Published:Updated:

ஆஹா… ஆன்மிகம்! - ஆடும் பானையும்!

ஆஹா… ஆன்மிகம்! - ஆடும் பானையும்!
பிரீமியம் ஸ்டோரி
ஆஹா… ஆன்மிகம்! - ஆடும் பானையும்!

ஆஹா… ஆன்மிகம்! - ஆடும் பானையும்!

ஆஹா… ஆன்மிகம்! - ஆடும் பானையும்!

ஆஹா… ஆன்மிகம்! - ஆடும் பானையும்!

Published:Updated:
ஆஹா… ஆன்மிகம்! - ஆடும் பானையும்!
பிரீமியம் ஸ்டோரி
ஆஹா… ஆன்மிகம்! - ஆடும் பானையும்!

ட்பாண்ட தொழிலாளி ஒருவர் பானைகளைச் செய்துகொண்டிருந்தார். அவரருகில் ஓர் ஆடு கட்டிப்போடப்பட்டிருந்தது. சிறிது நேரத்தில் அவ்வழியே வந்த மகான், தொழிலாளி பானை செய்வதைப் பார்த்துவிட்டு அவன் அருகில் அமர்ந்துகொண்டார். அவரின் தாகம் தணிக்க  கலயத்தில் தண்ணீர் கொண்டுவந்து கொடுத்தார் தொழிலாளி. 

ஆஹா… ஆன்மிகம்! - ஆடும் பானையும்!

தண்ணீரைக் குடித்துமுடித்த மகான் தொழிலாளி யிடம் கேட்டார், ‘‘இந்த ஆட்டை நீ வளர்த்து வருகிறாயா’’ என்று...

“இல்லை ஐயா. இது ஏதோ காட்டு ஆடு போலும். இந்தப் பக்கமாக வந்தது. பிடித்துக் கட்டிப்போட்டேன்’’ என்றார் தொழிலாளி.

‘‘அதைப் பிடித்துக் கட்டிப் போடுவானேன்?’’

“பண்டிகை வரப்போகிறதே! இறைவனுக்குப் பலிகொடுக்க தேவைப்படும் என்றுதான்...’’ என்ற தொழிலாளியை இடைமறித்து, ‘‘பலி எதற்காக?’’ என்று வியப்புடன் கேட்டார் அந்த மகான்.

“தெய்வத்துக்குத் திருவிழா காலத்தில் பலி கொடுத்தால், தெய்வம் மகிழ்ந்து வரம் கொடுக்கும். நம் வாழ்க்கை சுபிட்சமாகும்’’ என்று பதில் சொன்னார் தொழிலாளி.

அதைக்கேட்டதும் சட்டென்று எழுந்த மகான், தன் கையிலிருந்த மண் பானையை ஓங்கித் தரையில் அடித்தார். பானை துண்டு துண்டாகச் சிதறியது. அதைப் பார்த்து மட்பாண்ட தொழிலாளிக்கு கோபம் வந்தது.

‘‘ஐயா துறவியாரே... நீர் செய்வது உமக்கே நன்றாக இருக்கிறதா?’’ என்றார் சத்தமாக.

“உனக்குப் பிடிக்கும் என்றுதான் இப்படிச் செய்தேன்’’ என்றார் மகான்.

“என்ன உளறுகிறீர்கள்...’’ தொழிலாளியின் குரலில் உஷ்ணம் தெறித்தது. “என்னுடைய பானையை உடைத்து அடுக்கி என்னிடமே நீட்டுகிறீர்கள். இந்தச் செய்கை எப்படி எனக்குப் பிடிக்கும்? எனது உழைப்பை வீணாக்க நான் எப்படிச் சம்மதிப்பேன்’’ என்று தணியாத ஆத்திரத்துடன் கேட்டார் தொழிலாளி.

இப்போது மகான் புன்னகைத்தபடி பதில் சொன்னார்:

‘‘அப்பனே! நீ படைத்த பானையை உடைத்து உன்னிடம் தந்தால்  உனக்குக் கோபம் வரும்போது, கடவுள் படைத்த ஆட்டைப் பலியிட்டு கொடுத்தால் அவருக்குக் கோபம் வராதா; அதை இறைவன் மகிழ்ச்சியோடு ஏற்றுக்கொண்டு வரம் தருவார் என்று எப்படி நம்புகிறாய். எந்தத் தாய் தன் குழந்தை கதறுவதைக் கேட்டுச் சகிப்பாள்?’’

குருவிடமிருந்து அடுக்கடுக்காகக் கேள்விகள் வர, அவை அத்தனையும் தொழிலாளியைச் சிந்திக்கவைத்தன. அவரின் கைகள் தாமாகவே ஆட்டின் கழுத்திலிருந்த கயிற்றை அவிழ்க்கத் துவங்கின!