Published:Updated:

பதினாறும் தருவாள் அலைமகள்

பதினாறும் தருவாள் அலைமகள்
பிரீமியம் ஸ்டோரி
News
பதினாறும் தருவாள் அலைமகள்

பதினாறும் தருவாள் அலைமகள்

வராத்திரி வைபவத்தில் ஆதிபராசக்தியை முப்பெருந்தேவியாராகவும், `பாலா’ முதலான ஒன்பது திருவடிவங்களாகவும் வழிபடுவது வழக்கம். அதேபோல், லட்சுமிதேவியின் 16 திருவடிவங்களைத் தியானித்து வழிபடுவதும் சிறப்பு. இதனால், நம் இல்லத்தில் நிரந்தரமாகத் தங்கியிருந்து, பதினாறு செல்வங்களும் செழித்தோங்க அருள்புரிவாள் அலைமகள்.

ஸ்ரீதனலட்சுமி : கருணையோடு நேர்மையாக வாழ்பவர்களை இத்தேவி அனுக்கிரகிப்பாள்.

ஸ்ரீவித்யா லட்சுமி : இனிமையாகப் பேசி, மற்றவரின் மனம் குளிர நடப்பவர்கள், இந்த அன்னையின் அருளைப் பெறலாம்.

ஸ்ரீதான்ய லட்சுமி: பசித்தவருக்கு உணவளிக்கும் அன்பர்கள், தான்யலட்சுமியின் ஆசியைப் பெறுவார்கள்.

ஸ்ரீவரலட்சுமி :  பாவங்கள் செய்யாமல் அறவழியில் வாழும் அன்பர்களுக்கு வரலட்சுமியின் திருவருள் கைகூடும்.

ஸ்ரீசௌபாக்கிய லட்சுமி : மற்றவர்கள் மகிழ்ச்சிக்கு காரணமாகும் அனைவருக்கும் இந்த அன்னை வரம் வாரி அருள்வாள்.

பதினாறும் தருவாள் அலைமகள்

ஸ்ரீசந்தான லட்சுமி : தாய்மை உணர்வோடு சகலரையும் நேசிக்கும் பெண்களுக்கு இந்த தேவி வரமளிப்பாள்.

ஸ்ரீகாருண்ய லட்சுமி : கருணை நிறைந்த அன்பர்களுக்கு, சௌபாக்யங்களை அளிப்பாள் இந்த தேவி.

ஸ்ரீமகாலட்சுமி : மங்கல வாழ்வை அளிக்கும் மகாலட்சுமிதேவி, மனச்சுத்தியோடு இருப்பவர்களை ஆசிர்வதிப்பாள்.

ஸ்ரீசக்தி லட்சுமி :  நம்பிக்கையோடும் பிறர் நலம்பெறும் வண்ணமும் வாழ்வோருக்கு சக்திலட்சுமியின் அருள் கிடைக்கும்.

ஸ்ரீசாந்தி லட்சுமி : பற்றற்ற அன்பர்களைப் பரிவோடு தாங்கிக்கொள்வாள் இந்த தேவி.

ஸ்ரீசாயாலட்சுமி : பக்தி மார்க்கத்தில் திளைக்கும் அன்பர்களுக்கு சாயாலட்சுமியின் திருவருள் வழிகாட்டும்.

ஸ்ரீத்ரிஷ்ணா லட்சுமி : அன்பும் பக்தியும் கொண்ட அன்பர்களுக்கு ஞானத்தை வழங்கும் அன்னை இவள்.

ஸ்ரீசாந்த லட்சுமி : பொறுமை கொண்டோருக்குப் புகழ் சேர்ப்பாள் இந்தத் திருமகள்.

ஸ்ரீகிருத்தி லட்சுமி :  புகழோடு வாழவும் சிறந்த செல்வங்களைப் பெறவும் வரம் அருள்வாள் இந்த தேவி.

ஸ்ரீவிஜயலட்சுமி : விடாமுயற்சி கொண்டோருக்கு வெற்றிகளைத் தரும் அன்னை இவள்.

ஸ்ரீஆரோக்கிய லட்சுமி : நற்குணங்கள் நிறைந்த பக்தர்களுக்கு தேக ஆரோக்கியத்தை வழங்குவாள் இந்த அன்னை.

- பா.சரவணன், ஸ்ரீரங்கம்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz