Published:Updated:

ஆஹா ஆன்மிகம் - கல்லாலமரம்

ஆஹா ஆன்மிகம் - கல்லாலமரம்
பிரீமியம் ஸ்டோரி
ஆஹா ஆன்மிகம் - கல்லாலமரம்

ஆஹா ஆன்மிகம் - கல்லாலமரம்

ஆஹா ஆன்மிகம் - கல்லாலமரம்

ஆஹா ஆன்மிகம் - கல்லாலமரம்

Published:Updated:
ஆஹா ஆன்மிகம் - கல்லாலமரம்
பிரீமியம் ஸ்டோரி
ஆஹா ஆன்மிகம் - கல்லாலமரம்

ஸ்ரீதட்சிணாமூர்த்தி என்றதும் அவருடன் அவருக்கு நிழல் பரப்பும் ஆலமரமும் நம் நினைவுக்கு வரும். இந்த ஆலமரத்தை இலக்கியங்களும் சிற்ப நூல்களும் சிறப்புடன் பேசுகின்றன. இதன் கீழ் இருப்பதால், பெருமான் ஆலமர் செல்வன் என்று அழைக்கப்படுகிறார். முருகன் சங்க இலக்கியங்களில் ஆலமர் செல்வன் புதல்வன், ஆலமர் கடவுள் மகன் என்று போற்றப்படுகிறான்.  

ஆஹா ஆன்மிகம் - கல்லாலமரம்

ந்த மரத்தில் பழுத்துள்ள பழங்கள் பவளம் போல் சிவப்பாகக் காட்சியளிக்கின்றன. கிளைகளில் பறவைகளும் பொந்துகளில் ஆந்தைகளும் அமர்ந்துள்ளன. அடிமரத்தில் பெரிய பல்லிகளும் உள்ளன. கிளைகளில் ருத்திராட்ச வடம், வெண்சாமரம், நீர்க்கரகம் ஆகியவை மாட்டப்பட்டுள்ளன. கிளைகளில் உள்ள வெண்சாமரம் அரச போகத்தின் சின்னமாகும் என்கின்றன ஞானநூல்கள்.

ஞ்சை பெரிய கோயிலுக்கு ராசராசன் காலத்தில் ஸ்ரீதட்சிணாமூர்த்தியின் உலாத் திருமேனி செய்து தரப்பட்டுள்ளது. இங்கு பொறிக்கப்பட்டுள்ள கல்வெட்டில், இந்த உலாமூர்த்தியில் இடம் பெற்றிருந்த  ஆலமரத்தின் வர்ணனை விரிவாகக் கூறப்பட்டுள்ளது. ஒன்பது பெருங்கிளைகளும், பல சிறுகிளைகளையும் கொண்ட இம்மரத்தின் கிளைகளில் விபூதிப் பையும், கைத்தழை ஒன்றும் வைக்கப்பட்டிருந்தன என்பதை அறிகிறோம்.

திருக்கருகாவூர் முல்லைவனநாத சுவாமி ஆலயத்தில் இடம்பெற்றுள்ள தட்சிணாமூர்த்தி வடிவம் சிறப்பானது. இதில் ஆலமரத்தின் கிளைகளில் பாம்பு, சாமரம், ருத்திராட்சவடம் ஆகியவற்றைக் காண்கிறோம்.

ல்லால மரம் தவிர இன்னும் சில மரத்தடியிலும் தட்சிணாமூர்த்தி வீற்றிருப்பதாக சில தலபுராண நூல்கள் விவரிக்கின்றன. திருப்பெருந்துறை தலத்தில் அரூப தட்சிணாமூர்த்தியாக குருந்த மரத்தடியிலும், உத்திரகோசமங்கையில் இலந்தை மரத்தடியிலும், வழுவூர் வீரட்டேசுவரர் ஆலயத்தில் தாருகா மரத்தின் கீழ் உமையுடன் வீற்றிருந்து அருள் புரிந்ததாகக் கூறப்படுகிறது.