Published:Updated:

அவள் விகடனின் ஆன்லைன் நவராத்திரி திருவிழா 2020

 சரஸ்வதி ராமசாமி
பிரீமியம் ஸ்டோரி
News
சரஸ்வதி ராமசாமி

நீங்களும் செய்யலாம்

பண்டிகை தினத்தைவிட அந்த நாளுக்காக நடைபெறும் ஆயத்தங்கள்தான் அதிக சந்தோஷத்தைக் கொடுக்கும். அந்த வகையில் இந்த ஆண்டு நவராத்திரி திருவிழாவின் ஆயத்தங்களில் வாசகர் களுடன் கைகோத்தது அவள் விகடன்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

அவள் விகடனின் சார்பில் `ஆன்லைன் நவராத்திரி திருவிழா 2020' என்ற தொடர் நிகழ்ச்சி, அக்டோபர் 12-ம் தேதி முதல் தொடர்ந்து மூன்று நாள்கள் நடைபெற்றது. கட்டணமில்லா ஆன்லைன் நிகழ்ச்சிகளை ஆயிரக்கணக்கானோர் கண்டுகளித்தனர்.

முதல் நிகழ்ச்சியாக அக்டோபர் 12-ம் தேதி, கொலு பொம்மை தயாரிக்கும் பயிற்சி நடைபெற்றது. சென்னையைச் சேர்ந்த கைவினைக் கலைஞர் ஆண்டாள் ஆள்வான் நிகழ்ச்சியில் கலந்துகொண்டு பயிற்சியை வழங்கினார். வீட்டில் குழந்தைகள் விளையாடிவிட்டு வைத்திருக்கும் பழைய பொம்மைகளை எப்படி புதிய பொம்மைபோல் அலங்கரிப்பது என்று கற்றுக்கொடுத்தார்.

 ஆண்டாள் ஆள்வான்
ஆண்டாள் ஆள்வான்

அக்டோபர் 13-ம் தேதி, நவராத்திரி திருவிழாவில் ஒவ்வொரு நாளுக்கும் செய்யக்கூடிய சுண்டல் வகைகள் தயாரிக்கும் முறையை கோவையைச் சேர்ந்த மூத்த சமையற்கலைஞர் சரஸ்வதி ராமசாமி கற்றுத்தந்தார். எந்த நாளுக்கு எந்த வகை சுண்டல் செய்ய வேண்டும் என்றும் அதற்குப் பின்னால் இருக்கும் பயனுள்ள ஆன்மிகத் தகவல்களையும் அளித்தார்.

இறுதி நிகழ்ச்சியாக அக்டோபர் 14-ம் தேதி, நவராத்திரி திருவிழாவில் இடக்கூடிய ரங்கோலி வரையும் பயிற்சி அளிக்கப்பட்டது. எந்த நாளுக்கு என்ன கோலம் போட வேண்டும் என்ற தகவல்களுடன் கைவினைக் கலைஞர் ஆண்டாள் ஆள்வான் பயிற்சியையும் அளித்தார். ஒவ்வொரு நாள் நிகழ்ச்சிக்குப் பிறகு, வாசகர்களின் கேள்விகளுக்கும் பயிற்சியாளர்கள் விடையளித்தார்கள்.

 சரஸ்வதி ராமசாமி
சரஸ்வதி ராமசாமி

நிகழ்ச்சியில் பங்கேற்க முடியாதவர்கள் மேலே உள்ள QR Code-களை ஸ்கேன் செய்து அவள் விகடன் ஃபேஸ்புக் பக்கத்தில் இந்த வீடியோக்களைக் காணலாம்.

அடுத்து, தீபாவளி பண்டிகைக்கான நிகழ்ச்சி களுடன் உங்கள் இல்லங்களை மட்டுமன்றி உள்ளங்களையும் அவள் விகடன் தேடி வரும்.