Published:Updated:

சகுனங்களும் பலன்களும்!

சகுனங்களும் பலன்களும்
பிரீமியம் ஸ்டோரி
சகுனங்களும் பலன்களும்

முனைவர் வித்யாவாரிதி சுப்ரமண்ய சாஸ்திரிகள்

சகுனங்களும் பலன்களும்!

முனைவர் வித்யாவாரிதி சுப்ரமண்ய சாஸ்திரிகள்

Published:Updated:
சகுனங்களும் பலன்களும்
பிரீமியம் ஸ்டோரி
சகுனங்களும் பலன்களும்
ஜோதிட சாஸ்திரத்தில் சகுன சாஸ்திரமும் முக்கிய பங்கு வகிக்கிறது. ஜோதிட சாஸ்திரம் மூலம் ஒருவர் தான் செய்யும் செயலின் பலனை அறியவேண்டுமானால், அதற்கு ஆழ்ந்த ஜோதிடப் புலமை தேவை. ஆனால், கண்ணெதிரில் நிகழும் சம்பவங்களைக் கொண்டு, வரும் நாள்களில் என்னென்ன நிகழும்,மேற்கொள்ளும் காரியம் வெற்றி பெறுமா என்பதை எளிதில் அறிய உதவுவது சகுன சாஸ்திரமாகும். சகுன பலனகள் சுப சகுனம், அசுப சகுனம் என்று பிரித்தறியப்படுகின்றன. சகுனம் போன்றே நிமித்தம் எனும் முறையிலும் பலன் சொல்லப்படுவது உண்டு.

தானே நிகழ்வது சகுனம் என்றும், நாம் நிகழ்த்துவது நிமித்தம் ஆகும். உதாரணமாக ஒரு காரியத்தைச் செய்யத் தொடங்கும்போது ஆலய மணி ஒலித்தால், அது நல்ல அறிகுறியைச் சொல்லும் சகுனம் ஆகும். அதே காரியம் நல்லபடியாக நடந்தேறுமா என்று தெய்வச் சந்நிதியில் நாம் பூக்களைப் போட்டு அவற்றில் ஒன்றை எடுத்து, பலனை அறிவது நிமித்த வகை ஆகும். சிலர், சகுனம் நிமித்தம் இரண்டும் ஒன்றே என்றும் கூறுவார்கள்.

சகுனங்களும் பலன்களும்!

ஒட்டுமொத்த விகடனுக்கும் ஒரே ஷார்ட்கட்!

சகுனங்கள் பலன்கள் குறித்து ஞான நூல்கள் பலவும் விரிவாக எடுத்துரைக்கின்றன. அவற்றிலிருந்து நாம் சில அபூர்வத் தகவல்களை அறிந்துகொள்வோம்.

சகுனங்களின் தன்மைகளும் வகைகளும்

ஒருவர் ஒரு செயலைப் பற்றி நினைத்துக்கொண்டிருக்கும்போதோ, அதனைப் பற்றிப் பேசிக் கொண்டிருக்கும்போதோ அல்லது அதனைச் செய்துகொண்டிருக்கும்போதோ நிகழும் சகுனங்கள் அந்தச் செயலின் வெற்றி தோல்வியை உணர்த்தும். மனிதன் தன் முற்பிறவியில் செய்த நல்வினை - தீவினைகள் ஆகிய புண்ணிய பாவச் செயல்களின் அடிப்படையில், இப்பிறவியில் அவனுடைய செயல்பாடுகளின் பலனை உணர்த்துவதே சகுனங்கள் எனலாம். சகுனம் என்பது செயலின் நன்மை, தீமையை மட்டுமே சுட்டிக்காட்டும்; அக்காரியங்களை வெற்றியாகவோ, தோல்வியா கவோ ஆக்கும் தன்மை சகுனங்களுக்கு இல்லை.

இனி, சகுனங்களின் வகைகளைக் காண்போம்.

மக்கள் வசிப்பிடங்களில் நிகழ்வது

காடுகளில் நிகழ்வது

நீரில் நிகழ்வது

நிலத்தில் நிகழ்வது

வானில் நிகழ்வது

பகலில் நிகழ்வது

இரவில் நிகழ்வது

பகல், இரவு ஆகிய இருவேளைகளிலும் நிகழ்வது என சகுனங்களை எட்டு வகையாகச் சொல்வார்கள். இதேபோல் எட்டு திசைகளிலும் நிகழும் சகுனங்களுக்கென்று தனிப் பலன்கள் சொல்லப்பட்டுள்ளன. மேலும் மாதம், பட்சங்கள், திதிகள் மற்றும் நட்சத்திரங்களின் அடிப்படையிலும்கூட சகுனங்கள் தரும் பலன்கள் விவரிக்கப்பட்டுள்ளன.

உதாரணமாக ஆவணி மாதம் வளர்பிறை பஞ்சமி திதியில், ரோகிணி நட்சத்திரத்தில் ஏற்படும் சகுனத்தின் பலன், வேறொரு மாதம் - பட்சம் -திதி - நட்சத்திரத்தில் ஏற்பட்டால் அதன் பலன் வேறுபட்டதாகும். இவ்வாறு பல நுணுக்கங்களின் அடிப்படையில் எளியமுறையில் சொல்லப்படும் சில சகுனங்கள் பலன்களை அறிந்துகொள்வோம்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

விலங்குகளும் சகுனங்களும்

நாம் அன்றாட வாழ்வில் காணும் விலங்குகளும் சகுன பலன்களில் முக்கியப் பங்கு வகிக்கின்றன. பயணத்தின் தொடக்கத்தில் நரி இடமிருந்து வலமாகவும், பூனையானது வலமிருந்து இடமாகவும் குறுக்கே பாய்ந்தால் நல்ல சகுனம் ஆகும். யானை, குதிரை ஆகியவற்றின் குரலைக் கேட்பதும் மங்கல சகுனமாகும்.

சகுனங்களும் பலன்களும்!

பயணம் தொடங்கும்போது நாய் எதிரில் வருவதும் வலமிருந்து இடப்புறத்தில் பாய்வதும் நன்று. அதுவே நம் மீது தாவி ஏற முயல்வதும் நம் கால்களை மிதிப்பதும் கூடாது. வளர்ப்பு நாயானது நாம் புறப்படும்போது குறுக்கே நின்று குரைத்து நம்மைத் தடுப்பது போன்ற செயல்களில் ஈடுபட்டால், வழியில் திருடர்களால் தொல்லை ஏற்படும். நாய் நம் கால்களை நக்கினால் பயணத்தில் தடைகள் ஏற்படும்.

நாய்களின் செயல்களை வேறுசில சகுனங்களுக்கும் பொருத்திச் சொல்வார்கள். நாயானது வாயில் கயிறைக் கவ்விக்கொண்டு வந்தால் செல்வம் சேரும். நாய் முச்சந்தியில் நின்று கொண்டு ஊளையிடுவது கூடாது. நாய்கள் ஒன்றுகூடி விண்ணில் சூரியனை நோக்கிக் குரைத்தால், நாட்டில் ஆட்சி மாறும் என்பது பலன். மழைக்காலங்களில் புல் மேடு, வைக்கோல் கட்டு, மாடிப் படிகளில் நின்றபடி நாய்கள் குரைத்தால் அதிக மழை பொழியும்.

காகங்கள் சொல்லும் பலன்

சகுன சாஸ்திரத்தில் காகத்துக்கு முக்கிய பங்கு உண்டு. இறந்த முன்னோர்களின் பிம்பமாய் காகங்களைச் சொல்கின்றன ஞானநூல்கள். காகத்துக்கு அனுதினமும் அன்னமிடுவது சிறப்பு. காகம் கரைந்தால் விருந்தினரின் வருகை நிகழும் என்பது நெடுநாள் நம்பிக்கை. இவை தவிர வேறுசில அபூர்வத் தகவல்களையும் சொல்கின்றன சகுனம் சார்ந்த நூல்கள்.

ஒரு பெண் தலையில் ஏந்தியுள்ள குடத்தின் மீது அமர்ந்துள்ள காகம் தன லாபத்தையும், பெண்களால் நன்மை உண்டு என்பதையும் குறிக்கும். அதேநேரம் அந்தக் குடத்துக்குள் காகம் அலகை நுழைக்கக் கூடாது. அது கெடுபலன்களைச் சுட்டிக்காட்டும்.

காகங்கள் காரணமின்றி கரைந்தால் பஞ்சம் வரப்போவதைக் குறிக்கும். இரவில் காகங்கள் அசாதாரணமாகப் பறந்தால், அந்தப் பகுதிக்கு ஏதோ ஆபத்து நேரப்போகிறது என்று அறியலாம். ராணுவ முகாம்கள் உள்ள பகுதிகளில் அநேக காகங்கள் கரைந்துகொண்டிருந்தால், விரைவில் யுத்தம் வரும் என்று பலன். அதேபோல் காகங்கள் நெல் போன்ற தானியங்களை அள்ளிச் சென்று சேமித்தால் விரைவில் அந்த நாட்டில் கொடும் பஞ்சம் வரப்போகிறது என்று அர்த்தம்.

நல்ல மரங்களில் காகம் கூடுகட்டுவது நற்பலனையும் பட்டுப்போன மரங்களில் கூடுகட்டுவது தீய பலன்களையும் குறிக்கும். தண்ணீரில் காகங்கள் மூழ்கிக் குளித்தால், அந்தப் பகுதியில் நல்ல மழை பெய்யும் என்பது பலன்.

பல்லி சொல்லும் பலன்களை நம்மில் பலரும் அறிவோம். பஞ்சாங்க நூல்களிலும் காலண்டர்களிலும் பல்லி விழும் பலன்கள் பற்றிய குறிப்புகள் இடம்பெற்றிருக்கும். அதேபோல் இன்னும் பிற பிராணிகள் தொடர்பான சகுன பலன்களும் உண்டு.

சண்டையிடும் பாம்புகளைக் காண்பது கூடாது. அதேநேரம் இணையோடு சேரும் சர்ப்பங்களைக் கண்டால் நற்பலன்கள் உண்டாகும். பசுமையான விருட்சங்களில் பாம்புகள் ஏறுவதுபோன்ற காட்சியைக் கண்டால் நற்பலன்; இறங்குவதைக் கண்டால் கெடுபலன்கள் விளையும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

பிரச்னத்தில் சகுனங்கள் பங்கு

பிரச்ன ஜோதிடத்திலும் சகுனங்களுக்கு முக்கியமான இடம் உண்டு. பிரச்னம் எனப்படும் ஜோதிடப் பிரிவு, ஒருவர் கேட்கும் நேரத்திற்குரிய கிரக நிலைகளை ஆராய்ந்து பலன் கூறும் முறையாகும். சோழிப்பிரச்னம், தாம்பூலப் பிரச்னம், ஜாமக்கோள் பிரச்னம் போல பல பிரிவுகள் உள்ளன.

சகுனங்களும் பலன்களும்!

கேள்வியாளர் வரும் நேரம், அவர் நிற்கும் நிலை, அவரது அங்க அசைவுகள் அவரின் பேச்சுக்கள், ஜோதிடரின் நிலை, கேள்வியாளர் கேட்கும் போது சுற்றுப் புறத்தில் நிகழும் பேச்சுக்கள், ஒலிகள், நிகழ்வுகள் ஆகிய அனைத்தையும் ஆராய்ந்து, அவற்றின் உட்பொருளை உணர்ந்து, அவை சார்ந்த விஷயங்களையும் பலன் சொல்லும்போது இணைத்துச் சொல்லவேண்டும் என பிரச்னம் பற்றிய சாஸ்திர நூல்கள் கூறுகின்றன.

உதாரணமாக... திருமணம் பற்றி பலன் கேட்கப்படும்போது, கீழ்க்காணும் சகுன நிலை களைக் கொண்டு பிரச்ன பலன் சொல்வார்கள்.

அந்த இடத்தில் மஞ்சள், குங்குமம் போன்ற மங்கலப் பொருட்கள், புதிய ஆடைகள் மலர்கள், பல வண்ணத்தில் உள்ள புடவை முதலிய ஆடைகள், முகம் பார்க்கும் கண்ணாடி ஆகியவை இருந்தாலும் இருவர் கைகுலுக்கி மகிழ்வாகப் பேசுவது, கண்களில் மை இட்டுக் கொள்ளும் காட்சி நிகழ்ந்தாலும் திருமணம் சிறப்பாக நிகழும் என அறியலாம்.

இருவர் பிரிந்து போவது போன்ற காட்சி, எருமை, யானை போன்றவற்றின் சத்தம், பலன் கேட்டு வந்தவர் கேள்வி கேட்டபின்பு தனது பாதத்தையோ முழங்காலையோ, கணுக்காலையோ தொடுதல், மரம் வெட்டுவது, குழி தோண்டுவது போன்ற காட்சிகள் எதிர்மறையான பலனைச் சொல்லும்.

நோய் பற்றிய சகுனங்கள்

கேள்வி கேட்க வருபவர் கையில் தாம்பூலம் போன்றவற்றுடன் வந்தால் நற்பலன் என்றும், பூக்கள் கனிகள் உடன் வருவது மத்யமம் பலன் என்றும், வெறும் கையுடன் வருவது அதமமான பலன் என்று கூறுவர்.

பிணிகள் குறித்து பலன் அறிய வருவோர், தான் கொண்டு வரும் தாம்பூலப் பொருள்கள் மற்றும் பழவகைகளை ஜோதிடரிடம் கொடுத்தபிறகு அவர்கள் மேற்கொள்ளும் செயல்களும் பலன்களில் கணக்கிடப்படும்.

காணிக்கையைக் கொடுத்தபிறகு கேள்வியாளர் தன்னுடைய நெற்றியைத் தொட்டால் மருந்துகளால் நோய் குணமாகும்; பெண்களைத் தொட்டால் உபாதை நீங்கும்; மூக்கை தொட்டால் உடல் ஆரோக்கியம் உண்டாகும். கேள்வியாளர் கையால் வாயை மூடுவதோ, தலையைத் தொடுவதோ, கழுத்தைத் தொடுவதோ கெடுபலன்களைக் குறிக்கும் சகுன நிலைகள் ஆகும். தாங்கள் கொண்டு வந்தவற்றை ஜோதிடரிடம் கொடுக்கும்போது கைதவறி தரையில் சிதறினாலும் எதிர்மறை பலன் விளைய வாய்ப்பு உண்டு.

மகப்பேறு தொடர்பான சகுனங்கள்

இது போல சந்ததி தொடர்பான கேள்விகள் கேட்கப்படும் போது புத்தகம், பேனா குழந்தைகள் விளையாட்டுப் பொருட்கள், குழந்தைகள் துணி மற்றும் நகைகள், கர்ப்பிணிப் பெண் இவற்றைக் கண்டால், விரைவில் குழந்தை பிறக்கும் எனலாம். ஒருவர் அந்த இடத்திலிருந்து எழுந்து வெளியே போவது, ஒருவர் தன் உடலை சுத்தப்படுத்திக் கொள்வது, தீப்பிடித்து எரியும் பொருள் ஆகிய காட்சிகளைக் காணக் கூடாது.

பயணச் சகுனங்கள்

யணம் புறப்படும்போது எதிரில் சுமங்கலிப்பெண், மங்கல தீபம், மலர்கள், விசிறி, பால், பழங்கள், மஞ்சள், குடை, வளையல்கள், பசு, மான், கிளி, அந்தணர்கள் இருவர், முகம் பார்க்கும் கண்ணாடி, தயிர், மோர், குழந்தையைச் சுமந்து வரும் நபர், யானை, மயில் ஆகியவை வருவது சுபச் சகுனமாகும். இவ்வாறு நேர்ந்தால் போகும் காரியம் வெற்றிகரமாக முடியும்.

சகுனங்களும் பலன்களும்!

அதேநேரம் எண்ணெய், நெய், சலவை செய்யப்பட்ட துணி மூட்டை, ஆயுதங்கள், வேடன், குரங்கு, பாம்பு, கழுதை, ஆடு, பன்றி, நெருப்பு, ஏணி, சண்டை-சச்சரவு செய்யும் காட்சிகள், ஆயுதன் ஏந்தியவன் எதிரில் வருவதைக் கண்டால், பயணங்களில் தடைகள் உண்டாகலாம். எக்காரியத்துக்காக புறப்படுகிறோமோ, அந்தக் காரியத்தில் வெற்றி கிடைப்பது கடினம் என்று பலன் அறியலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism