனத்தில் வேலை கிடைக்கும். புதிய பொருள்கள் வாங்குவீர்கள். விருந்தினர்களின் வருகையால் வீடு களைகட்டும். நாத்தனாரின் பிரச்னையைத் தீர்த்துவைப்பீர்கள். சகோதரர் வகையில் நன்மை உண்டு. வியாபாரத்தை மேலும் விரிவுபடுத்துவீர்கள். உத்தியோகத்தில் இருந்த மறைமுக எதிர்ப்புகள் குறையும்.

சகிப்புத்தன்மையால் சாதிக்கும் நேரமிது.

துலாம்:

ராசி பலன்கள்

சாதுர்யமாகப் பேசி சாதிப்பீர்கள். எதிர்பார்த்த வேலைகள் தடையின்றி நடக்கும். குடும்பத்தில் சந்தோஷம் நிலைத்திருக்கும். உயர் பதவியில் இருப்பவர்கள் அறிமுகமாவார்கள். எதிர்பாராத திடீர்ப் பணவரவு உண்டு. கணவர் கனிவாகப் பேசுவார். பிள்ளைகள் படிப்பில் முன்னேறுவார்கள். உறவினர்கள் உதவுவார்கள். மாமியார், நாத்தனாரால் இருந்துவந்த பிரச்னைகள் தீரும். வியாபாரத்தில் போட்டிகளையும் தாண்டி ஓரளவு லாபம் கிடைக்கும். உத்தியோகத்தில் சக ஊழியர்களுடன் வீண் வாக்குவாதம் செய்ய வேண்டாம்.

புதிய திட்டங்கள் நிறைவேறும் நேரமிது.

விருச்சிகம்:

ராசி பலன்கள்

வரவேண்டிய பணம் வரும். புது வீடு கட்டி குடியேறுவீர்கள். கணவர் உங்களுக்கு முக்கியத்துவம் தருவார். பிள்ளைகளின் விருப்பம் அறிந்து, அதன்படி செயல்படுவீர்கள். உறவினர்களுடன் இருந்த கசப்புணர்வு நீங்கும். நீண்ட நாள்களாகப் பார்க்க நினைத்தவர்களைச் சந்திப்பீர்கள். சகோதரிக்குத் திருமணம் கூடி வரும். வெளிவட்டாரத்தில் பேசும்போது நிதானித்துப் பேசுங்கள். வியாபாரத்தில் சில மாற்றங்கள் செய்வீர்கள். உத்தியோகத்தில் வேலைச்சுமை அதிகரித்தாலும் தலைமை யின் நம்பிக்கையைப் பெறுவீர்கள்.

வி.ஐ.பி-க்களால் பாராட்டப்படும் நேரமிது.

தனுசு:

ராசி பலன்கள்

பிரச்னைகளின் ஆணி வேரைக் கண்டறிவீர்கள். உயர் பதவியில் இருப்பவர்கள் உதவு வார்கள். பூர்வீகச் சொத்திலிருந்த வில்லங்கம் விலகும். எதிர்பார்த்த தொகை வரும். மாமியார் உங்களுக் காகப் பரிந்துபேசுவார். சமையலறைச் சாதனங்கள் வாங்குவீர்கள். கணவரிடம் பேசும்போது கவனம் தேவை. சிறிய பிரச்னையைத் தேவையில்லாமல் பெரிதாக்க வேண்டாம். வியாபாரத்தில் வாடிக்கையாளர்களைக் கவர புதிய சலுகைகளை அறிவிப்பீர்கள். உத்தியோகத்தில் சக ஊழியர்களால் ஒதுக்கப்பட்டாலும் அதிகாரிகளால் மதிக்கப்படுவீர்கள்.

வளைந்து நிமிரும் நேரமிது.

மகரம்:

ராசி பலன்கள்

புதிய முயற்சிகள் நல்ல விதத்தில் முடியும். பணப்புழக்கம் அதிகரிக்கும். பெரிய பதவிகள் தேடி வரும். குடும்பத்தில் உங்களின் வார்த்தைக்கு மதிப்பு கூடும். கணவரின் நீண்ட நாள் கனவுகள் நனவாகும். பிள்ளைகளால் மகிழ்ச்சியும் உறவினர்களால் ஆதாயமும் உண்டு. அரசு வகையில் அனுகூலம் உண்டு. பால்ய நண்பர்களைச் சந்திப்பீர்கள். மாமனார், மாமியார் உங்களின் சகிப்புத்தன்மையைப் பாராட்டுவார்கள். வியாபாரத்தில் லாபம் அதிகரிக்கும். வாடிக்கையாளர்களின் ரசனையைப் புரிந்துகொள்வீர்கள். உத்தியோகத்தில் அதிகாரிகள் வலிய வந்து உதவுவார்கள்.

சத்தமில்லாமல் சாதிக்கும் நேரமிது.

கும்பம்:

ராசி பலன்கள்

முடிவெடுக்க முடியாமலிருந்த விஷயங்களில் தெளிவான முடிவுகளை எடுப்பீர்கள். உற்சாகத் துள்ளலுடன் பல வேலைகளை விரைந்து முடிப்பீர்கள். கணவன் மனைவி அந்நியோன்யம் பெருகும். பிள்ளைகளின் எதிர்காலம் குறித்து திட்டமிடுவீர்கள். கேட்ட இடத்தில் பணம் கிடைக்கும். உறவினர்கள் வீடு தேடி வருவார்கள். அரசாங்க காரியங்கள் விரைந்து முடியும். வழக்கில் வெற்றிபெறுவீர்கள். குடும்பத்தில் திருமணம், சீமந்தம், கிரகபிரவேசம் போன்ற சுப நிகழ்ச்சிகள் நடந்தேறும். வியாபாரத்தில் சில தந்திரங்களைக் கற்றுக்கொள்வீர்கள். உத்தியோகத்தில் உங்களின் கருத்துக்கு ஆதரவு பெருகும்.

சமயோஜித புத்தியால் சாதிக்கும் நேரமிது.

மீனம்:

ராசி பலன்கள்

வருமானம் உயரும். எதிர்பார்த்த இடத்தில் கடன் கிடைக்கும். பிள்ளைகளின் தனித்திறமைகளை வளர்த்தெடுப்பீர்கள். வீடு வாங்குவது, விற்பது சாதகமாக முடியும். விலகியிருந்தவர்கள் விரும்பி வந்து பேசுவார்கள். வேலைச்சுமையால் சோர்ந்திருக்கும் கணவரிடம் ஆறுதலாகப் பேசுங்கள். வேலை தேடிக்கொண்டிருந்தவர்களுக்கு நல்ல நிறுவனத்திலிருந்து அழைப்பு வரும். வியாபாரத்தில் வாடிக்கையாளர்களின் ரசனைக்கேற்ற பொருள்களைக் கொள்முதல் செய்து லாபத்தைப் பெருக்குவீர்கள். உத்தியோகத்தில் அதிகாரிகள் சுட்டிக்காட்டினால் அமைதியாக ஏற்றுக்கொள்ளுங்கள்.

நல்ல முடிவுகளை எடுக்கும் நேரமிது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு