ராசி பலன்கள்

மேஷம்: வேலைகளை உடனே முடிக்க வேண்டுமென நினைப்பீர்கள். வி.ஐ.பி-க்களின் நட்பால் சில விஷயங்களை சாதித்துக் காட்டுவீர்கள். பூர்வீகச் சொத்தில் மாற்றம் செய்வீர்கள். உறவினர், நண்பர்களின் வருகையால் வீட்டில் உற்சாகம் பொங்கும். பணப்பற்றாக்குறை நீடித்தாலும் கேட்ட இடத்தில் உதவி கிடைக்கும். கணவர் சில நேரங்களில் முணுமுணுத்தாலும் கடைசி நேரத்தில் உங்கள் கருத்தை ஏற்றுக்கொள்வார். பிள்ளைகள் பொறுப்பாகச் செயல்படுவார்கள். வியாபாரத்தில் சந்தை நிலவரம் அறிந்து புது ஏஜென்சி எடுப்பீர்கள். உத்தியோகத்தில் மறுக்கப்பட்ட உரிமைகள் கிடைக்கும். மேலதிகாரியுடன் அளவாகப் பழகுவது நல்லது. தடைகள் உடைபடும் நேரமிது.

ரிஷபம்: எதையும் சாமர்த்தியமாகச் சமாளிப்பீர்கள். அதிகாரப் பதவிக்குத் தேர்ந்தெடுக்கப் படுவீர்கள். வழக்கில் வெற்றி உண்டு. பணப்புழக்கம் அதிகரிக்கும். அரைகுறையாக நின்ற வீடு கட்டும் பணியைத் தொடங்குவீர்கள். கணவருடன் உரிமையாகப் பேசி, கூடாப் பழக்க வழக்கங்களிலிருந்து அவரை மாற்றுவீர்கள். மகளுக்கு நல்ல வரன் அமையும். அயல்நாடு செல்ல விசா கிடைக்கும். சுபச் செலவுகள், திடீர்ப் பயணங்கள் ஏற்படும். வியாபாரத்தில் பழைய சரக்குகள் விற்றுத் தீரும். உத்தியோகத்தில் உங்கள் திறமைகளை வெளிப்படுத்த நல்ல வாய்ப்புகள் வரும். தைரியமான முடிவுகள் எடுக்கும் நேரமிது.

மிதுனம்: சவால்களில் வெற்றி அடைவீர்கள். வருமானம் உயரும். வழக்கில் நல்ல தீர்ப்பு கிடைக்கும். புதிய வேலைக்கு முயற்சி செய்தவர்களுக்கு நல்ல பதில் வரும். கணவர் பாசமழை பொழிவார். இருவரும் கலந்து பேசி சில முக்கிய முடிவுகள் எடுப்பீர்கள். பிள்ளைகளின் படிப்பில் அக்கறை காட்டுவீர்கள். அரசியலில் செல்வாக்கு கூடும். மாமியார் உங்களின் புதிய திட்டங்களை ஆதரிப்பார். வீட்டில் கூடுதலாக ஓர் அறை கட்டுவீர்கள். நட்பு வட்டம் விரிவடையும். உறவினர்கள் மதிப்பார்கள். ஆடை, ஆபரணம் வாங்குவீர்கள். வியாபாரத்தில் இரட்டிப்பு லாபம் உண்டு. உத்தியோகத்தில் சம்பள பாக்கி கைக்கு வரும். சறுக்கல்களில் இருந்து மீளும் நேரமிது.

கடகம்: உங்களின் ரசனை மாறும். புது வீடு வாங்குவது, கட்டுவது குறித்து யோசிப்பீர்கள். ஓரளவு பணவரவு உண்டு. திருமணம், சீமந்தம் போன்ற சுப நிகழ்ச்சிகளால் வீடு களைகட்டும். பழுதான வாகனத்தை மாற்றுவீர்கள். பூர்வீகச் சொத்தைச் சீர் செய்வீர்கள். கணவரின் வேலைச் சுமையைப் பகிர்ந்துகொள்வீர்கள். பிள்ளைகளின் உயர்கல்வி, திருமண விஷயத்தில் கொஞ்சம் அலைச்சல் இருக்கும். தோழிகளைச் சந்தித்து மகிழ்வீர்கள். உறவினர்களின் ஆதரவு பெருகும். வியாபாரத்தில் அதிரடியான செயல்களால் போட்டிகளை சமாளிப்பீர்கள். உத்தியோகத்தில் உங்களைத் தாக்கிப் பேசினாலும் பதற்றப்படாதீர்கள். சிக்கனம் தேவைப்படும் நேரமிது.

சிம்மம்: வர வேண்டிய பணம் கைக்கு வரும். அறிஞர்களின் நட்பால் தெளிவடைவீர்கள். வீட்டில் சுப நிகழ்ச்சிகள் ஏற்பாடாகும். புது வீட்டில் குடிபுகுவீர்கள். கணவர், உங்களின் முயற்சிக்கு ஆதரவு தருவார். மகளுக்கு வேலை கிடைக்கும். மகனின் அலட்சியப்போக்கு மாறும். புண்ணிய ஸ்தலங்கள் சென்று வருவீர்கள். நாத்தனார், மச்சினர் உங்களின் தியாக உணர்வைப் புரிந்துகொள்வார்கள். பழைய சொந்தங்கள் தேடி வரும். திடீர்ப் பயணங்கள் ஏற்படும். அரசாங்க காரியங்கள் இழுபறியாகும். வியாபாரத்தில் புது வாடிக்கையாளர்கள் அறிமுகமாவார்கள். உத்தியோகத்தில் உங்களின் கடின உழைப்பை மேலதிகாரிகள் பாராட்டுவார்கள். சுற்றியிருப்பவரின் சுயரூபத்தை அறியும் நேரமிது.

கன்னி: பிரச்னைகளைக் கண்டு அஞ்ச மாட்டீர்கள். பணவரவு திருப்தி தரும். வேற்று மதம், இனத்தவரால் ஆதாயம் உண்டு. கணவருடன் அவ்வப்போது கருத்து மோதல் வரும். பிள்ளைகளின் போக்கில் நல்ல மாற்றம் உண்டாகும். தாய்வழி உறவினர்களால் அலைச்சல் இருக்கும். அடுக் கடுக்கான வேலைகளால் மன இறுக்கம், முன்கோபம் உண்டாகும். வீடு, வாகனப் பராமரிப்புச் செலவுகள் அதிகரிக்கும். மாமனார், மாமியார் அதிருப்தி அடைவார்கள். வியாபாரத்தில் போட்டிகள் அதிகரிக்கும். உத்தியோகத்தில் கூடுதல் கவனம் செலுத்துவது நல்லது. சந்தர்ப்பம் அறிந்து காய் நகர்த்தும் நேரமிது.

துலாம்: எதிர்த்தவர்கள் நண்பர்களாவார்கள். பேச்சில் கம்பீரம் பிறக்கும். அதிகாரப் பதவியில் இருப்பவர்கள் அறிமுகமாவார்கள். அரசால் அனுகூலம் உண்டு. கணவர், உங்களின் கடின உழைப்பைப் பாராட்டுவார். பிள்ளைகள் பொறுப்பாக நடந்துகொள்வார்கள். பழைய இடத்தை விற்று, புது வீடு வாங்குவீர்கள். உறவினர்கள், தோழிகள் மத்தியில் அந்தஸ்து உயரும். எதிர்பார்த்த பணம் வரும். வழக்குகள் சாதகமாகும். சொத்துப் பிரச்னை நீங்கும். வியாபாரத்தில் புது வேலையாட்களை அமர்த்துவீர்கள். உத்தியோகத்தில் மூத்த அதிகாரி உதவுவார். சம்பளம் உயர வாய்ப்பிருக்கிறது. திட்டமிட்ட வேலைகளை முடித்துக்காட்டும் நேரமிது.

விருச்சிகம்: சவால்களை எளிதாக எதிர்கொள்வீர்கள். எதிர்பாராத உதவிகள் வெளி நபர்களிட மிருந்து கிடைக்கும். உடன்பிறந்தவர்கள் சில நேரங்களில் உதாசீனப்படுத்தினாலும் முக்கியமான கட்டத்தில் உதவுவார்கள். கணவரிடம் சாதாரண விஷயத்துக்கெல்லாம் சண்டை வேண்டாம். நாத்தனார், மாமியார் வகையில் மனஸ்தாபம் வந்து போகும். திடீர்ப் பயணங்களால் பணப் பற்றாக் குறையும் சோர்வும் வந்து நீங்கும். சமயோஜித புத்தியாலும் சகிப்புத்தன்மையாலும் சாதித்துக் காட்டுவீர்கள். வியாபாரத்தில் புதிய வாடிக்கையாளர்கள் கிடைப்பார்கள். உத்தியோகத்தில் இடமாற்றம் உண்டு. மாறுபட்ட அணுகுமுறையால் வெற்றி பெறும் நேரமிது.

தனுசு: பிரபலங்கள் நண்பர்களாவார்கள். முடிவெடுப்பதில் இருந்த தடுமாற்றம் நீங்கும். உங்களின் ஆளுமைத் திறன் அதிகரிக்கும். ஒரு சொத்தை விற்று மறு சொத்து வாங்குவீர்கள். எதிர்பார்த்த பணத்தில் ஒரு பகுதி கிடைக்கும். கைமாற்றாக வாங்கிய பணத்தைத் தந்து முடிப்பீர்கள். கணவர், உங்களுக்கு ஒத்தாசையாக இருப்பார். அரசாங்க காரியங்கள் விரைந்து முடியும். உறவினர்களால் மனஸ்தாபம் வந்து போகும். யோகா, தியானம் செய்து உடல் எடையையும் மனச்சுமையையும் குறைப்பீர்கள். வியாபாரத்தில் வரவு உயரும். பாக்கிகள் வசூலாகும். உத்தியோகத்தில் மேலதிகாரிகள் புகழாரம் பாடுவார்கள். தன்னம்பிக்கை துளிர்விடும் நேரமிது.

மகரம்: உற்சாகமாகப் பல வேலைகளை விரைந்து முடிப்பீர்கள். எதிர்பார்த்த உதவிகள் வி.ஐ.பி-க்களிடமிருந்து கிடைக்கும். கணவர், உங்கள் மனம்கோணாமல் நடந்துகொள்வார். பூர்வீகச் சொத்துப் பிரச்னை முடிவுக்கு வரும். உறவினர்கள், தோழிகளால் ஆதாயம் உண்டு. அடகில் இருந்த நகையை மீட்பீர்கள். அரசாங்க விவகாரங்களில் வெற்றியுண்டு. வழக்கில் திருப்பம் ஏற்படும். நெடுந்தூரப் பயணங்கள் கொஞ்சம் அலைச்சல் தரும். வியாபாரத்தில் ஆர்வம் அதிகரிக்கும். புதிய ஏஜென்சி எடுப்பீர்கள். உத்தியோகத்தில் உங்கள் திறமைகளை வெளிப்படுத்த நல்ல வாய்ப்புகள் வரும். நேர்மறை எண்ணங்களால் வெற்றி பெறும் நேரமிது.

கும்பம்: சாதுர்யமான பேச்சால் சாதிப்பீர்கள். வர வேண்டிய பணம் கைக்கு வரும். சுப நிகழ்ச்சிகளால் வீடு களைகட்டும். எதிர்பார்த்த நிறுவனத்தில் நல்ல வேலை கிடைக்கும். கணவருக்குப் புது ஆலோசனைகள் தருவீர்கள். பிள்ளைகளால் மதிப்பு கூடும். நட்பு வட்டம் விரிவடையும். மாமியார் உங்களிடம் சில பொறுப்புகளை ஒப்படைப்பார். தாய்வழி உறவினர்களால் அலைச்சல் இருக்கும். அரசாங்க காரியங்கள் இழுபறியாகும். சொத்து விஷயத்தில் கவனமாக இருங்கள். வியாபாரத்தை புதிய முதலீடு செய்து விரிவுபடுத்துவீர்கள். உத்தியோகத்தில் இருந்த அலைச்சல் நீங்கும். ஆரோக்கியத்தில் அக்கறை காட்ட வேண்டிய நேரமிது.

மீனம்: பணப்புழக்கம் அதிகரிக்கும். பழைய பிரச்னைகள் ஓயும். வி.ஐ.பி-க்கள் நண்பர்களாவார்கள். அரசால் அனுகூலம் உண்டு. வீடு கட்ட வங்கிக் கடனுதவி கிடைக்கும். குடும்பத்தில் நிம்மதி தங்கும். கணவர், நீங்கள் சொல்வதைச் செய்வார். பிள்ளைகளின் திறமைகளை இனம் கண்டறிவீர்கள். மாமனார், மாமியார் அன்பாக நடந்துகொள்வார்கள். அயல்நாடு செல்லும் வாய்ப்பு வரும். மன வருத்தத்தில் இருந்த சகோதரர் வலிய வந்து பேசுவார். வியாபாரத்தில் லாபம் பெருகும். வாடிக்கையாளர்கள் எண்ணிக்கை உயரும். உத்தியோகத்தில் பழைய பிரச்னைகளால் மன அமைதி குறையும். சிந்தனைத்திறனால் சாதிக்கும் நேரமிது.