Published:Updated:

குருப்பெயர்ச்சி பலன்கள் 2021-22: மீனம் - செலவுகள் அதிகரிக்கும்!

மீனராசிக்காரர்களுக்கான குருப்பெயர்ச்சி பலன்கள் 2021-22.

குறிக்கோளையே மனதில் கொண்டு அர்ஜூனனின் இலக்குபோலச் செயல்படும் மீனராசி அன்பர்களே!

13.11.2021 அன்று குருபகவான் மகர ராசியில் இருந்து பெயர்ச்சி ஆகி கும்ப ராசிக்குள் வருகிறார். இது மீன ராசிக் காரர்களுக்கு எப்படிப்பட்ட பலன்களைத் தரும் என்பதைப் பார்ப்போம். மகரம் என்பது தங்கள் ராசிக்கு 11 ம் வீடு. பதினொன்றாம் வீட்டில் குருபகவான் அமர்ந்திருப்பது மிகவும் நல்ல அமைப்பு. நல்ல வசதி வாய்ப்புகள் உருவாகும் காலம். தற்போது குருபகவான் 11 ல் இருந்து விலகி 12 ம் இடமான விரையஸ் தானத்துக்குப் பெயர்ச்சி ஆகிறார். 13.4.2022 வரை அங்கேயே இருந்து பலன்தரப் போகிறார்.

விரைய ஸ்தானத்தில் குருபகவான் சஞ்சரிப்பதால் அநாவசிய செலவுகள் கூடும். சிக்கனத்தைக் கடைப்பிடிக்க முடியாமல் திண்டாடுவீர்கள். பெயர், கௌரவத்துக்காகச் செலவு செய்வதைக் குறைத்துக்கொள்ளுங்கள். வீட்டுக்குள் தேவையற்ற வாக்குவாதங்களைச் செய்துகொண்டிருக்காதீர்கள். வேறு யாரையும் நம்பி உங்கள் வேலைகளை ஒப்படைக்க வேண்டாம். நீங்களே கவனித்துச் செய்யுங்கள். நீண்ட நாள்கள் சென்று வழிபட நினைத்த புனிதத் தலங்களுக்குச் சென்று வழிபாடு செய்யும் வாய்ப்பு கிடைக்கும்.

குருபகவான்
குருபகவான்

நான்காம் வீடான மிதுனத்தை குருபகவான் பார்ப்பதால் தாயாரின் ஆரோக்கியம் மேம்படும். பழைய வாகனத்தை மாற்றுப் புதுவாகனம் வாங்குவீர்கள். பெரிய வீட்டுக்குக் குடிபோவீர்கள். சிலர் ஊர் விட்டு ஊர் செல்ல வேண்டியும் வரலாம்.

6-ம் வீட்டை குருபகவான் பார்ப்பதால் கடன் பாதியாகக் குறையும். நோய் இருப்பதாக இருந்துவந்த அச்சங்கள் விலகும். வெளிநாட்டுக்கு செல்ல எடுத்த முயற்சிகள் சாதகமாகும். எதிர்ப்புகள் விலகும்.

குரு பகவான் 8 - ம் வீட்டைப் பார்ப்பதால் ஆரோக்கியம் நல்லபடி இருக்கும். வழக்குகளில் முன்னேற்றம் உண்டாகும். பங்குச் சந்தை பயன்தரும்.

அவிட்ட நட்சத்திரத்தில் குருபகவானின் சஞ்சாரம்:

13.11.2021 முதல் 30.12.2021 வரையிலான காலகட்டத்தில் குருபகவான் அவிட்டம் நட்சத்திரத்தில் சஞ்சாரம் செய்ய இருக்கிறார். எனவே இந்தக் காலகட்டத்தில் பணவரவுக்குக் குறைவு இருக்காது. வி.ஐ.பிக்களின் உதவியால் தடைப்பட்ட காரியங்களை முடிப்பீர்கள். சொந்தமாக வீடு அல்லது மனை வாங்க முயல்வீர்கள். சகோதரர்களால் உதவி உண்டு. தந்தையின் உடல் நலத்தில் இருந்த பின்னடைவுகள் நீங்கும். அவருடன் மனம் விட்டுப் பேசுவீர்கள். சுபநிகழ்ச்சிகளால் வீட்டில் மகிழ்ச்சி நிறைந்திருக்கும். வீட்டிலும் வெளியிலும் மதிப்பும் மரியாதையும் அதிகரிக்கும்.

கே.பி.வித்யாதரன்
கே.பி.வித்யாதரன்

சதய நட்சத்திரத்தில் குருபகவானின் சஞ்சாரம்:

31.12.2021 முதல் 02.03.2022 வரையிலான இந்தக் காலகட்டத்தில் குருபகவான் சதய நட்சத்திரத்தில் சஞ்சாரம் செய்வதால் குடும்பத்தில் விட்டுக்கொடுத்துச் செல்லுங்கள். தேவையற்ற விவாதங்கள் வேண்டாம். செலவுகள் அதிகரிப்பதால் சமாளிக்க முடியாமல் திணறுவீர்கள். யாரையும் முழுமையாக நம்பி எந்த வேலையையும் ஒப்படைக்க வேண்டாம். உறவினர் விஷயத்தில் அத்துமீறித் தலையிட வேண்டாம்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

பூரட்டாதி நட்சத்திரத்தில் குருபகவானின் சஞ்சாரம்

02.03.2022 முதல் 13.04.2022 வரையிலான இந்தக் காலகட்டத்தில் குருபகவான் பூரட்டாதி நட்சத்திரத்தில் சஞ்சாரம் செய்ய இருக்கிறார். பூரட்டாதி குருபகவானின் நட்சத்திரம். எனவே இதுவரை இருந்த பண நெருக்கடிகள் குறையும். கேட்டிருந்த கடன்தொகை கிடைக்கும். சுபநிகழ்ச்சிகள் நடைபெறும். சில முக்கிய முடிவுகளைத் துணிந்து எடுப்பீர்கள். பிள்ளைகளின் உயர்கல்வி, வேலை, திருமணம் சம்பந்தப்பட்ட முயற்சிகள் நல்ல விதத்தில் முடியும். வங்கிக் கடன் கிடைக்கும். பேச்சில் ஒரு முதிர்ச்சி வெளிப்படும்.

ஆலங்குடி குருபகவான் கோயில்
ஆலங்குடி குருபகவான் கோயில்

மொத்தத்தில் இந்த குருப் பெயர்ச்சி ஓய்வில்லாமல் உங்களைக் கடினமாக உழைக்க வைத்தாலும், அதற்கேற்ற உயர்வில்லையே என சில நேரங்களில் ஏங்க வைக்கும்.

பரிகாரத்தலம்: ஆலங்குடி

வணங்க வேண்டிய தெய்வம்: ஸ்ரீ ஆபத்சகாயேஸ்வரர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு