Published:Updated:

புதிர் புதிது! - 18

ரெ.சு.வெங்கடேஷ், ஓவியம்: தமிழ்

புதிர் புதிது! - 18

ரெ.சு.வெங்கடேஷ், ஓவியம்: தமிழ்

Published:Updated:

பேரன் பேத்தியோடு ஆன்மிக சுற்றுலா கிளம்பிவிட்டார்கள் தாத்தாவும் பாட்டியும். தமிழகம் முழுக்க பல்வேறு தலங்களைத்  தரிசித்தவர்கள், வழியில் ஓர் ஊரில் தங்கினார்கள். உணவு முடித்து ஓய்வில் இருந்த தாத்தாவிடம் பேரன் கேட்டான்.

''தாத்தா... அடுத்து நாம எந்த ஊருக்குப் போகப் போகிறோம்?''

தாத்தா அந்த ஓய்வுப் பொழுதை பயனுள்ளதாக்க விரும்பினார். பேரனிடம் தமிழகத்தின் வரைபடத்தைத் தந்தார்.

ஒட்டுமொத்த விகடனுக்கும் ஒரே ஷார்ட்கட்!

புதிர் புதிது! - 18

''கண்ணா... இதில் நிறைய ஊர்கள் இருக்கு. நான் உனக்கு மூன்று குறிப்புகள் தருவேன். அதைப் பயன்படுத்தி மூன்று ஊர்களின் பெயர்களை நீ இந்த வரைபடத்தைப் பார்த்து கண்டுபிடிக்கணும். குறிப்புகளுக்கு பக்கத்தில் அடைப்புக்குள் உள்ள விவரத்தின்படி, அந்தந்த ஊர்களின் பெயரில் உள்ள எழுத்துக்களில் இருந்து ஒன்றை சேகரிக்க வேண்டும். ஊருக்கு ஒன்று என்றால் மூன்று எழுத்துக்கள் கிடைக்கும் இல்லையா? அவற்றை ஒழுங்குபடுத்தினால், அடுத்து நாம போகப்போற ஊரோட பெயர் கிடைக்கும். எங்கே கண்டுபிடி பார்க்கலாம். வேண்டுமானால் பாட்டியையும் துணைக்கு அழைத்துக்கொள்'' என்றார்.

தாத்தா கொடுத்த குறிப்புகள் இவைதான்...

1. ஆஞ்சநேயர் பிரமாண்டமாக காட்சி தரும் ஊர்.   (கடைசி எழுத்து)

2. மலைக்கோட்டையால் புகழ்பெற்ற ஊர் (முதலெழுத்து)

3. நெல்லுக்கு வேலியிட்ட திருத்தலம் (கடைசி எழுத்து)

குறிப்புகளைப் பயன்படுத்தி பேரனுக்கு உதவி செய்வதுடன், விடையாகக் கிடைக்கும் ஊரின் பெயரை கீழ்க்காணும் கட்டத்தில் எழுதி அனுப்புங்கள்.

புதிர் புதிது! - 18

சிறப்புக் கேள்வி: விடையாகக் கிடைக்கும் ஊரின் புராணச் சிறப்புகள் குறித்து நீங்கள் அறிந்த சிறப்புத் தகவல்களை ஓரிரு வரிகளில் எழுதி அனுப்புங்கள்.

புதிர் புதிது! - 18

போட்டிக்கான விதிமுறைகள்:

இந்தப் பக்கத்தை பூர்த்தி செய்து, அப்படியே கத்தரித்து எங்களுக்கு அனுப்பி வையுங்கள். ஜெராக்ஸ் எடுத்தும் அனுப்பலாம். தனித்தாளில் எழுதி அனுப்பக்கூடாது.

  சரியான விடையோடு, சிறப்புக் கேள்விக்கும் கச்சிதமாக பதில் அனுப்பும் பத்து வாசகர்களுக்கு தலா 250 ரூபாய் பரிசாக வழங்கப்படும்.

  உங்கள் விடைகள் எங்களுக்கு வந்து சேரவேண்டிய கடைசி தேதி 2.12.14.

விடைகளை சாதாரண தபாலில்தான் அனுப்ப வேண்டும். நேரில், கூரியர், பதிவுத் தபால் மற்றும் இமெயிலில் அனுப்பப்படுபவை ஏற்கப்படமாட்டாது.

ஆசிரியர் தீர்ப்பே இறுதியானது!

அனுப்ப வேண்டிய முகவரி:

சக்தி விகடன்,  புதிர் புதிது-18, 757, அண்ணா சாலை, சென்னை- 600 002.

புதிர் புதிது! - 18
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism