Published:Updated:

பெரியோர் சொன்னது...

பெரியோர் சொன்னது...
பிரீமியம் ஸ்டோரி
பெரியோர் சொன்னது...

தொகுப்பு: சம்பத் - ஓவியங்கள்: ரமணன்

பெரியோர் சொன்னது...

தொகுப்பு: சம்பத் - ஓவியங்கள்: ரமணன்

Published:Updated:
பெரியோர் சொன்னது...
பிரீமியம் ஸ்டோரி
பெரியோர் சொன்னது...
பெரியோர் சொன்னது...

`சாப்பாடு... தேவாமிர்தம்!’

அரண்மனையில் தங்கவைக்கட்டிருந்தார் ஒரு புலவர். ஒருநாள் அவரிடம், `‘இன்று சமையல் எப்படி’' என்று கேட்டார் அரசர். `‘உப்பும் இல்லை; புளிப்பும் இல்லை’' என்று உண்மையைக் கூறிவிட்டார் புலவர். உடனே கோபமான அரசர் சமையல்காரரிடம் `‘நாளை உன் சமையல் நன்றாக இல்லை என்று புலவர் கூறினால், உனது தலையைத் துண்டித்து விடுவேன்’' என்று கர்ஜித்தார்.

மறுநாள் மன்னர் புலவரிடம் மீண்டும் சமையல் பற்றி விசாரித்தார். `‘தேவாமிர்தமாக இருந்தது’' என்றார் புலவர்.

மகிழ்ந்துபோன மன்னர் வேறு பக்கம் நகர்ந்ததும், `‘தேவாமிர்தத்தில்தான் உப்பும் புளிப்பும் இருக்காதே'' என்று அருகிலிருந்தவர்களிடம் நொந்துகொண்டாராம் புலவர்.

பெரியோர் சொன்னது...

`நான் புதிய கிழவன்!’

சேங்காலிபுரம் அனந்தராம தீக்ஷிதர் உபன்யாசம் முடித்துவிட்டு ஒரு வீட்டில் தங்கியிருந்தார். இரவு சாப்பாடு முடிந்ததும் அந்த வீட்டுப் பணியாள், `‘ஐயாவுக்குப் பழம் கிழம் எதுவும் வேண்டுமா'' என்று கேட்டார். உடனே தீக்ஷிதர் ‘`நான் புதுக் கிழம்; எனக்கு எதற்கு பழம் கிழம்’' என்றாராம்!

பெரியோர் சொன்னது...

கண்களே காதுகள்!

பாம்புகளுக்குக் காதுகளே இல்லை. அவை கண்களையே காதுகளாக பாவித்து சத்தங்களைக் கேட்டுக்கொள்ளும். பாம்புகளின் கண்களை கட்டிவிட்டால், அவற்றால் சத்தங்களை உணர முடியாது. அதனால்தான் தாயுமான ஸ்வாமிகள் ‘கட்செவி எடுத்தாட்டலாம்’ என்று தனது பாடலில் தெரிவிக்கிறார். ஆம், பாம்புகளுக்குக் கண்களே காதுகளாக இருப்பதால் கட்செவி (கண் + செவி) என்கிறார் தாயுமான ஸ்வாமிகள்.

பெரியோர் சொன்னது...

`ராமாயணம் படிக்கப் போறேன்’

ராஜாஜியின் ஆட்சியை எதிர்த்து எதிர்க்கட்சிகள் நமிக்கையில்லா தீர்மானம் கொண்டு வர முயன்ற காலம். ராஜாஜி தனது முதல்வர் பதவியை ராஜினாமா செய்தார்.

அப்போது அவர், ‘`ராமாயணத்தை முழுமையாக படித்துவிட வேண்டும் என்று அந்தக் காவியத்தை எடுத்து வைத்தேன். அரச பதவி ஏற்கவேண்டிய ராமபிரான் வனவாசம் போனதைப் போல், நானும் காவியத்தைப் படிக்காமல் முதல்வர் பதவி ஏற்க வந்துவிட்டேன். விரித்து வைத்த புத்தகம் அப்படியே உள்ளது. முதலில் அதை படிக்கத் தொடங்கவேண்டும்''   என்றாராம்.

பதவியைவிடவும் ஞானநூல்களுக்கு முக்கியத்துவம் அளித்தவர் ராஜாஜி என்பதை நிரூபித்தன, இந்த வார்த்தைகள்.

பெரியோர் சொன்னது...

சூரியனுக்கு மதிப்பு எப்படி..?

`சூரியன் அவ்வளவு உயரத்தில் இருக்கிறது என்பதற்காக யாரும் அதை மதிப்பதில்லை; அதன் அளவில்லாத பயன்களுக்காகவே மதிக்கிறோம். அதைப்போலவே செல்வந்தர்களை அவர்களின் செல்வத்துக்காக மதிக்கவேண்டாம். அவர்களுடைய தான தர்ம குணங் களுக்காகவே மதியுங்கள்'

- வாரியார் சுவாமிகள்