ராசி பலன்கள்

மேஷம்: புதிய முயற்சிகள் வெற்றியடையும். குடும்பத்தில் நிம்மதி உண்டாகும். இழுபறியாக இருந்த வேலைகள் முடியும். பணவரவு திருப்தி தரும். திருமணப் பேச்சுவார்த்தை கைகூடும். கணவர், உங்களுக்காகப் பரிந்து பேசுவார். பிள்ளைகளின் விருப்பங்களை நிறைவேற்றுவீர்கள். பூர்வீகச் சொத்துப் பிரச்னை முடிவுக்கு வரும். சொந்தங்கள் தேடி வந்து உதவுவார்கள். வழக்குகள் சாதகமாகும். வெளியூர்ப் பயணங்களால் ஆதாயம் அடைவீர்கள். வியாபாரத்தில் வாடிக்கையாளர்களைக் கவர புதிய சலுகைகளை அறிவிப்பீர்கள். உத்தியோகத்தில் சக ஊழியர்களின் சூழ்ச்சிகளைத் தாண்டி, அதிகாரியின் ஆதரவைப் பெறுவீர்கள். விடாமுயற்சியால் வெற்றி பெறும் நேரமிது.

ரிஷபம்: எதிர்த்தவர்கள் நண்பர்களாவார்கள். புதிதாக வீடு, மனை வாங்குவீர்கள். அரசியல் பிரமுகர்களின் நட்பு கிடைக்கும். பணப்புழக்கம் கணிசமாக உயரும். கணவர், உங்கள் ஆலோசனையை முதலில் மறுத்தாலும், பிறகு ஏற்றுக்கொள்வார். பிள்ளைகளின் கூடாப் பழக்கம் விலகும். பூர்வீகச் சொத்துப் பங்கை, கேட்டு வாங்குவீர்கள். உறவினர்களின் அன்புத் தொல்லை குறையும். திடீர்ப் பயணங்களும் செலவுகளும் அதிகரிக்கும். வியாபாரத்தைப் பெருக்குவீர்கள். லாபம் சுமாராக இருக்கும். உத்தியோகத்தில் வேலைச்சுமை அதிகமானாலும் தலைமையின் நம்பிக்கையைப் பெறுவீர்கள். முன்கோபத்தைத் தவிர்க்க வேண்டிய நேரமிது.

மிதுனம்: தன்னம்பிக்கை பிறக்கும். எதிர்பாராத பணவரவு உண்டு. நாடாளுபவர்கள் உதவுவார்கள். கணவர், உங்களின் திறமையைப் பாராட்டுவார். புதிய வேலை அமையும். பிள்ளைகளால் பெருமை அடைவீர்கள். சொத்து வாங்க முன்பணம் தருவீர்கள். உடன்பிறந்தவர்கள் ஒத்தாசையாக இருப்பார்கள். இங்கிதமான பேச்சால் மாமனார், மாமியாரைக் கவருவீர்கள். ஷேர் மூலம் பணம் வரும். அயல்நாடு செல்லும் வாய்ப்பு வரும். சொந்தங்கள் மத்தியில் மதிப்பு, மரியாதை கூடும். வீண் செலவு, அலைச்சல் இருக்கும். வியாபாரத்தில் சில நுணுக்கங்களைக் கற்றுக்கொள்வீர்கள். உத்தியோகத்தில் உங்கள் கை ஓங்கும். புதிய திட்டங்கள் நிறைவேறும் நேரமிது.

கடகம்: எதிலும் வெற்றி பெறுவீர்கள். பிரபலங்கள் அறிமுகமாவார்கள். வாகன வசதி பெருகும். கணவரைக் கடிந்து பேசி அவரின் கூடாப்பழக்க வழக்கங்களை மாற்றுவீர்கள். பிள்ளைகளுக்கு எதிர்பார்த்த கல்வி நிறுவனத்தில் உயர்கல்வி அமையும். வழக்கில் வெற்றி பெறுவீர்கள். கண்டும் காணாமல் இருந்தவர்கள் வலிய வந்து பேசுவார்கள். ஷேர் மூலம் பணம் வரும். விசேஷங்களில் முதல் மரியாதை கிடைக்கும். நட்பு வட்டம் விரியும். வியாபாரத்தில் சில சூட்சுமங்களைப் புரிந்து கொள்வீர்கள். உத்தியோகத்தில் யாரையும் பகைத்துக்கொள்ளாதீர்கள். சக ஊழியர்களை உதாசீனப்படுத்த வேண்டாம். ரகசியங்களைக் காக்க வேண்டிய நேரமிது.

சிம்மம்: புதிய முயற்சிகள் நிறைவேறும். கடனாகக் கொடுத்த பணம் கைக்கு வரும். கணவர், வீட்டு வேலைகளை இழுத்துப் போட்டு செய்வார். பிள்ளைகளைப் புதிய பாதையில் வழி நடத்துவீர்கள். பழைய வீட்டை விற்றுப் புதிய இடம் வாங்குவீர்கள். அயல்நாடு செல்ல விசா கிடைக்கும். நாத்தனாரின் கோபம் விலகும். வழக்கில் நல்ல தீர்ப்பு வரும். உறவினர்கள், தோழிகளால் உதவிகள் உண்டு. பேச்சில் நிதானம் அவசியம். வியாபாரத்தில் தேங்கிக் கிடக்கும் சரக்குகளை, சலுகைகள் மூலம் விற்றுத் தீர்ப்பீர்கள். உத்தியோகத்தில் சக ஊழியர்கள் ஒத்துழைப்பார்கள். தலைமைக்கு உதவுவீர்கள். பழைய கடன் தீரும் நேரமிது.

கன்னி: மாறுபட்ட அணுகுமுறையால் பழைய சிக்கல்களுக்குத் தீர்வு காண்பீர்கள். மன உறுதி அதிகரிக்கும். தோல்வி பயம் நீங்கும். வேற்றுமொழி பேசுபவர்களால் ஆதாயம் உண்டு. மாமனார் உதவுவார். திடீர்ப் பயணங்கள், டென்ஷன், செலவுகள் வந்து போகும். கணவர் அவ்வப்போது உங்களைக் குறைகூறுவார். பிள்ளைகளிடம் எதிர்மறையாகப் பேசாதீர்கள். சொத்து விஷயத்தில் கவனமாக இருங்கள். வியாபாரத்தில் வேலையாட்களிடம் கனிவாகப் பேசி வேலை வாங்குவது நல்லது. உத்தியோகத்தில் சக ஊழியர்களால் உங்கள் பெயர் கெடாமல் பார்த்துக் கொள்ளுங்கள். சில நேரங்களில் மௌனம் தேவைப்படும் நேரமிது.

துலாம்: தெளிவான முடிவுகள் எடுப்பீர்கள். பணவரவு திருப்தி தரும். கடன் பிரச்னைகள் கட்டுப்பாட்டுக்குள் வரும். கணவர் பொறுப்பாக நடந்துகொள்வார். பிள்ளைகளின் தேவைகளைப் பூர்த்தி செய்வீர்கள். அதிகாரப் பதவியில் இருப்பவர்கள் உதவுவார்கள். வழக்கு சாதகமாக முடியும். வீட்டை விரிவுபடுத்திக் கட்டுவீர்கள். திருமணம், சீமந்தம் என வீடு களைகட்டும். ஏளனமாகப் பார்த்த உறவினர்களுக்கு பதிலடி தருவீர்கள். வியாபாரத்தில் ஆர்வம் பிறக்கும். பழைய வாடிக்கையாளர்களும் தேடி வருவார்கள். கமிஷன் மூலம் பணம் வரும். உத்தியோகத்தில் சலுகைகள் கிடைக்கும். பதவி உயரும். வி.ஐ.பி-களால் இனம் காணப்படும் நேரமிது.

விருச்சிகம்: பெரிய திட்டங்கள் தீட்டுவீர்கள். வி.ஐ.பி-க்களின் நட்பால் சில விஷயங்களை சாதித்துக் காட்டுவீர்கள். பழைய வழக்கில் வெற்றி பெறுவீர்கள். ஒரு சொத்தைக் காப்பாற்ற மற்றொரு சொத்தை விற்க வேண்டி வரும். மனக்குழப்பம், தாழ்வு மனப்பான்மை, உறவினர்களுடன் விரிசல்கள் வந்து விலகும். கணவர், உங்களின் யோசனைகளுக்கு முக்கியத்துவம் தருவார்.எதார்த்தமாக நீங்கள் பேசுவதை சிலர் தவறாகப் புரிந்துகொள்வார்கள். வியாபாரத்தில் போட்டிகள் அதிகரிக்கும். வேலையாட்களால் பிரச்னைகள் வரும். உத்தியோகத்தில் அதிகாரிகளுடன் அளவாக பழகுங்கள். சிக்கனம் தேவைப்படும் நேரமிது.

தனுசு: எதிர்பார்ப்புகள் நிறைவேறும். வீடு வாங்குவது, கட்டுவதற்கு லோன் கிடைக்கும். பணப்புழக்கம் அதிகரிக்கும். ஆட்சியில் இருப்பவர்கள் அறிமுகமாவார்கள். கணவர் உங்களுக்கு முழு சுதந்திரம் தருவார். பிள்ளைகளின் அலட்சியப்போக்கு மாறும். சொத்து வாங்குவது, விற்பது லாபகரமாக முடியும். உறவினர்கள் உங்களின் திறமையைக் கண்டு அதிசயிப்பார்கள். பழைய உறவுகளிடம் பேசி மகிழ்வீர்கள். வியாபாரத்தில் சந்தை நிலவரம் அறிந்து புதிய ஏஜென்சி எடுப்பீர்கள். உத்தியோகத்தில் எதிர்த்தவர்கள் அடங்குவார்கள். சக ஊழியர்கள் மதிப்பார்கள். நீண்ட நாள் பிரச்னைகள் தீரும் நேரமிது.

மகரம்: சோர்வு நீங்கித் துடிப்புடன் செயல்படத் தொடங்குவீர்கள். ஓரளவு பணவரவு உண்டு. வாகன வசதி பெருகும். கணவருக்குத் தொழிலில் முன்னேற்றம் உண்டு. உறவினர்களால் உதவிகள் கிட்டும். பிள்ளைகளால் டென்ஷன், செலவுகள் வந்து போகும். மாமியாரை அனுசரித்துப் போங்கள். தாயாருடன் கருத்து மோதல்கள் வரக்கூடும். பூர்வீகச் சொத்தை விற்று சில பிரச்னைகளிலிருந்து வெளி வருவீர்கள். சகோதர வகையில் சங்கடங்கள் வரும். வியாபாரத்தில் பழைய பாக்கிகள் வசூலாகும். புதுப் பங்குதாரரைச் சேர்ப்பீர்கள். உத்தியோகத்தில் உங்கள் உழைப்புக்கு அங்கீகாரம் கிடைக்கவில்லையே என ஆதங்கப்படுவீர்கள். அவசர முடிவுகளைத் தவிர்க்க வேண்டிய நேரமிது.

கும்பம்: தடைப்பட்ட வேலைகள் முடியும். எதிர்பார்த்த பணம் கைக்கு வரும். புதியவர்கள் அறிமுகமாவார்கள். கணவரிடம் பக்குவமாகப் பேசி அவரின் திறமையை வெளிக்கொணர்வீர்கள். பிள்ளைகள் நல்ல வழிக்குத் திரும்புவார்கள். அரசாங்க காரியங்கள் விரைந்து முடியும். வழக்கு சாதகமாகத் திரும்பும். வீடு மாற வேண்டுமென நினைப்பீர்கள். உடன்பிறந்தவர்கள் ஒத்தாசையாக இருப்பார்கள். சொத்து வாங்குவது, விற்பது லாபகரமாக முடியும். பழைய கடனைத் தீர்க்க புதிய வழியை யோசிப்பீர்கள். வியாபாரத்தில் வேலையாட்களை மாற்றுவீர்கள். உத்தியோகத்தில் பணிகளைப் போராடி முடிப்பீர்கள். விவாதங்களில் வெற்றி பெறும் நேரமிது.

மீனம்: திட்டமிட்ட காரியங்கள் கைகூடும். மேல்மட்ட அரசியல்வாதிகளின் அறிமுகம் கிட்டும். வராது என்றிருந்த பணம் வரும். புது வீடு, மனை வாங்குவீர்கள். கணவர், நீங்கள் சொல்வதைச் செய்வார். பிள்ளைகளின் நட்பு வட்டம் விரியும். விரும்பிய பொருள்களை வாங்கி மகிழ்வீர்கள். மாமியார், நாத்தனார் உதவுவார்கள். சொந்தங்களால் அனுகூலம் ஏற்படும். அரசால் ஆதாயம் உண்டு. வழக்கு சாதகமாகும். வியாபாரத்தில் எதிர்பார்த்ததைவிட லாபம் அதிகரிக்கும். உத்தி யோகத்தில் மேலதிகாரியின் தவறுகளைச் சுட்டிக் காட்டுவீர்கள். வாக்கு சாதுரியத்தால் நினைத்ததை நிறைவேற்றிக்கொள்ளும் நேரமிது.