வரும் ஜூன் 21-ம் நாள் ஞாயிற்றுக் கிழமை அன்று சூரிய கிரகணம் நிகழ்கிறது.

அதாவது, நிகழும் சார்வரி வருடம், ஆனி மாதம் 7-ம் தேதி, அமாவாசை திதி, மிருகசீரிடம் நட்சத்திரம், 4-ம் பாதம், மிதுன ராசி, கன்னி லக்னத்தில் காலை மணி 10.22 மணிக்கு சூரியனை வடமேற்கு திசையில் ராகு பிடிக்க ஆரம்பித்து, நண்பகல் 12.02 மணிக்கு அதிகமாகி மதியம் மணி 1.42 மணிக்கு, கிழக்குத் திக்கில் விடுகிறது.

கிரகணம் ஆரம்பிக்கும் வேளையில் நீராட வேண்டும். மாற்றுடை அணிந்து திலகமிட்டு, தியானத்தில் ஈடுபட வேண்டும். தியானம் செய்ய இயலாதவர்கள் ஏழை எளியவர்களுக்கு கொடை வழங்கி வழிபடலாம். முன்னோரை ஆராதனம் செய்ய வேண்டும். இயலாதவர்கள் முன்னோரை எண்ணி, கொடை வழங்கலாம். ஒன்றும் இயலாதவர்கள் கடவுள் நாமத்தை ஜபிக்கலாம். பிறகு, திரும்பவும் சிறப்பு நீராடி உணவு உட்கொள்ளலாம்.

பரிகாரம்: ஆனி மாதம் உத்தராயனம், கிரிஷ்ம ருதுவில் அமாவாசை திதியில் சூரிய கிரகணம் நிகழ்கிறது. ஆகவே ரோகிணி, மிருகசீரிஷம், திருவாதிரை, சித்திரை, அவிட்டம் நட்சத்திரங்களில் பிறந்தவர்கள் சிவாலயங்களுக்குச் சென்று பைரவரை விளக்கேற்றி வழிபடுவது நல்லது.