Published:Updated:

விழாக்கள் விசேஷங்கள்!

விழாக்கள் விசேஷங்கள்!
பிரீமியம் ஸ்டோரி
விழாக்கள் விசேஷங்கள்!

விழாக்கள் விசேஷங்கள்!

விழாக்கள் விசேஷங்கள்!

விழாக்கள் விசேஷங்கள்!

Published:Updated:
விழாக்கள் விசேஷங்கள்!
பிரீமியம் ஸ்டோரி
விழாக்கள் விசேஷங்கள்!

கருட பஞ்சமி

கஸ்ட் 15 - கருட பஞ்சமி. ஸ்ரீமந் நாராயணின் வாகனமாகவும் சிறந்த விஷ்ணு பக்தராகவும் விளங்கும் கருட பகவானின் `திருஅவதார' தினமே கருட பஞ்சமி. ஆடி மாத வளர்பிறை பஞ்சமியன்று கருட பஞ்சமி விரதம் அனுஷ்டிக்கப்படுகிறது. இந்த நாளில் கருட வழிபாடும், பெருமாளின் தரிசனமும் இனிமையான வாழ்வை அளிக்கும். கருட பகவானைப் போன்று தயாள குணமும், வீரமும் மிக்க பிள்ளைகள் பெறவேண்டும் என்று இந்த நாளில் பெண்கள் விரதம் இருப்பது வழக்கம். தங்களின் சகோதரர்கள் வாழ்வு சிறப்படைய வேண்டும் என்றும் இந்த நாளில் பெண்கள் வழிபாடு செய்வார்கள்.

விழாக்கள் விசேஷங்கள்!

திருப்பதி மகா சம்ப்ரோக்ஷணம்

தி
ருப்பதி ஏழுமலையான் கோயில் மகா சம்ப்ரோஷ்ணம்  வருகிற ஆகஸ்டு 16-ந் தேதி நடைபெற உள்ளது. ஆகஸ்ட் 11-ம் தேதி இரவு ‘அங்குரார்ப்பணம்’, 12-ம் தேதி ‘பாலாலயம்’ ஆகிய வைபவங்களுடன் தொடங்கியது இந்த வைபவம். காலை மாலை யாகசாலை பூஜைகள் நடைபெறுகின்றன. தொடர்ந்து, 14-ம் தேதி சிறப்பு பூஜைகளும், 15-ம் தேதி அதிகாலை 5 மணிக்கு மூலவருக்கு `மகா சாந்தி திருமஞ்சன’மும் நடைபெறுகின்றன. அன்று இரவு யாகசாலையில் `மகா பூர்ணாஹூதி’ நடக்கிறது. 16-ம் தேதி காலையில் மகா சம்ப்ரோக்ஷணம் நடைபெறும். அன்று மாலை 5.30 மணி முதல் 6.30 மணிக்கிடையே கருட வாகனத்திலும், இரவு 9.30 மணிக்கு பெரிய சே‌ஷ வாகனத்திலும் சுவாமி வீதியுலா நடைபெற உள்ளது.

வரலட்சுமி விரதம்

கஸ்டு 24 வெள்ளிக்கிழமை வரலட்சுமி விரதம். சுமங்கலிப் பெண்களின் கொண்டாட்டத்துக்குரிய நாள் வரலட்சுமி விரதம். ஆனந்த வாழ்வின் ஆதாரமான வரலட்சுமியை பெண்கள் வணங்கி வரவேற்கும் நாளான இந்நாளில் தூய கலசத்தில் புனித நீரை நிரப்பி மாவிலை, தேங்காயால் அலங்கரித்து, மலர் சூட்டி, அதில் வரலட்சுமியை எழுந்தருளச் செய்வார்கள். நெய் தீபம் ஏற்றி நிவேதனங்கள் படைத்து, லட்சுமிதேவிக்கான பாடல்கள் மற்றும் துதிகளைப் பாடி வழிபட்டு, அந்த வரப் பிரசாதியை தங்கள் வீடுகளுக்கு வரச் செய்வார்கள்.

வரலட்சுமி நோன்பைச் சிரத்தையுடன் இருப்பவர்கள், மங்கள வாழ்வை அடைவார்கள் என்று பத்ம புராணம் கூறுகிறது. இந்த விரதம் இருப்பதால் சுமங்கலி வரம் கிட்டும். வாழ்வில் எல்லா செல்வங்களும் வந்துசேரும். இம்மை, மறுமை இரண்டையும் வளமாக்கும்
புண்ணிய விரதம் இது.

திருவண்ணாமலை கிரிவலம்: ஆகஸ்ட் மாதம் 25-ம் தேதி சனிக்கிழமை மாலை 4.05 முதல் 26-ம்தேதி ஞாயிற்றுக்கிழமை மாலை 5.40 மணி வரை கிரிவலம் நடைபெறும்.

சபரிமலை நடை திறப்பு:  2018-ம் ஆண்டு ஆவணி மாத சிறப்பு பூஜைக்காக 2018-ம் ஆண்டு ஆகஸ்ட் 16 முதல் 21 வரை ஸ்ரீஐயப்பன் கோயில் நடை திறக்கப்படும்.

தொகுப்பு: மு.ஹரிகாமராஜ்

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism