Published:Updated:

ஆஹா... ஆன்மிகம்! - பவழம்

தொகுப்பு: அருண வசந்தன்

பிரீமியம் ஸ்டோரி

வரத்தினங்களில் ஒன்று பவழம். நவகிரகங்களில் செவ்வாய்க்கிரகத்துக்கு உரிய பவழத்தை ஆபரணங்களில் பதித்து அணிவதால் நன்மை உண்டாகும் என்பது நம்பிக்கை. பவழம் செல்வத்தின் அடையாளம் என்று கருதி, பவழ மணிகளை மாலையாகக் கோத்து அணியும் வழக்கமும் உண்டு.

ஆஹா... ஆன்மிகம்! - பவழம்

வழப் பாறைகளில் படரும் ஒருவகைக் கொடியே பவளமாகும். கிளை கிளையாகப் படரும் இவற்றின் தண்டுகளை வெட்டி மணிகளாக்குகின்றனர். தெய்வங்களுக்கும் பவழ ஆரங்களைச் சமர்ப்பிப்பதுண்டு.

ங்க இலக்கியங்களில் ஒன்றுக்கு `மணிமிடைப் பவளம்' என்பது பெயர். அர்ஜுனனின் மனைவியரில் ஒருத்திக்குப் பவழக்கொடி என்பது பெயர். அர்ஜுனன் இவளை மணந்த கதை நாட்டுப்புற இலக்கியங்களாகவும் கூத்தாகவும் திகழ்கிறது.

வளத்தின் வண்ணத்தைத் தெய்வத் திருமேனியின் வண்ணத்துக்கு எடுத்துக்காட்டும் வழக்கமுண்டு. ‘பவளவாய்க் கமலச் செங்கண்’ என்று திருமாலைப் போற்றுகிறது பாசுரம் ஒன்று. சிவனாரை ‘பவளத் திருமேனியான்’ என்று சிவனடியார்கள் போற்றுவர். `பவளக்கொடியில் பழுத்த செவ்வாயும் பனிமுறுவல் தவளத் திருநகையும் உடையவள் அம்பிகை' என்று பாடுகிறார் அபிராமிப்பட்டர்.

கோபிச்செட்டிப்பாளையம் அருகில் பச்சை மலை, பவழமலை ஆகிய இரண்டு மலைகள் உள்ளன. இம்மலைகளின் மீது அழகன் முருகன் அருள்பாலிக்கிறான். சில கோயில்களில் பெருந்திருவிழாக்களில் பவழக்கால் சப்பரத்தில் சுவாமி எழுந்தருளி வீதியுலா வருவார்.

திருத்தம்...

சென்ற இதழில் 63-ம் பக்கத்தில் `எதிர் சேவை ஏன் தெரியுமா?' என்ற தலைப்பில் வெளியாகியிருந்த துணுக்குச் செய்தியில்,  எதிர் சேவை நடைபெறும் `அன்றைய தினம் வீரராகவ பெருமாளின் பட்டருக்கு  கள்ளழகரின் சடாரியைத் தாங்கும் உரிமை  காலங்காலமாக வழங்கப்பட்டு வருகிறது' என்றொரு தகவல் இடம்பெற்றிருந்தது. இது சரியானதல்ல.

`அன்றைய தினம் வீரராகவப் பெருமாள் அர்ச்சகரின் தலையில் கள்ளழகரின் சடாரியைச் சாதித்து மரியாதை வழங்கும் வழக்கம் காலம் காலமாக இருந்து வருகிறது' என்பதே சரி.

- ஆசிரியர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு