Published:Updated:

கல்யாண யோகம் எப்போது?

கல்யாண யோகம்
பிரீமியம் ஸ்டோரி
கல்யாண யோகம்

வீட்டில் சுயம்வர பார்வதி ஹோமம் செய்யலாம்

கல்யாண யோகம் எப்போது?

வீட்டில் சுயம்வர பார்வதி ஹோமம் செய்யலாம்

Published:Updated:
கல்யாண யோகம்
பிரீமியம் ஸ்டோரி
கல்யாண யோகம்

? எனக்கு காலசர்ப்ப தோஷம் இருப்ப தாகச் சொல்கிறார்கள். அதற்குரிய பரிகாரம் என்னவென்று கூறுங்களேன்.

- எம்.ரமாமணி, சென்னை - 90

! தங்கள் ஜாதகத்தில் லக்னத்துக்கு எட்டில் செவ்வாய் இருப்பது வலிமையான செவ்வாய் தோஷத்தை ஏற்படுத்தியுள்ளது.

ஏழுக்குரிய சனி பூர்வபுண்ணிய ஸ்தானம் என்று சொல்லப்படும் ஐந்தாம் வீட்டில் இருந்தபடி தன்னுடைய மூன்றாம் பார்வையால் ஏழாம் வீட்டைப் பார்க்கிறார். ஏழாம் வீட்டில் கேதுவும் உள்ளார். ஏழுக்குடையவர் ஐந்தில் இருப்பதாலும் களத்திரகாரகன் 10-ல் இருப்ப தாலும் திருமணம் நடைபெறும் என்பது உறுதி. ஆனால், சனியின் பார்வை ராகுவுக்கு ஏற்படுவதால் உரிய பரிகாரம் செய்ய வேண்டும்.

கல்யாண யோகம்
கல்யாண யோகம்

ஒட்டுமொத்த விகடனுக்கும் ஒரே ஷார்ட்கட்!

சனிக் கிழமைகளில் ஆஞ்சநேயரை வழிபடு வதும், வெள்ளிக்கிழமைகளில் துர்கைக்கு நெய் தீபம் ஏற்றி, செவ்வரளி மலர்களால் அர்ச்சனை செய்து வழிபடுவதும் சிறந்த பரிகாரங்களாகும். வசதியிருந்தால் வீட்டில் சுயம்வர பார்வதி ஹோமம் செய்யலாம்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

? பல ஜாதகங்கள் எனக்குப் பொருந்தி வந்தும் மாப்பிள்ளை வீட்டார் தரப்பில் பதில் எதுவும் சொல்லாமல் இருக்கின்றனர். எனக்கு எப்போது திருமணம் நடைபெறும்; ஏதேனும் பரிகாரம் செய்ய வேண்டுமா?

- எஸ்.சாந்தி, திருவள்ளூர்

! தங்கள் ஜாதகத்தில் பல கிரகங்கள் அனுகூல நிலையில் இல்லை. மேலும், தற்போது தங்களுக்கு ராகு தசையில் குருபுக்தி நடைபெறுகிறது. இது சாதகமான நிலையில்லை. களத்திரஸ்தானத்தில் சனியும் கேதுவும் சேர்க்கை பெற்றிருக்கின்றனர். சுக்கிரனும் நீசம் அடைந்திருக்கிறார். குருவும் பகைஸ்தானத்தில் உள்ளார். சந்திரன் 12-ல் ராகுவுடன் சேர்ந்திருக்கிறார். இப்படி பல கிரக நிலைகள் சாதகமாக இல்லை. நவகிரக சாந்தி ஹோமமும் மகாலட்சுமி ஹோமமும் செய்வது நல்ல பலனைத் தருவதுடன், சிறப்பான மணவாழ்க்கையும் அமைத்துக்கொடுக்கும்.

? திருமணமான சில வருடங்களுக்குப் பிறகு என் கணவருக்கு என் மீது பிரியம் இல்லாமல் போய்விட்டது. கடந்த ஒரு வருடமாக என்னை விட்டுப் பிரிந்திருக்கிறார். அவர் மீண்டும் என்னுடன் சேர்ந்து வாழ்வாரா? ஏதேனும் பரிகாரம் செய்ய வேண்டுமா?

- பி.ரம்யா ரமேஷ்

! திருமணத்தின்போது ஜாதகம் பார்ப்பது நம்முடைய வழக்கம். அப்படி ஜாதகம் பார்க்கும்போது முக்கியமாக சஷ்டாஷ்டக தோஷம் இருக்கிறதா என்பதையும் பார்க்க வேண்டும். கணவரின் ராசியிலிருந்து மனைவியின் ராசி ஆறாவதாகவும், மனைவியின் ராசியிலிருந்து கணவரின் ராசி எட்டாவதாகவும் இருப்பது சஷ்டாஷ்டக தோஷத்தைக் குறிப்பிடும். தாங்கள் விருச்சிக ராசியிலும் தங்கள் கணவர் மிதுன ராசியிலும் பிறந்திருக்கிறீர்கள். எனவே, தங்களுக்கு சஷ்டாஷ்டக தோஷம் ஏற்பட்டுள்ளது.

மேலும், தங்கள் ஜாதகத்தில் ஒரே வீட்டில் நான்கு கிரகங்கள் அமைந்திருக்கின்றன. இது, சந்நியாச யோகத்தைக் குறிப்பிடும். வசதிகள் இருந்தாலும் எதுவும் இல்லாத நிலை போன்ற விரக்தியை ஏற்படுத்தும். உங்கள் கணவரின் ஜாதகத்தில் சந்திர தசையில் சந்திர புக்தி தொடங்கியுள்ளது. சந்திர புக்தி முடிந்ததும் நிலைமை ஓரளவு சீராகும். ஆனாலும், அடிக்கடி இதுபோன்ற நிலைமை ஏற்படும் என்பதால், தினமும் தெய்வ வழிபாட்டில் தங்களை ஈடுபடுத்திக் கொள்வது நல்லது. தங்களுக்கு 40 வயது பூர்த்தியானதும் கணவருடன் நிரந்தரமாகச் சேர்ந்து வாழும் சூழ்நிலை அமையும்.

? எனக்குத் திருமணமாகி இரண்டு வருடங்கள் ஆகின்றன. எனக்கு நிலையான வேலை எப்போது அமையும் என்றும் குழந்தை பாக்கியம் எப்போது கிடைக்கும் என்றும் தெரிவிக்கவும்.

- இரா.பொன்வண்ணன், திருப்பூர்

! நீங்கள் கடக லக்னத்தில் பிறந்திருக்கிறீர்கள். குருவும் லக்னத்தில் உச்சம் பெற்று, தன்னுடைய ஐந்தாம் பார்வையால் புத்திரஸ்தானத்தைப் பார்வை செய்கிறார். எனவே குழந்தை பாக்கியம் கிடைப்பதில் பிரச்னை எதுவும் இல்லை.

மேலும், தங்களுடைய ஜாதகத்தில் ஜீவனாதிபதியான செவ்வாய், லாப ஸ்தானத்தில் வலுவாக உள்ளார். எனவே, கண்டிப்பாக உயர்ந்த பதவியுடன் கூடிய உத்தியோகம் அமையும். பரிகாரம் எதுவும் தேவையில்லை.

- பதில்கள் தொடரும்...

வாசகர்களே... ஜோதிடம் தொடர்பான கேள்விகளுக்குப் பதில் தருகிறார்,

வித்யாவாரிதி சுப்ரமணிய சாஸ்திரிகள். கேள்விகள் அனுப்பவேண்டிய முகவரி:

சக்தி ஜோதிடம் கேள்வி-பதில்,

சக்தி விகடன்

757,அண்ணாசாலை, சென்னை-600 002

Email: sakthi@vikatan.com