Published:Updated:

‘தேகத்தில் தெய்விகத்தை உணர்ந்தோம்!

’நெல்லை பயிற்சி முகாமில் வாசகர்கள் பூரிப்பு’இளந்தமிழருவி

‘தேகத்தில் தெய்விகத்தை உணர்ந்தோம்!

’நெல்லை பயிற்சி முகாமில் வாசகர்கள் பூரிப்பு’இளந்தமிழருவி

Published:Updated:

'ஐம்பது வயதைக் கடந்த என்னாலயும் யோகா கத்துக்க முடியும்னு நம்பிக்கையைத் தந்தது சக்தி விகடன்தான். இதோ, இன்னிக்கு இந்த யோகா பயிற்சி முகாம், அந்த நம்பிக்கையை உண்மையாக்கிடுச்சு'' என்று பாளையங்கோட்டை வாசகி ராஜபுஷ்பம் சொன்னதும், அனைத்து வாசகர்களும் உற்சாகத்துடன் கைதட்டி வரவேற்றனர்.   

சக்தி விகடனும் ஈஷாவும் இணைந்து நடத் தும் இலவச யோகா பயிற்சி முகாம், கடந்த 15.2.15 ஞாயிறன்று திருநெல்வேலி, வண்ணாரப் பேட்டை யில் உள்ள ஈஷா யோகா சென்டரில் நடைபெற்றது.

''எனக்கு எந்த மாயாஜால வித்தைகளும் தெரியாது. ஏன்னா, நானும் உங்களைப்போல சாதாரண மனுஷன்தான். எனது உடலையும், மனதையும் கட்டுப்படுத்தத் தெரிந்து வைத்திருக்கி றேன். அதனால் நான் தியான நிலையை அடைந்திருக்கிறேன். நீங்கள் இப்போதுதான் முதல் நிலைக்கு முந்தின நிலையைத் தொடங்க ஆரம்பித் திருக்கிறீர்கள்...'' திரையில் புன்னகையுடன் சத்குரு விளக்க, நேரில் பயிற்சியாளரின் வழிகாட் டலில், மிகுந்த ஆர்வத்துடன் வாசகர்கள் யோகா பயிற்சியில் மூழ்கினார்கள். 'கிரியா’ யோகா குறித்து சத்குரு விவரிக்க, அதை பயிற்சியாளர் கனகச்சிதமாக செய்து காண்பித்து, வாசகர்களுக்கு பயிற்சி அளித்தார். இடையிடையே வாசகர்களின் சிறு சிறு தவறுகளைச் சுட்டிக்காட்டி திருத்தவும் செய்தார். பயிற்சியின் முடிவில் யோகா குறித்த வாசகர்களின் கேள்விகளுக்குப் பதிலளித்து, அவர்களின் சந்தேகங்களையும் அவர் நிவர்த்தி செய்தது கூடுதல் சிறப்பு!

ஒட்டுமொத்த விகடனுக்கும் ஒரே ஷார்ட்கட்!

 ‘தேகத்தில் தெய்விகத்தை உணர்ந்தோம்!

''யோகா கத்துக்கணும் என்பது எனது நீண்டநாள் ஆசை. சரியான வழிகாட்டல், வழிமுறை தெரியாம தவிச்சுக்கிட்டு இருந்தேன். இதோ, இப்ப சக்தி விகடன் மூலமா எனது விருப்பம் நிறைவேறிடுச்சு. இங்கே வந்திருக்கும் எல்லாருமே இந்த பயிற்சியை தொடர்ந்து செய்து பயனடையணும்'' என்றார் நாகர்கோவிலில் இருந்து வந்திருந்த வாசகர் பொன்னுதம்பிரான்.

''தமிழகம் முழுவதும் சக்தி விகடனும், ஈஷாவும் இந்த யோகா பயிற்சி முகாமை தொடர்ந்து நடத்தணும். அதன் மூலமா அனைத்து மக்களும் தேக நலன் பெற்று சந்தோஷமா வாழணும்'' என்று நெல்லை வாசகர் மணி கேட்டுக்கொண்டார்.

''தேகம் தெய்விகமானதுன்னு சொல்வாங்க. அதைத் துல்லியமா உணர்த்திடுச்சு இந்த பயிற்சி முகாம். உடம்பு மட்டுமில்லீங்க, மனசும் மலர்ச்சியா இருக்கு. சக்தி விகடனுக்கு நன்றி'' பூரிப்புபொங்கச் சொன்னார் திருச்செந்தூர் வாசகி மாலா.

உண்மைதான். உள்ளத்தின் மலர்ச்சி நம் வாசகர்கள் ஒவ்வொருவரின் முகத்திலும் பிரதிபலித்ததை உணரமுடிந்தது. அகமும் முகமும் மலர விடைபெற்றார்கள்!

படங்கள்: எல்.ராஜேந்திரன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism