Published:Updated:

பொறுமையைவிட கோபம் பெரிது! - பிரகலாதன் மகாபலிக்கு அருளிய உபதேசம்!

பொறுமையைவிட கோபம் பெரிது! - பிரகலாதன் மகாபலிக்கு அருளிய உபதேசம்!
பிரீமியம் ஸ்டோரி
பொறுமையைவிட கோபம் பெரிது! - பிரகலாதன் மகாபலிக்கு அருளிய உபதேசம்!

பி.சந்திரமெளலி

பொறுமையைவிட கோபம் பெரிது! - பிரகலாதன் மகாபலிக்கு அருளிய உபதேசம்!

பி.சந்திரமெளலி

Published:Updated:
பொறுமையைவிட கோபம் பெரிது! - பிரகலாதன் மகாபலிக்கு அருளிய உபதேசம்!
பிரீமியம் ஸ்டோரி
பொறுமையைவிட கோபம் பெரிது! - பிரகலாதன் மகாபலிக்கு அருளிய உபதேசம்!

ந்தேகங்கள் பலவிதம். ஒவ்வொருவருக்கும் ஒவ்வொரு விதமான சந்தேகங்கள் எழும். சீடன் ஒருவனுக்கும் சந்தேகம் எழுந்தது. குருநாதரிடம் சென்று தனது சந்தேகத்தைச் சொல்லி தீர்வு வேண்டினான்.

`மேலானது எது பொறுமையா, கோபமா?' இதுதான் அவனுக்கு எழுந்த சந்தேகம். இதே கேள்வி, உத்தம பக்தனான பிரகலாதனின் பேரன் மகாபலிக்கும் எழுந்தது. அதுகுறித்து அவன் தன் தாத்தாவிடம் கேட்க, அதற்கு மகாபலி சொன்ன பதிலைச் சீடனுக்கு  விளக்கினார் குருநாதர்:

சகல தர்மங்களையும் அறிந்த பிரகலாதன், தன் பேரனுக்கு விளக்கம் அளித்தார் ``மகாபலி, கோபம் எப்போதும் உயர்ந்தது அல்ல. அதே நேரம், எல்லா தருணங்களிலும் பொறுமையைக் கடைப்பிடிப்பதும் கூடாது. சில தருணங்களில் பொறுமையைவிடவும் ரெளத்திரம் சிறப்பானதாகும்.

எவன் ஒருவன், ரௌத்திரம் கொள்ள வேண்டிய தருணங் களிலும் பொறுமையாக இருக் கிறானோ, அவனுக்கு அனைத்து கெடுதல்களும் வந்து சேரும். பகைவர்கள் மட்டுமின்றி, அவனுடைய வேலைக்காரர்களும் அவனை அவமதிப்பர்.

பொறுமையைவிட கோபம் பெரிது! - பிரகலாதன் மகாபலிக்கு அருளிய உபதேசம்!

அற்ப புத்தி உள்ளவர்கள், பொறுமையாளனை அவமானப் படுத்துவர். அவனுடைய பொருள் களை அபகரிக்க விரும்புவர். எப்போதும் பொறுமைசாலியாகத் திகழும் எஜமானன் ஏமாற்றப்படுவான். வேலைக்காரர்கள், எஜமானனின் வாகனம், ஆடைகள், அலங்காரப் பொருட்கள், படுக்கை, ஆசனம் மற்றும் உணவு உள்ளிட்ட எல்லாவற்றையும் எடுத்துக்கொள்வார்கள். அவனின் பிள்ளைகளும் வீட்டுப் பெண்களும்... ஏன், அவன் மனைவியேகூட அவனை அவமானப்படுத்துவாள். இவர்கள் தங்களது இஷ்டப்படி நடப்பார்களே தவிர, பொறுமை சாலியான வீட்டுத் தலைவனை ஒரு பொருட்டாகக் கருத மாட்டார்கள்.

ஆகவே, எவ்வளவு பெரிய மனிதனாக இருந்தாலும் கோபம் கொள்ள வேண்டிய தருணத்தில், கோபப்படாமல் இருந்தால் அவமானம்தான். ஆகையால், எல்லா தருணங்களிலும் பொறுமையாக இருப்பதால் பல தீமைகளையும் அனுபவிக்க வேண்டி வரும்!’’

- இப்படி உபதேசித்த பிரகலாதன், அடுத்து பொறுமை இல்லாதவர்களுக்கு உண்டாகும் தீமைகளையும் எடுத்துச் சொன்னார்

``பொறுமை இல்லாதவர்கள் எப்போதும் கோபத்தால் சூழப்பட்டு, பல தீமைகளைச் செய்கிறார்கள். இப்படிப்பட்டவர்கள் நண்பர்கள், உறவினர்கள் உட்பட எல்லோரிடமும் விரோதத்தைச் சம்பாதித்துக்கொள்வார்கள். கோபவசப்பட்டு செய்யும் தீமைகளால் பொருள் நாசம், நிந்தனை, ஆதரவு இல்லாமை, மனக்கொதிப்பு, அவமானம், பகை, மயக்கம் முதலானவற்றை அடைவர். அத்துடன் ஐஸ்வர்யம், பொறி-புலன்கள் மற்றும் உறவினர் களையும் இழப்பார்கள்.

தன் வளர்ச்சிக்கு உதவுகிறவர்களிடம், எவன் கோபம் கொள்கிறானோ... அவனைப் பார்த்து, பாம்பைக் கண்டது போல் எல்லோரும் நடுங்குவர். இத்தகைய கோபக்காரனுக்கு செல்வம் எப்படி சேரும்? அவன் மேல் மிகுந்த பகையுடன் இருக்கும் உலகம், தக்க தருணம் வாய்த்தால், பெரும் சேதத்தை உண்டாக்கி விடும். ஆகவே, எல்லா தருணங்களிலும் கோபத்தைக் கையாள்வதும் தவறு!

அந்தந்த தருணத்தில் பொறுமை- கோபம் இரண்டையுமே வெளிக் காட்ட வேண்டும். பொறுமையாக இருக்கவேண்டிய தருணத்தில் பொறுமையாகவும், கோபப்பட வேண்டிய சூழலில் கோபமாகவும் இருப்பவன், இம்மையிலும், மறுமையிலும் சுகத்தை அடைகிறான்!’’ என்று கூறி முடித்தார் பிரகலாதன்.

உடனே மகாபலி, ``தாத்தா... யார் யாரிடம் பொறுமையைக் கையாள வேண்டும்? எந்தெந்த தருணங்களில் கோபம் கொள்ள வேண்டும்? இதையும் விளக்குங்களேன்!’’ என வேண்டினான்.

அவனை பரிவுடன் அணைத்துக்கொண்ட பிரகலாதன், தனது விளக்கத்தைத் தொடர்ந்தார்

``நமக்கு உபகாரியாக இருந்தவன், அவன் பெரிய குற்றத்தைச் செய்தவனாகவே இருந் தாலும் அந்தக் குற்றத்தை (அவன் முன்பு செய்த உதவியை எண்ணி) பொறுத்துக்கொள்ள வேண்டும். அதுபோல, அறியாமை மிகுந்தவர் களது குற்றத்தையும் பொறுத்துக்கொள்ள வேண்டும். அதேநேரம்... புத்தி பூர்வமாக சிந்தித்து, தீர்மானித்து குற்றம் செய்துவிட்டு, பின்னர் தெரியாமல் செய்துவிட்டதாகச் சொல்லும் கபடமானவர்களை நிச்சயம் தண்டிக்க வேண்டும். தவறை முதல் முறை பொறுத்துக் கொள்ளலாம். ஆனால், அடுத்த முறையும் செய்தால்... அது சிறிய தவறாக இருந்தாலும் அவன் கண்டிக்கப்பட வேண்டியவனே!

மொத்தத்தில்... தனது பலம், விரோதியின் பலம் ஆகியவற்றை நன்கு அறிந்த பிறகே கோபம் அல்லது பொறுமையைக் கையாள வேண்டும். இடமும், காலமும் மிகவும் முக்கியம். உலகை அனுசரித்தும், குற்றத்தைப் பொறுத்துக்கொள்ளலாம். இதற்கு வேறான ஒரு சூழலில் கோபப்படலாம்!’’ என்று கூறி முடித்தார் பிரகலாதன்.

இந்தக் கதையின் மூலம் குருநாதர் அருளிய உபதேசத்தால் உண்மை உணர்ந்தான் சீடன். நீங்களும்தானே?!

ஒட்டுமொத்த விகடனுக்கும் ஒரே ஷார்ட்கட்!

புண்ணியங்களில் பெரிது!

றுமுறை பூமியை வலம் வருதல், பதினாயிரம் முறை காசியில் நீராடுதல், பலநூறு முறை சேது ஸ்நானம் செய்தல் ஆகியவற்றால் கிடைக்கும் பெரும் புண்ணியம், நம் தாயை அன்போடும் பக்தியோடும் ஒரு முறை வணங்கினாலே கிடைக்கும் என்கின்றன ஞானநூல்கள்.

-எஸ்.விஜயலஷ்மி, ஆதம்பாக்கம்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism