Published:Updated:

‘பயிற்சியும் திருவினையாக்கும்!’

மதுரை பயிற்சி முகாமில் வாசகர்கள் உறுதிவி.ராம்ஜி

‘பயிற்சியும் திருவினையாக்கும்!’

மதுரை பயிற்சி முகாமில் வாசகர்கள் உறுதிவி.ராம்ஜி

Published:Updated:

''வாழ்க்கை என்றால் என்ன, இந்தப் பிரபஞ்சம் என்பது என்ன, இதில் நாம் மனிதனாகப் பிறந்ததற்கான அர்த்தம் என்ன என்பதைப் பற்றியெல்லாம் தெரிந்தும் உணர்ந்தும் தெளிந்தும் வாழ வேண்டுமா? அல்லது, உழன்றடிக்கிற வாழ்க்கையில் இருந்து தப்பிச் சென்று வாழ்வதுதான் வாழ்க்கையா? தெரிந்து, புரிந்து, தெளிவதுதானே வாழ்வதற்கான வழி?! வாழ்ந்ததற்கான அர்த்தம்!' என்று திரையில் புன்னகையுடன் பேசிய சத்குருவின் கருத்துகளைக் கேட்ட வாசகர்கள் உற்சாகத்துடன் கைதட்டி, ஆரவாரித்தார்கள்.

‘பயிற்சியும் திருவினையாக்கும்!’

சக்திவிகடனும் ஈஷாவும் இணைந்து வழங்கி வரும் இலவச ஈஷா யோகா பயிற்சி முகாம், கடந்த 4.1.15 ஞாயிற்றுக்கிழமை அன்று மதுரை பீபீகுளத்தில் உள்ள ஈஷா யோகா சென்டரில் நடைபெற்றது.

''எல்லார்கிட்டயும் செல்போன் இருக்கு. இருக்குதானே..? அதை கொஞ்ச நேரம் 'ஆஃப்’ செஞ்சுட்டு, நம்ம உயிரை, மனசை கொஞ்சம் 'ஆன்’ செஞ்சு வைச்சுக்கிட்டு, சில பயிற்சிகளைச் செய்வோமா?'' என்று திரையில் சத்குரு நகைச்சுவையுடன் சொல்ல, உள்ளே நுழைந்ததுமே செல்போனை 'ஆஃப்’ செய்திருந்தவர்கள்கூட, இன்னொரு முறை செல்போனை எடுத்து உறுதிப்படுத்திக் கொண்டார்கள்.

யோக நமஸ்காரம் எனும் பயிற்சியை திரையில் சத்குரு விளக்க, அதை நேரடியாக ஒருவர் செய்து காட்டினார். அதைப் பின்பற்றி அந்தப் பயிற்சியை வாசகர்களும் செய்தார்கள்.

‘பயிற்சியும் திருவினையாக்கும்!’

பிறகு, அர்த்த சித்தாசனப் பயிற்சி குறித்து சத்குரு விளக்க, யோகா மையத்தைச் சேர்ந்த அன்பர் அந்தப் பயிற்சியைச் செய்து காட்டினார். வாசகர்கள் உற்சாகத்துடன் அந்தப் பயிற்சியை மேற்கொண்டார்கள்.

‘பயிற்சியும் திருவினையாக்கும்!’

''யோகா கத்துக்கணும்னு ரொம்ப நாளா ஆசைப்பட்டுக்கிட்டே இருந்தேன். ஆனா எப்படிக் கத்துக்கறது, எங்கே கத்துக்கறதுங்கறதுன்னு குழம்பிப் போயிருந்தேன். இப்ப, சக்திவிகடன் மூலமா இந்தப் பயிற்சில கலந்துக்கிட்டதுல, ரொம்ப உற்சாகமாயிருச்சு மனசு. தொடர்ந்து பயிற்சியைக் கத்துக்கணும்னு முடிவு பண்ணிட்டேன்'' என்றார் வாசகி லீலாவதி.

''எனக்கு 54 வயசாகுது. சொந்தமா பிசினஸ் பண்றேன். வீடு, தொழில், வரவு செலவுன்னு எப்பப் பார்த்தாலும் ஒருவித டென்ஷனோடயே இருக்கவேண்டிய சூழல். அதனால, குடும்பத்தார்கிட்டயும் சரி, கஸ்டமர்ஸ்கிட்டயும் சரி... வெடுக் வெடுக்குனு பேசி, பின்னாடி உணர்ந்து வருத்தப்பட்டிருக்கேன். சக்திவிகடனும் ஈஷாவும் நடத்துற இந்தப் பயிற்சியில கலந்துகிட்டதுல, மனசுல ஒரு புத்துணர்ச்சி பரவியதை உணர முடிஞ்சுது. டென்ஷன்லேருந்து விடுதலை கொடுத்த ஈஷாவுக்கும் சக்திவிகடனுக்கும் நன்றி!'' என்று நெகிழ்ச்சியுடன் தெரிவித்தார் சந்திரசேகரன்.

‘பயிற்சியும் திருவினையாக்கும்!’

''சத்குருவோட போதனைகளை இதுக்கு முன்னாடி டி.வியில கேட்டிருக்கேன். ஆனா, பயிற்சி பத்தியும், அதைக் கத்துக்கிட்டா கிடைக்கக்கூடிய நன்மைகள் பத்தியும் இங்கே சத்குரு சொல்றதைக் கேட்க கேட்க, புதுசா ஒரு எனர்ஜி கிடைச்ச மாதிரி ஓர் உள்ளுணர்வு! பரபரப்பான இந்த உலகத்துல, இப்படியான பயிற்சிகள் நடுத்தர மக்களுக்கு ரொம்பவே அவசியம்! எனவே, இந்தப் பயிற்சியை முழுமையா, முறையா எடுத்துக்கறதுன்னு முடிவு பண்ணிட்டேன்!' என்று உணர்ச்சி மேலிடச் சொன்னார் முரளீதரன்.

உண்மைதான்! முயற்சி மட்டும் அல்ல, முறையான பயிற்சியும் திருவினையாக்கும்!

படங்கள்: பா.காளிமுத்து