Published:Updated:

சகுனங்கள்!

சகுனங்கள்
பிரீமியம் ஸ்டோரி
News
சகுனங்கள்

ஒருவர் ஒரு செயலை நிறைவேற்றும் பொருட்டு, தான் இருக்கும் இடத்திலிருந்து புறப்பட்டுச் செல்லும்போது, வழியில் அவருக்கு ஏற்படும் இயற்கை நிகழ்வுகள், அவர் செல்லும் நோக்கம் வெற்றியடையுமா அல்லது தோல்வியுறுமா என்பதைச் சுட்டிக்காட்டும் தன்மை உடையன. இவ்வாறான நிகழ்வுகளே சகுனங்கள் எனப்படும்.

செயலின் வெற்றி-தோல்வியைச் சுட்டும் விதத்தில் இவை சுப சகுனங்கள், அசுப சகுனங்கள் என பிரிக்கப்படுகின்றன. பயணங்கள் மேற்கொள்ளும்போது ஏற்படும் சகுனங்களில், எவற்றைக் கண்டால் சுபம்; எவற்றைக் கண்டால் பிரயாணம் வெற்றி பெறாது எனும் அடிப்படையில் சுப, அசுப சகுனங்கள் பிரிக்கப்பட்டுள்ளன.

காணத்தக்கன: பயணம் புறப்படுகையில் எதிரில் சுமங்கலிப்பெண், அந்தணர் இருவர், குழந்தையைத் தூக்கிக்கொண்டு வரும் அன்பர்கள் ஆகியோர் வருவது நல்லது. அதேபோல் மங்கல தீபம், மலர்கள், விசிறி, பால், பழங்கள், மஞ்சள், குடை, வளையல்கள், பசு, மான், கிளி, முகம் பார்க்கும் கண்ணாடி, தயிர், மோர் போன்ற பால் தொடர்பான பொருள்கள், யானை, மயில் ஆகியவற்றைக் காண்பது நல்லதே.

காணத் தகாதன: எண்ணெய், நெய், சலவை செய்யப்பட்ட துணி மூட்டை, ஆயுதங்கள், ஏணி, குரங்கு, பாம்பு, கழுதை, ஆடு, பன்றி, நெருப்பு, சண்டை சச்சரவு செய்யும் காட்சிகள் ஆகியவற்றைக் காணுதல் ஏற்புடையதல்ல.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

விலங்குகளும் சகுனங்களும்:

நாம் அன்றாட வாழ்வில் காணும் காகம், பசு, மூஞ்சூறு, நாய், பூனை, கழுதை, குதிரை, யானை, கிளி, பன்றி ஆகியவற்றையும் மயில், கீரி, பாம்பு, சில பறவைகள், குரங்கு ஆகியவற்றின் இயக்கத்தைக் கொண்டும் சகுனங்களை வகைப்படுத்தி உள்ளனர்.

அவ்வகையில் சில சகுனப் பலன்கள்....

பசு மாடு எதிரே வருவதோ கண்ணில் தென்படுவதோ சுபம். ஆனால், எருமை வருவதும் அதைக் காண்பதும் தீது.

நரி இடமிருந்து வலம் போக பயண நோக்கம் வெற்றி பெரும்.

யானையைக் காண்பது நல்ல சகுனம் ஆகும்; பயணத்தில் வெற்றி உண்டாகும்.

குதிரையைக் காண்பதும் அதன் குரலைக் கேட்பதும் நன்று.

கழுதையைக் காண்பதும் அதன் குரலைக் கேட்பதும் நன்று.

பூனை வலமிருந்து இடம் போவது நன்று; இடமிருந்து வலமாக குறுக்கே போகக்கூடாது. அதேபோல் கழுதை, நாய், குரங்கு ஆகியவையும் வலமிருந்து இடப்புறமாக குறுக்கே செல்வது நன்று.