Published:Updated:

ஈசான்ய மூலையில் ஜன்னல் அமைக்கலாமா? - வாஸ்து வழிகாட்டல்

வாஸ்து
பிரீமியம் ஸ்டோரி
News
வாஸ்து

வாஸ்து நிபுணர் சதீஷ்குமார்

`சொந்த வீடு’ என்பது அனைவருக்குமான வாழ்நாள் கனவு. சிறுகச் சேமித்த பணம், வங்கிக் கடன் ஆகியவற்றின் மூலம் வாங்கும் மனையும் அதில் நாம் கட்டும் புது வீடும் நம் குடும்பத்தைச் செழிக்கவைக்கும் இடங்களாகத் திகழவேண்டும்.

அதற்கு, இவ்வுலகை ஆளுமை செய்யும் பஞ்ச பூதங்களின் அனுக்கிரகம் தேவை. இந்தப் பிரபஞ்சமே நீர், நிலம், காற்று, ஆகாயம்,நெருப்பு ஆகிய பஞ்ச பூதங்களால் தான் இயங்கி வருகிறது. பஞ்சபூதங்களும் அருள்செய்ய வேண்டுமெனில், அவற்றின் பலன் பூரணமாகக் கிடைக்கும் விதம் நம் மனை அமையவேண்டும். அவ்வகையில், சொந்த வீட்டுக்காக நிலம் வாங்கவுள்ள அன்பர்களுக்கு சில அவசிய வழிகாட்டல் களைத் தருகிறது வாஸ்து சாஸ்திரம்.

நீங்கள் வாங்கும் நிலம் செவ்வகமாக இருப்பது நல்லது. ஒருவேளை அது செவ்வக மாக இல்லை என்றால், அதற்கு உரிய வாஸ்து பரிகாரம் செய்யலாம்.

நிலத்தில் வடகிழக்கு மூலையைவிட, தென்மேற்கு மூலை தாழ்ந்து இருக்க வேண்டும். வடகிழக்கு மூலையில் நீங்கள் நீரை ஊற்றினால், தென்மேற்கு மூலைக்குச் சென்று சேரவேண்டும். அதுவே நல்ல இடம். அந்த நிலத்தில்தான் நல்ல வளர்ச்சியும், நல்ல நீரோட்டமும் இருக்கும்.

ஈசான்ய மூலையில் ஜன்னல் 
அமைக்கலாமா? - வாஸ்து வழிகாட்டல்

புதிதாக மனை வாங்குவோர், அவசியம் ஒரு பரிசோதனையைச் செய்ய வேண்டும். என்ன தெரியுமா? முதலில், ஒரு மீட்டர் நீள, அகலத்துக்கு - ஒரு முழம் அளவு ஆழத்துக்கு ஒரு குழி வெட்டுங்கள். அந்தக் குழியில் வேகமாக நீரை ஊற்றிப் பாருங்கள்.

பூமியில் சேரும் நீர், கடிகாரச் சுற்றுவாக்கில் சுழன்று மறைந்தால், அந்த இடத்தில் நீர் வளம், மண் வளம் அங்கு அதிகம் என்று அர்த்தம். நீரானது எதிர்மறையான சுற்றில் உறிஞ்சப் பட்டால், அந்த நிலத்தை வாங்குவது பற்றி யோசிக்கவேண்டும்.

புதிய மனையில் வீடு கட்டும்போது, தென்மேற்கு திசையில் உள்ள இடங்கள் சற்று இருட்டாகவும், மூடியபடியும் இருப்பது நல்லது. அதாவது படுக்கையறை, பொருள்கள் வைக்கும் அறைகள் அங்கு இருப்பது நல்லது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

வடகிழக்குத் திசையில் உள்ள இடங்கள் திறந்தவெளியாகவும், வெளிச்சம் உள்ள அறைகளாகவும் இருப்பது நல்லது. வடகிழக்கு ஈசான்ய மூலையில் கதவு மற்றும் ஜன்னல் வைப்பது நல்லது.

பெரும்பாலும் கதவையும் ஜன்னலையும் தெற்கு, தென்கிழக்கு, வடமேற்கு ஆகிய திசைகளில் வைக்கலாம். ஆனால், தென்மேற்கு திசையில் கதவு, ஜன்னல் வைக்கக் கூடாது. `இந்தத் திசை தீய சக்திகளின் நுழைவு வாசல்’ என்கிறது வாஸ்து சாஸ்திரம்.

பூஜை அறை வீட்டுக்கு மிகவும் அவசியம். நல்ல வரங்களை அருளும் கேந்திரமாகத் திகழும் பூஜை அறை, வீட்டில் வடகிழக்கு திசையில் இருப்பது நல்லது. அங்கே பிராண வாயு அதிகம் கிடைக்கும் பகுதி என்பதால், உங்களால் ஆழ்நிலை தியானத்துக்கு எளிதில் செல்ல முடியும்.

குளியலறை மற்றும் கழிப்பறை மேற்கு அல்லது கிழக்கு திசையில் இருக்க வேண்டும். நீரின் போக்கு சீராக இருக்கும் திசை என்பதால், வாஸ்து சாஸ்திரம் பொதுவாக இந்தத் திசைகளைப் பரிந்துரை செய்கிறது.

வரவேற்பறை எனும் ஹால் பகுதி ஒரு வீட்டுக்கு இதயம் போன்றது. எனவே, அது ஒழுங்கான சதுரம் அல்லது செவ்வக வடிவில் இருப்பது கட்டாயம். வெளிச்சமாகவும், காற்றோட்டமாகவும் ஹால் இருப்பது நல்லது.

சின்னச் சின்னதாக நிறைய அறைகள் அமைப்பதைவிட, நான்கு அல்லது ஐந்து அறைகளை விசாலமாக அமைப்பது நல்லது. அது மனரீதியாக உங்களை மகிழ்ச்சிக்கு உள்ளாக்கும்.