Published:Updated:

ஆஹா... ஆன்மிகம்! - அஸ்திர தேவர்

ஒட்டுமொத்த விகடனுக்கும் ஒரே ஷார்ட்கட்

Use App
ஆஹா... ஆன்மிகம்! - அஸ்திர தேவர்
ஆஹா... ஆன்மிகம்! - அஸ்திர தேவர்

அருண வசந்தன்

பிரீமியம் ஸ்டோரி

* படைக்கலங்களில் தெய்வ சக்தி நீக்கமற நிறைந்திருக்கிறது. எனவே, தெய்வங்களுக்கு உரிய படைக்கலனைத் தெய்வமாகவே போற்றி அஸ்திர தேவதையாக வழிபடும் வழக்கம் உள்ளது.

* பெரிய ஆலயங்களில் குறிப்பிட்ட தெய்வங்களுக்குரிய ஆயுதத்தை உலோகத்தால் செய்து பீடத்தில் பொருத்திவைத்துள்ளனர். அவ்வகையில் சிவாலயங்களில் திரிசூலம், விநாயகர் ஆலயங்களில் அங்குசம், முருகன் ஆலயங்களில் சக்தி ஆயுதம் என அந்தந்த ஆலயங்களுக்கு உரிய அஸ்திர தெய்வம் ஆராதிக்கப்படுகிறது.

ஆஹா... ஆன்மிகம்! - அஸ்திர தேவர்

* திருவிழாக்களின்போது அஸ்திர தேவர் வழிபாடு சிறப்பாக நடைபெறும். கொடியேற்றிய பின்னர்,  அஸ்திர யாகம் செய்யப்படும். பின்னர் அஸ்திர மூர்த்திக்கு அபிஷேகம் செய்து அதில் தேவர்களை நிலைப்படுத்தும் வைபவம் நிகழும். சுவாமி உலாவுக்குமுன் அஸ்திர தேவரை எடுத்துச்செல்வதும் உண்டு.

* படைக்கலன்கள் அஸ்திரம், சஸ்திரம் என இருவகைப்படும். கைகளில் பற்றிக்கொண்டு சண்டையிட உதவும் வாள், குத்துவாள், கத்தி முதலியன சஸ்திரம். அம்பு, வேல், சூலம் ஆகியன அஸ்திரங்களாகும்.

* அதேபோல் பெண்ணாயுதம், ஆணாயுதம் என்றும் வகைப்படுத்துவர்.  சூலாயுதம், சக்ராயுதம் முதலானவை ஆண் வகை. பத்மம், கதை, சக்தி ஆயுதம் முதலானவை பெண் வகை என்பார்கள்.

* அஸ்திர-சஸ்திரங்களை இயக்கும் முறையை விளக்கும் ஞான நூல்களும் உண்டு. அதேபோல் அந்த ஆயுதங்களை அதீத சக்தியுடன் செயல்பட வைப்பதற்கான மந்திரங்களும் உண்டு என்பார்கள்.

* சில ஆயுதங்கள் இணையாகத் திகழும். அப்படி முருகப்பெருமானின் கரத்தில் திகழ்வது வஜ்ரம் - சக்தி ஆயுதம். விநாயகர் கையில் திகழ்வது அங்குசம் - பாசம். அதேபோல் சூலமும் கபாலமும், கத்தி கபாலமும், கத்தி கேடயமும் இணை ஆயுதங்களாகும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு