Published:Updated:

கல்யாண யோகம் எப்போது?

கல்யாண யோகம்
பிரீமியம் ஸ்டோரி
கல்யாண யோகம்

முனைவர் வித்யாவாரிதி சுப்ரமண்ய சாஸ்திரிகள்

கல்யாண யோகம் எப்போது?

முனைவர் வித்யாவாரிதி சுப்ரமண்ய சாஸ்திரிகள்

Published:Updated:
கல்யாண யோகம்
பிரீமியம் ஸ்டோரி
கல்யாண யோகம்

?எனக்கு திருமணமாகி விவாகரத்தாகிவிட்டது. எனக்கு மறுமணம் நடைபெறுமா என்பதைத் தெரிவிக்கவேண்டுகிறேன்.

- பெயர் குறிப்பிட விரும்பாத வாசகர்

! நீங்கள் தனுர்லக்கினத்தில் பிறந்திருக்கிறீர்கள். லக்கினத்துக்கு 7-ம் இடத்துக்கு உரிய புதன் மற்றும் 7-ம் காரகராகிய சுக்கிரன் ஆகிய இருவரும் உச்சமாக இருக்கிற சூரியனுடன் 5-ம் வீட்டில் சேர்க்கை பெற்றிருக்கின்றனர். குருவின் பார்வை மேற்கண்ட 5 மற்றும் 7-ம் வீடுகளுக்கு இருந்தாலும்கூட பெண்களைப் பொறுத்தவரை 7-ம் வீடு கல்யாண வீடு, 8-ம் வீடு கல்யாணத்துக்கு மாங்கல்ய ஸ்தானம். 8-ம் வீடு ஆயுள் ஸ்தானமாக இருந்தாலும்கூட திருமணத்தைப் பொறுத்தவரை மாங் கல்ய ஸ்தானமாகவும் உள்ளது. எனவே 7 மற்றும் 8-ம் வீடுகளில் உள்ள கிரகங்களின் வலிமை யைப் பொறுத்தே ஆண் மற்றும் பெண்ணின் ஜாதகங்களை சேர்த்து வைக்கவேண்டும். இது மட்டுமல்லாமல் 2, 4, 12 ஆகிய வீடுகளில் பாவ கிரகங்கள் இருந்தாலும்கூட, குறிப்பாக 7 மற்றும் 8-ம் வீடுகளில் பாவ கிரகங்கள் இருக்கக்கூடாது. உங்கள் ஜாதகத்தில் 8-ம் வீட்டுக்கு உரிய சந்திரன் 6-ம் வீட்டில் ராகுவுடன் சேர்ந்திருக்கிறார். எனவேதான் டைவர்ஸ் ஆகிவிட்டது. மறுமணத்தைப் பொறுத்தவரை விரைவில் முடிவதற்கான வாய்ப்பு இருக்கவே செய்கிறது. இறைவனை பிரார்த்தித்துக் கொள்ளுங்கள்.

?என் மகன் திருமணம் செய்துகொள்வதில் விருப்பம் இல்லாமல் இருக்கிறான். ஏதேனும் தோஷம் இருக்கிறதா? பரிகாரம் செய்யவும் தயாராக இருக்கிறோம்.

- என்.ராதிகாதேவி, சென்னை

ஒட்டுமொத்த விகடனுக்கும் ஒரே ஷார்ட்கட்!

! உங்கள் மகன் மேஷ லக்கினத்தில் பிறந்திருக்கிறார். லக்கினத்துக்கு 7-ம் வீட்டில் சனி, சந்திரன், சுக்கிரன் ஆகியோர் இருக்கின்றனர். சனியும் சந்திரனும் சேர்க்கை பெற்றிருப்பது என்பது அவ்வளவு சிலாக்கியமில்லை. அதிலும் 7-ம் வீட்டில் இருந்தால் சொல்லவே வேண்டியதில்லை. இப்படி இருப்பதை புனர்பூ யோகம் என்று கூறுவார்கள். மேலும் 7-ம் வீட்டிலேயே களத்திரகாரகன் சுக்கிரன் இருப்பதால், காரகோ பாவ நாசக: என்று கூறுவார்கள். எனவே களத்திரகாரகன் களத்திர ஸ்தானத்திலேயே இருப்பதால் திருமணத்தில் நாட்டம் ஏற்படாத நிலை காணப்படுகிறது. அவருக்கு விருப்பமான பெண்ணையே திருமணம் செய்துகொள்ளலாம் என்று விட்டுவிட்டால் அவருக்கு திருமணம் நடைபெறுவதற்கான வாய்ப்பு ஏற்படும். வேறு பரிகாரம் எதுவும் தேவையில்லை.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

?இத்துடன் என் ஜாதகத்தை அனுப்பியுள்ளேன். எனக்கு இன்னும் திருமணம் நடைபெறவில்லை. ஏதேனும் தோஷம் இருக்கிறதா என்றும் என்ன பரிகாரம் செய்யவேண்டும் என்றும் தெரிவிக்க வேண்டுகிறேன்.

விசுவநாதன், சென்னை

!இப்போதெல்லாம் ஜோதிடம் பார்க்க வருபவர்களில் பெரும்பாலானோர் திருமணத் தடை, மற் றும் நிம்மதியற்ற திருமண வாழ்க்கை போன்ற பிரச்னைகளையே கூறுகின்றனர். நீங்கள் விருச்சிக லக்கினத்தில் பிறந்திருக்கிறீர்கள். 7-ம் வீட்டில் செவ்வாய் உள்ளார். 7-ம் இடத்தில் செவ்வாய் குரு வின் பார்வை அல்லது சேர்க்கை பெற்றிருந்தாலும் அல்லது 7-ம் வீடு கடகம் அல்லது சிம்ம லக்கி னத்தில் செவ்வாய் இருந்தாலும், சனி, ராகு, கேதுக்களின் சேர்க்கை பெற்றிருந்தாலும் செவ்வாய் தோஷம் இல்லை என்று கூறுவார்கள். இவை எதுவும் இல்லாத நிலையில் 7-ம் வீட்டில் செவ்வாய் இருப்பது தோஷமாகும். எனவே உங்கள் ஜாதகத்தில் செவ்வாய் தோஷம் வலிமையாக இருக்கி றது. மேலும் உங்களுக்கு இப்போது சனிதசை நடைபெறுகிறது. சனி 9-ம் வீட்டில் இருக்கிறார். சனியானவர் சூரியனின் வீடான சிம்மத்திலோ அல்லது சந்திரனின் வீடான கடகத்திலோ இருந் தால் நன்மை செய்யமாட்டார் என்பது பொதுவான கருத்து. இருப்பினும் ஜன்ம நட்சத்திரம் சுவாதி என்பதால் திருமண யோகம் தெரிகிறது. பதினாறு சாஸ்திரிகளை வைத்து பதினாறு முறை புருஷ சூக்த ஜபமும், சமாராதனையும் செய்தால் விரைவில் திருமணம் நடைபெறும்.

கல்யாண யோகம் எப்போது?

?நான் ஜோதிடத்தில் தேர்ச்சி பெற்று மற்றவர்களுக்கும் ஜோதிடப் பயிற்சி அளித்து வருகிறேன். எனக்கு இன்னும் திருமணம் நடைபெறவில்லை. என்ன பரிகாரம் செய்யவேண்டும்?

!நீங்கள் மிதுன லக்கினத்தில் பிறந்திருக்கிறீர்கள். 7-ம் வீட்டுக்கு உரிய குரு 6-ம் வீட்டில் மறைவு பெற்றிருக்கிறார். அதே வீட்டில் சந்திரனும் கேதுவும் இருக்கிறார்கள். குடும்ப ஸ்தானத்துக்கு உரிய சந்திரன், கேட்டை நட்சத்திரத்தில் பிறந்த காரணத்தினால் நீசனாக உள்ளார். நட்சத்திர அதிபதியான புதன் அந்த நட்சத்திரத்துக்கு 12-ம் வீட்டில் அதாவது துலாமில் உள்ளார். திருமண காரகராகிய சுக்கிரன் கன்னியில் நீசம் பெற்றுள்ளார். இப்படி திருமணத்துக்குப் பல விதமான தடைகள் தெரிகின்றன. எனவே சுக்கிரனுக்கு சிறப்பான முறையில் சாந்தி ஹோமம் செய்தால் திருமணம் நடைபெறக்கூடிய யோகம் ஏற்படும்.

- பதில்கள் தொடரும்...

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

வாசகர்களே... ஜோதிடம் தொடர்பான கேள்விகளுக்குப் பதில் தருகிறார், வித்யாவாரிதி சுப்ரமணிய சாஸ்திரிகள். கேள்விகள் அனுப்பவேண்டிய முகவரி: சக்தி ஜோதிடம் கேள்வி-பதில், சக்தி விகடன், 757, அண்ணாசாலை, சென்னை-600 002 Email: sakthi@vikatan.com

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism