Published:Updated:

கவிராயரும் கண்ணதாசனும்

கவிராயரும் கண்ணதாசனும்
பிரீமியம் ஸ்டோரி
கவிராயரும் கண்ணதாசனும்

பாலு சத்யா

கவிராயரும் கண்ணதாசனும்

பாலு சத்யா

Published:Updated:
கவிராயரும் கண்ணதாசனும்
பிரீமியம் ஸ்டோரி
கவிராயரும் கண்ணதாசனும்

மிழில் சிற்றிலக்கியங்களில் முக்கியமான ஒன்று, `குற்றாலக் குறவஞ்சி.’ இதை இயற்றியவர்தான் திரிகூடராசப்ப கவிராயர். அன்றைய தென்பாண்டி நாட்டில், மேலகரம் என்ற ஊரில் வாழ்ந்தவர். குற்றாலக் குறவஞ்சி பாடல்களுக்குத் தனிச் சிறப்பு உண்டு. முதல் சிறப்பு அதன் சந்த நயம். அதோடு, இந்த வகைமையில் தான் பாடல்கள் அமைய வேண்டும் என்றில்லாமல், வெண்பா, ஆசிரியப்பா, கலிப்பா, விருத்தத்தொகை... எனப் பல வகைகளில் பாடல்களை இயற்றியிருக்கிறார் திரிகூடராசப்ப கவிராயர். அவற்றில் ஒன்று இங்கே... 

கவிராயரும் கண்ணதாசனும்

`செங்கையில் வண்டு கலின்கலின் என்று
செயம் செயம் என்றாட - இடை 
சங்கதம் என்று சிலம்பு புலம்பொடு
தண்டை கலந்தாட - இரு
கொங்கை கொடும்பகை வென்றனம் என்று
குழைந்து குழைந்தாட - மலர்ப்
பைங்கொடி நங்கை வசந்த
சவுந்தரி பந்து பயின்றனளே.’  

ஒட்டுமொத்த விகடனுக்கும் ஒரே ஷார்ட்கட்!

கவிராயரும் கண்ணதாசனும்



என்ன... இந்த வரிகளை எப்போதோ கேட்டது போல இருக்கிறதா? அதேதான். `ஆதிபராசக்தி’ திரைப் படத்தில், `சொல்லடி அபிராமி...’ பாடலில் கவிஞர் கண்ணதாசன் எடுத்தாண்டிருக்கும் வரிகளேதான். முதலில் இந்தப் பாடலுக்கு என்ன பொருள்... பார்க்கலாமா? வசந்தவல்லி என்ற பெண் பந்து விளையாடும் காட்சியை விவரிக்கிறது இந்தப் பாடல். வசந்தவல்லி பந்து விளையாடும் போது, அவள் கைகளில் அணிந்திருக்கும் வளையல்கள் `கலின் கலின்’ என்று சத்தமிடுகின்றன. அது, `வெற்றி வெற்றி’ என்பதுபோல் ஒலிக்கிறது. இந்த ஒலியோடு தண்டை, சிலம்பு ஆகியவற்றின் சத்தங்களும் சேர்ந்துகொள்கின்றன. `எதிரிகளை வென்று விட்டோம் பார்...’ என்பதுபோல அவளுடைய மார்பங்கள் குழைந்து ஆடுகின்றன.

ஒரு பெண் பந்தாடும் காட்சியை, இவ்வளவு சிறப்பாக 18-ம் நூற்றாண்டில் வாழ்ந்த ஒரு புலவரால் எழுத முடிந்திருக்கிறது என்பது நம்மை ஆச்சர்யத்திலாழ்த்தும் செய்தி. கவிஞர் கண்ணதாசன், ‘ஆதிபராசக்தி’ எனும் திரைப்படத்தில் இடம்பெற்ற பாடலில் பொருத் தமாக இதைச் சேர்த்தது அதைவிட ஆச்சர்யம். 

அன்னை ஆதிபராசக்தியின் மேன்மையை வர்ணிக்கும் இந்தப் பாடலில் இதற்கான கடைசி வரியை மட்டும் மாற்றியிருப்பார் கண்ணதாசன்... `மலர்ப் பங்கயமே உனைப் பாடிய பிள்ளை முன் நிலவு எழுந்தாட’ என்று. கண்களை மூடி, கே.வி.மகாதேவன் இசையில், டி.எம்.எஸ்-ஸின் உருக்கமான குரலில் இந்த வரிகளைக் கேட்டால் நமக்குச் சிலிர்க்கும். நானும் இத்தகவலை பழைய புத்தகமொன்றில் படித்துச் சிலிர்த்தேன்.

ஒரு துளி சிந்தனை...

அறிவுக்கும் ஞானத்துக்கும் ஒரு வித்தியாசமிருக்கிறது. தக்காளி காய்கறி அல்ல, அது ஒரு பழம் என்று தெரிந்து வைத்திருப்பது அறிவு. அதை ஃப்ரூட் சாலட்டில் சேர்க்கக் கூடாது என்று தெரிந்து வைத்திருப்பது ஞானம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism