Published:Updated:

காசியில் முக்தி குருதேவரின் அனுபவம்!

காசியில் முக்தி குருதேவரின் அனுபவம்!
பிரீமியம் ஸ்டோரி
News
காசியில் முக்தி குருதேவரின் அனுபவம்!

காசியில் முக்தி குருதேவரின் அனுபவம்!

காசியில் இறப்பவர்களுக்குச் சிவனாரும், பார்வதிதேவியும் எப்படி முக்தி அளிக்கிறார்கள் என்பதை ஸ்ரீராமகிருஷ்ண பரமஹம்சர் தெய்விகக் காட்சியில் கண்டார். அந்த அனுபவத்தை அவரே  விளக்கியுமிருக்கிறார்.

ஸ்ரீராமகிருஷ்ண பரமஹம்சர் காசிக்கு சென்ற போது, அங்குள்ள மணிகர்ணிகை காட் பகுதிக்குச் சென்றார். மதுர்பாபுவும் உடன் சென்றார். மணிகர்ணிகையின் அருகில்தான் காசியின் முக்கிய சுடுகாடு உள்ளது. ஸ்ரீராமகிருஷ்ணரின் படகு மணிகர்ணிகைக்கு அருகே சென்றபோது  அந்த சுடுகாடு, சிதையி லிருந்து எழுந்த புகையால் மூடப்பட்டது போலிருந்தது.

காசியில் முக்தி குருதேவரின் அனுபவம்!

உணர்வு மயமாக இருந்த ஸ்ரீராமகிருஷ்ணர் அந்தப் பக்கம் பார்த்ததுமே பரவச நிலையை அடைந்தார். திடீரென எழுந்து படகின் ஓரத்துக்கு ஓடியவர், அங்கேயே அசைவற்று நின்று சமாதியில் மூழ்கிவிட்டார். எங்கே அவர் கங்கையில் விழுந்து விடுவாரோ என்று அஞ்சிய படகோட்டியும் மதுரின் சேவகனும் அவரைப் பிடித்து கொள்வதற்காக ஓடினர். ஆனால், யாரும் குருதேவரை பிடித்துக் கொள்ள வேண்டிய தேவை ஏற்படவில்லை. அவர் அப்படியே அசைவற்று நின்று கொண்டிருந்தார்.

அதன்பிறகு சாதாரண நிலைக்கு வந்தார் குருதேவர். தாம் கண்ட அற்புதக் காட்சியைப்பற்றி மதுரிடமும், பிறரிடமும் அப்போது  கூறினார்.

“உயரமான ஒரு வெண்ணிற மனிதர் மஞ்சள் நிற சடைமுடியுடன் கம்பீரமாக நடந்து, அங்கே எரிந்து கொண்டிருந்த சிதைகள் ஒவ்வொன்றின் அருகிலும் சென்றார். அந்த உயிரை எழுப்பினார். அதன் செவியில் தாரக பிரம்ம மந்திரத்தை ஓதினார். சர்வ வல்லமை பொருந்திய மகாசக்தி, மகாகாளியின் உருவத்தில் சிதையின் மறுபக்கத் தில் அமர்ந்து, அந்த உயிர்களைப் பிணைத் திருக்கும் தூல, சூட்சும, காரண சமஸ்காரவடிவ பந்தங்களை எல்லாம் நீக்கினாள். அந்த உயிர்களை அகண்ட சச்சிதானந்தப் பொருளில் ஒன்றச் செய்தாள். காலங்காலமாக யோகமும் தவமும் செய்து அடையக்கூடிய அத்வைத அனுபவத்தின் பேரானந்தத்தை ஸ்ரீவிசுவநாதர் அந்த உயிர்களுக்கு அங்கேயே அப்போதே வழங்கியதை நான் கண்டேன்.” என்றார்.

மதுர்பாபுவும் பண்டிதர்களும் மெய்சிலிர்த்தனர்.

- ப.சரவணன், ஸ்ரீரங்கம்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz