Published:Updated:

பாடலால் கிடைத்த பதவி!

பாடலால் கிடைத்த பதவி!
பிரீமியம் ஸ்டோரி
News
பாடலால் கிடைத்த பதவி!

பாடலால் கிடைத்த பதவி!

திருநெல்வேலி அருள்மிகு நெல்லையப்பர் கோயிலில் விளக்குகளை ஏற்றும் பணியைச் செய்துவந்தார் ஒருவர்.

அந்தக் கோயிலுக்கு வந்த சந்நியாசி ஒருவர், அப்பணியாளருக்கு ‘அபிராமி அந்தாதி’யில் உள்ள ‘வையம் துரகம்’ என்ற பாடலை உபதேசம் செய்துவிட்டு, `‘இதை எப்போதும் சொல்லிக்கொண்டிரு. அம்பிகையின் அருள் கிடைக்கும்’’ என்று சொல்லிப் போனார்.

பாடலால் கிடைத்த பதவி!

அந்தப் பணியாளர் அன்றிலிருந்து ‘வையம் துரகம்’ என்ற பாடலை எப்போதும் சொல்லிக்கொண்டிருந்தார்.

ஒரு நாள்... அப்போது திருநெல்வேலிச் சீமைக்கு அரசராக இருந்தவர் நெல்லையப்பர் கோயிலுக்கு வந்தார். அட்டூழியங்கள் செய்து வரும் தன் அமைச்சருக்கு மாற்றாக, நல்லதொரு அன்பரை அடையாளம் காட்டியருளவேண்டும் எனும் பிரார்த்தனையோடு வந்திருந்தார் அவர்.

தரிசனம் முடிந்து கோயிலை வலம்வந்து கொண்டிருந்த அரசரின் காதுகளில் ஓர் ஓரமாக இருந்தபடி ‘வையம் துரகம்’ சொல்லிக் கொண்டிருந்த விளக்கேற்றும் பணியாளரின் குரல் விழுந்தது. சிலிர்த்துப்போனார் அரசர். அப்போதே அமைச்சரை பதவி நீக்கம் செய்தவர், அமைச்சரின் அதிகார முத்திரையைப் பிடுங்கி, விளக்கேற்றும் பணியாளரிடம் தந்து, அவரை அமைச்சர் ஆக்கினார்.

அம்பிகையின் அடியார்களுக்கு உண்டான சின்னங்கள் என்னென்ன என்று ‘வையம் துரகம்’ பாட்டில் வருகின்றனவோ, அத்தனை செல்வ அடையாளங்களும் அந்தப் பணியாளருக்குக் கிடைத்தன. நவராத்திரியின்போது முறையாக பூஜை இயலாதவர்கள், அபிராமி அந்தாதியில் வரும் இந்த ஒரு பாடலை மட்டுமாவது தினந்தோறும் பலமுறை சொல்லி, அம்பிகையின் அருளை அடையவேண்டும்.

வையம் துரகம் மதகரி மாமகுடம் சிவிகை
பெய்யும் கனகம் பெருவிலை ஆரம் பிறைமுடித்த
ஐயன் திருமனை யாள்அடித் தாமரைக்கு அன்புமுன்பு
செய்யும் தவமுடை யார்க்கு உளவாகிய சின்னங்களே.


தொகுப்பு: நமசிவாயம்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz