Published:Updated:

வலம்புரிச் சங்கும் தாமரைப்பூவும்!

வலம்புரிச் சங்கும் தாமரைப்பூவும்!
பிரீமியம் ஸ்டோரி
வலம்புரிச் சங்கும் தாமரைப்பூவும்!

வலம்புரிச் சங்கும் தாமரைப்பூவும்!

வலம்புரிச் சங்கும் தாமரைப்பூவும்!

வலம்புரிச் சங்கும் தாமரைப்பூவும்!

Published:Updated:
வலம்புரிச் சங்கும் தாமரைப்பூவும்!
பிரீமியம் ஸ்டோரி
வலம்புரிச் சங்கும் தாமரைப்பூவும்!

வ்வொருவரது வீட்டிலும் பூஜையறையில் வலம்புரிச் சங்கும், வழிபாட்டில் தாமரைப் பூவும் இடம்பெறுவது அவசியம். ஏன் தெரியுமா? இவை இரண்டும் செல்வத்தின் அடையாளங்கள். சிலர், செல்வங்களை அஷ்ட ஐஸ்வரியங்களாகவும், இன்னும் சிலர் நவநிதிகளாகவும் சிறப்பித்துக் கூறுவார்கள்.

வலம்புரிச் சங்கும் தாமரைப்பூவும்!

ஆதியில் சங்கநிதி, பதுமநிதி ஆகிய இரண்டாகவே செல்வம் போற்றப் பட்டது. இவை முறையே வலம்புரிச் சங்கின் வடிவாகவும், பத்மமாகிய தாமரைப் பூவின் வடிவிலும் வணங்கப் பட்டன என்பார்கள் பெரியோர்கள். இந்த இரண்டு நிதிகளையும் பெற்றவன் என்பதால் குபேரனுக்கு `இருநிதிக் கிழவன்' என்றொரு சிறப்புப் பெயர் உண்டு. ஆலயங்கள், அரண்மனைகள், வீடுகள் ஆகியவற்றின் வாயிற்படிக்கு மேலே கஜலட்சுமியையும், வாசற்படியின் இருபுறமும் சங்க நிதியையும் பதும நிதியையும் அமைக்கும் வழக்கம் உண்டு.

நமது செல்வங்கள் யாவும் நீரில் உறைந்திருப்பதாகவும், இறையருள் கூடிவரும்போது, உரிய தேவதைகளால் அவை மக்களுக்கு வழங்கப்படும் என்பதும் நம்பிக்கை. அவை அனைத்துக்கும் குறியீடாகத் திகழ்வது சங்கு என்பார்கள். அதேபோல், வானுலகின் செல்வங்களைக் குறிப்பது பத்மமாகிய தாமரைப் பூ ஆகும்.

சங்கு மற்றும் தாமரையைச் சிறப்பிக்கும் வகையில், தாமரைப் பீடத்தின் மீது சங்கு அமைத்து, அதனுள் தானியங்களையும் பொற்காசுகளையும் நிரப்பி, மகாலட்சுமியாக வழிபடும் வழக்கம் இருந்திருக்கிறது.

சங்கு வடிவில் தேவர்களும் அசுரர்களும் வழிபட்ட சிவாலயங்கள், சங்கீஸ்வரங்களாகின என்கின்றன புராணங்கள். கும்பகோணத்தை அடுத்த பழையாறையில் சங்கீச்சரம் எனும் சிவாலயம் இருந்ததாக கல்வெட்டு தகவல்கள் உண்டு. கோவையில் உள்ள கோட்டை சங்கமேஸ்வரர் ஆலயம், `சங்கீஸ்வரம்' என்றே குறிப்பிடப் படுகிறது. திருக்குற்றாலத்தின் குற்றாலநாதர் ஆலயமும் `சங்குக்கோயில்' எனப்படுகிறது. இது, சங்கு வடிவில் அமைந்ததால் இப்பெயர் பெற்றதாக தலபுராணம் விவரிக்கும்.

இப்படி, மகிமைகள் நிறைந்த வலம்புரிச் சங்கும், தாமரைப்பூவும் நம் வீட்டின்  பூஜையறையிலும் வழிபாட்டிலும் இடம்பெற்றால், நமது இல்லத்தில் செல்வகடாட்சம் பரிபூரணமாக நிறைந்திருக்கும்.

- பூசை. அருணவசந்தன், சென்னை-4

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism