Published:Updated:

சந்திர கிரகணம்!

கிரகணம்
பிரீமியம் ஸ்டோரி
கிரகணம்

உடல் தூய்மைக்குக் கிரகணம் துவங்கும் வேளையில் குளிக்க வேண்டும். உள்ளத் தூய்மைக்கு ஆன்மிக விஷயங்களில் மனதை நுழைக்க வேண்டும்.

சந்திர கிரகணம்!

உடல் தூய்மைக்குக் கிரகணம் துவங்கும் வேளையில் குளிக்க வேண்டும். உள்ளத் தூய்மைக்கு ஆன்மிக விஷயங்களில் மனதை நுழைக்க வேண்டும்.

Published:Updated:
கிரகணம்
பிரீமியம் ஸ்டோரி
கிரகணம்

டி-11 (27.7.18) வெள்ளிக்கிழமை அன்று சந்திர கிரகணம். சந்திர கிரகணத்தைப் புண்ணிய காலமாகக் கொண்டாடச் சொல்கிறது தர்மசாஸ்திரம். ‘மனதுக்கும் சந்திரனுக்கும் சம்பந்தம் உண்டு’ என்கிறது வேதம்.

கிரகணத்தை ‘அலப்ய யோகம்’ -அதாவது நல்ல காரியங்களைச் செயல்படுத்த மிக அரிய சந்தர்ப்பம் என்று தர்மசாஸ்திரம் குறிப்பிடும். கிரகணகாலம் போனால் வராது. இது மனம் சம்பந்தப் பட்ட விஷயம் என்பதால், இந்தக் காலத்தில் முன்னோரது தர்ப்பணத்தைச் செயல்படுத்த அனுமதிக்கிறது தர்மசாஸ்திரம். சாதாரண வேளையில் செய்யும் கொடைகள் குறிப்பிட்ட பலனை மட்டும் அளிக்கும். ஆனால், கிரகணகாலத்தில் செய்யும் கொடை ஆயிரம் மடங்கு பலன் அளிக்கும். தான தர்மங்களுக்கு உகந்த வேளையாக அந்த நேரத்தைப் பார்க்கிறது தர்ம சாஸ்திரம்.

சந்திரன் பூமியில் நுழைகிறான் (பூச்சாயாம் ஸ்வக்ரஹணே ப்ரவிசதீந்து:) என்று ஜோதிடம் கூறும். பூமி, சந்திரனை மறைத்து விடுகிறது என்று பொருள். ராகு, சந்திரனை மறைக்கிறான் அல்லது விழுங்குகிறான் என்று புராணம் கூறும். எது எப்படி இருந்தாலும் மறைவது கண்கூடு. மறைவு அவர்களுக்கும், நமக்கும் இடையூறு. அது விலக நமது செயல்பாடுகள் திருப்பி விடப்பட வேண்டும்.

முன்னோரை வழிபடுதல், மனதை ஒருமுகப்படுத்தி தியானத்தில் இருத்தல், உயர்ந்த மந்திரங்களை மனதில் அசைபோடுதல். ‘நமசிவாய’ என்பதும் ‘நாராயணாய’ என்பதும் வேத மந்திரங்கள். அவற்றை மனனம் செய்தல், ஏழை எளிய மக்களுக்குக் கொடை அளித்தல் போன்றவற்றில் மனம் ஈடுபடும்போது இடையூறிலிருந்து மனம் வெளிவந்து விடும். புண்ணியமும் உண்டு.

உடல் தூய்மைக்குக் கிரகணம் துவங்கும் வேளையில் குளிக்க வேண்டும். உள்ளத் தூய்மைக்கு ஆன்மிக விஷயங்களில் மனதை நுழைக்க வேண்டும். கிரகணம் முடிவுற்ற பிறகும் சிறப்பு நீராடல் தேவை. அப்போதுதான் நமது கடமை முழுமை பெறுகிறது.

சந்திர கிரகணம்!

ஒட்டுமொத்த விகடனுக்கும் ஒரே ஷார்ட்கட்!

சிறுவர் முதல் முதியோர் வரை கிரகணகாலத்தைக் கொண்டாடலாம். உடல் ஆரோக்கியம் இருப்பவர்கள் ஆரம்பத்திலும், முடிவிலும் நீராடுவது சிறப்பானது. குழந்தைகள், உடல்நலம் குன்றியவர்கள், கர்ப்பிணிகள் - ஆகியோருக்கு இதில் விதிவிலக்கு உண்டு.

மப்பும் மந்தாரமும் இருக்கும் சூழல், நமது வயிற்றில் இருக்கும் உணவு செரிப்பதைத் தாமதப்படுத்தும். அந்த வேளையில் தேவையான ஆதவனின் கிரணங்கள் பரவாததால், வயிற்றில் இருக்கும் பித்த நீர் சுணக்கமுற்று, செயல்படுவது தடைப்படும் என்று ஆயுர்வேதம் கூறும். ‘கிரகணத்தின் தாக்கம், இயல்பான உடல் செயல்பாட்டுக்குக் குந்தகம் ஏற்படுத்தும்’ என்பது ஆயுர்வேதத்தின் கணிப்பு. எனவே, அந்த வேளையில் உணவைத் தவிர்க்கும்படி வற்புறுத்துகிறது தர்சாஸ்திரம்.

கிரகண வேளையில் நாம் ஈடுபடும் ஆன்மிக அலுவல்களுக்குக் குந்தகம் விளையாமல் இருக்க முன்னெச்சரிக்கையாக கிரகணம் ஆரம்பமாவதற்கு சில மணிகள் முன்பே உணவை முடித்துவிட வேண்டும் என்று பரிந்துரைக்கும் தர்மசாஸ்திரம். உணவு நிரம்பியிருந்தால் சிறுநீர் கழித்தல், சோம்பல், தூக்கம், சுணக்கம் போன்றவை நம்மை அலைக்கழிக்கும். அவற்றைத் தவிர்க்க உணவுக் கட்டுப்பாடு அவசியம் என்று எண்ணுகிறது தர்மசாஸ்திரம்.

சூரியனிடமிருந்துக் கதிர்களைப் பெற்று, அதைக் குளிரச் செய்து நம்மைக் குளிரவைக்கிறான் சந்திரன். சூரிய கிரணங்களின் வெப்பத்தால் நீர் நிலைகளை குடிப்பதற்கும், குளிப்பதற்கும் உகந்த வகையில் தனது கதிர்களால் மாசற்றதாக மாற்றி அமைப்பவன் சந்திரன்.

 செடி- கொடிகளில் தனது கிரணங்களால் மருத்துவக் குணத்தைத் தோற்றிவைப்பவன் என்ற தகவலை தலை அசைத்து விஞ்ஞானமும் வரவேற்கும். உலகத்தின் தலைவன் சந்திரன். அவனுக்கு ஒன்று என்றால் நாம் செயல்பட வேண்டாமா?

ஆகையால், சந்திரகிரகணத்தன்று அவனது உயர்வுக்காகவும் நமது நன்மைக்காகவும், தர்ம சாஸ்திரத்தின் பரிந்துரையைப் பின்பற்றுவோம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism