ராசி பலன்கள்

மேஷம்: உங்கள் கை ஓங்கும். பணப்புழக்கம் அதிகரிக்கும். வாகனம் வாங்குவீர்கள். வீடு வாங்க, கட்ட வங்கிக்கடன் உதவி கிடைக்கும். கணவர் வீட்டு வேலைகளைப் பகிர்ந்துகொள்வார். பிள்ளைகளின் தனித்திறமைகளைக் கண்டறிவீர்கள். வெளியூர் சென்று வருவீர்கள். பள்ளி, கல்லூரிக் காலத் தோழிகள் தேடி வருவார்கள். நீண்ட நாள்களாகப் பார்க்க நினைத்த உறவினரைச் சந்தித்து மகிழ்வீர்கள். மாமனார் ஒத்தாசையாக இருப்பார். அரசாங்க விஷயங்கள் தாமதமாக முடியும். வியாபாரத்தில் வரவு உயரும். புதிய வாடிக்கையாளர்கள் தேடி வருவார்கள். உத்தியோகத்தில் கால நேரமில்லாமல் உழைக்க வேண்டி வரும். வளைந்து நிமிரும் நேரம் இது.

ரிஷபம்: நெருக்கடிகளைச் சமாளிக்கும் சக்தி கிடைக்கும். தோற்றப் பொலிவு கூடும். வீடு மாறுவது, விற்பது சாதகமாக அமையும். வாகனத்தை மாற்றுவீர்கள். கணவரைக் கடிந்து பேசி அவரின் கூடாப்பழக்க வழக்கங்களை மாற்றுவீர்கள். பிள்ளைகள் தங்கள் தவற்றை உணருவார்கள். நாத்தனார், மச்சினர் உங்களுக்கு ஆதரவாகப் பேசுவார்கள். சமையலறையை நவீனமயமாக்குவீர்கள். சொந்தங்கள் தேடி வருவார்கள். திடீர்ப் பயணங்கள், செலவுகள் ஏற்படும். அரசாங்க விவகாரங் களில் அலட்சியம் வேண்டாம். வியாபாரத்தில் பழைய வேலையாட்கள் மீண்டும் பணியில் வந்து சேர்வார்கள். உத்தியோகத்தில் கவனம் தேவை. சொந்தங்களால் புகழப்படும் நேரமிது.

மிதுனம்: கடினமான வேலைகளையும் எளிதாக முடிப்பீர்கள். வி.ஐ.பி-க்கள் நண்பர்களாவார்கள். திருமணப் பேச்சுவார்த்தை கைகூடும். பாதியில் முடங்கிக்கிடந்த வீடுகட்டும் பணியைத் தொடருவீர்கள். கணவர், உங்களைப் பெருமையாகப் பேசுவார். பிள்ளைகளை விரும்பிய கல்வி நிறுவனத்தில் சேர்ப்பீர்கள். அயல்நாடு செல்ல விசா கிடைக்கும். மாமனார், மாமியார் உங்களின் திறமையை மதிப்பார்கள். வழக்கு சாதகமாகும். வியாபாரத்தில் பெரிய நிறுவனங்களுடன் புது ஒப்பந்தம் செய்வதன் மூலம் உங்கள் நிறுவனப் புகழ் கூடும். உத்தியோகத்தில் பதவி உயர்வுக்காக உங்களுடைய பெயர் பரிசீலிக்கப்படும். குழப்பம் நீங்கி குதூகலிக்கும் நேரமிது.

கடகம்: சவாலில் வெற்றி பெறுவீர்கள். எதிர்பார்த்த பணத்தில் ஒரு பகுதி கிடைக்கும். புதுப் பொறுப்பும், வேலையும் தேடி வரும். கணவரின் நீண்ட நாள் கனவுகள் நனவாகும். பிள்ளைகளால் மகிழ்ச்சியும், உறவினர்களால் ஆதாயமும் உண்டு. அயல்நாடு செல்லும் வாய்ப்பு வரும். அரசால் அனுகூலம் உண்டு. பழைய கடன் பிரச்னைகள் கட்டுக்குள் வரும். உறவினர்கள் உங்கள் பரந்த மனதைப் புரிந்துகொள்வார்கள். யாருக்காகவும் எந்த உறுதிமொழியும் தர வேண்டாம். வழக்கை நிதானமாக கையாளுங்கள். வியாபாரத்தில் ஆர்வம் பிறக்கும். உத்தியோகத்தில் மறதியால் பிரச்னைகள் வந்து நீங்கும். அதிகாரப் பதவியில் இருப்பவர்களால் ஆதரிக்கப்படும் நேரமிது.

சிம்மம்: உங்கள் பேச்சில் அனுபவ அறிவு வெளிப்படும். பணப்புழக்கம் கணிசமாக உயரும். வீட்டு மனை, வாகனம் உங்கள் ரசனைக்கேற்ப அமையும். கணவர், உங்கள் புதிய முயற்சிக்குப் பக்கபலமாக இருப்பார். பிள்ளைகளின் பிடிவாத குணம் மாறும். உறவினர், தோழிகள் வீட்டு விசேஷத்தை முன்னின்று நடத்துவீர்கள். மாமனார், மாமியார் மதிப்பார்கள். அரசாங்க விஷயங்கள் தள்ளிப் போய் முடியும். வழக்கால் நிம்மதி இழப்பீர்கள். சகோதர வகையில் கவலைகள் வரும். வியாபாரத்தில் பழைய பாக்கிகள் வசூலாகும். கடையை வேறு இடத்துக்கு மாற்றுவீர்கள். உத்தியோகத்தில் மேலதிகாரிகள் உங்கள் கோரிக்கையை ஏற்பர். செல்வாக்கு கூடும் நேரமிது.

கன்னி: உங்கள் அணுகுமுறையை மாற்றிக்கொள்வீர்கள். பிரபலங்கள் உதவுவார்கள். கணவரின் நம்பிக்கையைப் பெறுவீர்கள். பிள்ளைகள் முன்னேற வேண்டுமெனத் துடிப்பார்கள். உங்களிடம் பழகும் நண்பர்கள், உறவினர்களின் பலம் பலவீனத்தை உணர்வீர்கள். கைமாற்றாக வாங்கியிருந்த பணத்தைத் தந்து முடிப்பீர்கள். மாமனார் உதவுவார். உறவினர்கள் வகையில் பிரச்னைகள் வரும். பயணங்கள், செலவுகளால் திணறுவீர்கள். வியாபாரத்தில் நெளிவு, சுளிவுகளைக் கற்றுக்கொள்வீர்கள். உத்தியோகத்தில் அலுவலகச் சூழ்நிலை அமைதி தரும். தன்னம்பிக்கையால் சாதிக்கும் நேரமிது.

துலாம்: துணிச்சலாக சில முடிவுகள் எடுப்பீர்கள். உயர் பதவிக்குத் தேர்ந்தெடுக்கப்படுவீர்கள். எதிர்பாராத பணவரவு உண்டு. வெகுநாள் கனவாக இருந்த வீடு வாங்கும் ஆசை இப்போது நிறைவேறும். கணவர், உங்கள் மனம்கோணாமல் நடந்து கொள்வார். பிள்ளைகளின் எண்ண ஓட்டத்தை அறிந்து அதற்கேற்ப வழி நடத்துவீர்கள். சுப நிகழ்ச்சிகளால் வீடு களைகட்டும். வழக்கில் வெற்றி பெறுவீர்கள். உறவினர், தோழிகளுடன் இருந்த மோதல்கள் நீங்கும். வியாபாரத் தில் வி.ஐ.பி-க்கள் வாடிக்கையாளர்களாவார்கள். உத்தியோகத்தில் அலுவலக ரகசியங்களை மூத்த அதிகாரி உங்களிடம் பகிர்ந்துகொள்வார். ஆளுமைத் திறன் அதிகரிக்கும் நேரமிது.

விருச்சிகம்: எதிர்த்தவர்கள் நண்பர்களாவார்கள். அதிகாரப் பதவியில் இருப்பவர்கள் அறிமுகமாவார்கள். வீடு கட்ட வங்கிக்கடன் கிடைக்கும். கணவருக்கு ஆலோசனைகளை வழங்கு வீர்கள். அவரின் தயக்கத்தைப் போக்குவீர்கள். பிள்ளைகள் உங்கள் அறிவுரையை ஏற்றுக் கொள்வார்கள். வழக்கில் திருப்பம் ஏற்படும். அயல்நாடு செல்லும் வாய்ப்பு அமையும். உறவினர், தோழிகளுடன் நெருடல்கள் வந்து நீங்கும். மாமியாரை அனுசரித்துச் செல்லுங்கள். வியாபாரத்தில் அதிரடியான திட்டங்களைத் தீட்டுவீர்கள். உத்தியோகத்தில் உங்கள் உழைப்புக்கு அங்கீகாரம் கிடைக்கவில்லையே என ஆதங்கப்படுவீர்கள். விட்டுக்கொடுத்து வெற்றி பெறும் நேரமிது.

தனுசு: நினைத்தது நிறைவேறும். வராது என்றிருந்த பணம் கைக்கு வரும். சமூகத்தில் பெரிய அந்தஸ்தில் இருப்பவர்களின் நட்பு கிடைக்கும். கணவருடன் இருந்த மோதல்கள் நீங்கும். தள்ளிப்போன திருமணம் கூடி வரும். சொத்து சேரும். உறவினர்கள், தோழிகளால் ஆதாயம் உண்டு. விலையுயர்ந்த பொருள்கள் வாங்குவீர்கள். வேற்றுமொழி பேசுபவர்கள் உதவுவார்கள். நீண்ட தூரப் பயணங்களைத் தவிர்ப்பது நல்லது. மாமனார், மாமியார் வகையில் செலவுகள் வரும். வியாபாரத்தில் லாபம் உயரும். வேலையாட்கள் ஒத்துழைப்பார்கள். உத்தியோகத்தில் உங்களின் நிர்வாகத் திறமை கூடும். சிக்கனம் தேவைப்படும் நேரமிது.

மகரம்: சமயோஜிதமாகப் பேசி காரியம் சாதிப்பீர்கள். பூர்வீகச் சொத்துப் பங்கைக் கேட்டு வாங்குவீர்கள். கணவர் சில நேரங்களில் எடுத்தெறிந்து பேசுவார். உணர்ச்சிவசப் படாதீர்கள். பிள்ளைகள் கேட்டதை வாங்கித் தருவீர்கள். கண்டும் காணாமல் சென்றுகொண்டிருந்த உறவினர்கள் வலிய வந்து பேசுவார்கள். தோழிகள் உங்கள் தேவையறிந்து உதவுவார்கள். தங்க ஆபரணங்களை இரவல் தர வேண்டாம். மாமனார், மாமியார் முணுமுணுப்பர். நாவடக்கத்துடன் செயல்படுங்கள். வியாபாரத்தில் போராடி லாபம் ஈட்டுவீர்கள். உத்தியோகத்தில் மேலதிகாரியின் ஆலோசனையின்றிப் புது முயற்சிகளில் ஈடுபடாதீர்கள். ரகசியங்களைக் காக்க வேண்டிய நேரமிது.

கும்பம்: புதிய முயற்சிகள் யாவும் வெற்றியடையும். மனோபலம் அதிகரிக்கும். வீட்டை விரிவு படுத்தி, கட்ட முடிவெடுப்பீர்கள். பணவரவு திருப்தி தரும். கணவர் உங்களின் கடின உழைப்பைப் பாராட்டுவார். மகளுக்குத் திருமணம் கூடும். மகனுக்கிருக்கும் மற்ற திறமைகளைக் கண்டறிந்து அதை வளர்ப்பீர்கள். உறவினர்களில் உண்மையானவர்களைக் கண்டறிவீர்கள். குடும்பத்துடன் சுற்றுலா சென்று வருவீர்கள். அயல்நாட்டிலிருப்பவர்களால் ஆதாயம் உண்டு. வியாபாரத்தில் புதிய தொடர்பால் ஆதாயம் அதிகரிக்கும். கடையை விரிவுபடுத்துவீர்கள். உத்தியோகத்தில் சூழ்ச்சிகளை முறியடிப்பீர்கள். முன்கோபத்தைத் தவிர்க்க வேண்டிய நேரமிது.

மீனம்: புதிய திட்டங்கள் தீட்டுவீர்கள். பூர்வீகச் சொத்தை விற்று புதிய வீடு, மனை வாங்குவீர்கள். எதிர்பார்த்த பணம் வரும். சுப நிகழ்ச்சிகளை முன்னின்று நடத்துவீர்கள். கணவர், உங்களிடம் அனுசரணையாக நடந்துகொள்வார். பிள்ளைகளின் வருங்காலம் குறித்து சில முக்கிய முடிவுகள் எடுப்பீர்கள். நீண்ட நாள்களாகப் பார்க்க நினைத்தவர்களைச் சந்தித்து மகிழ்வீர்கள். வேற்று மதத்தவரால் ஆதாயம் உண்டு. உறவினர்கள் மதிப்பார்கள். அரசாங்க காரியங்கள் இழுபறியாகும். வியாபாரத்தில் எதிர்பார்த்த ஒப்பந்தம் உங்களுக்குக் கிடைக்கும். உத்தியோகத்தில் அதிகாரிகளுக்கு நெருக்கமாவீர்கள். முன்னேறும் நேரமிது.