Published:Updated:

கேள்வி பதில் - சிவனார் அபிஷேகப் பிரியரா?

கேள்வி பதில் - சிவனார் அபிஷேகப் பிரியரா?
பிரீமியம் ஸ்டோரி
கேள்வி பதில் - சிவனார் அபிஷேகப் பிரியரா?

கேள்வி பதில் - சிவனார் அபிஷேகப் பிரியரா?

கேள்வி பதில் - சிவனார் அபிஷேகப் பிரியரா?

கேள்வி பதில் - சிவனார் அபிஷேகப் பிரியரா?

Published:Updated:
கேள்வி பதில் - சிவனார் அபிஷேகப் பிரியரா?
பிரீமியம் ஸ்டோரி
கேள்வி பதில் - சிவனார் அபிஷேகப் பிரியரா?

? சிவபெருமானை அபிஷேகப் பிரியர் என்கிறார் களே, அவருக்கு அபிஷேக வழிபாடுகள் செய்வது குறித்தும் அதற்கான பலாபலன்கள் குறித்தும் ஞானநூல்கள் என்ன சொல்கின்றன?

-எஸ்.சதா சிவானந்த், கடையநல்லூர்


கேள்வி பதில் - சிவனார் அபிஷேகப் பிரியரா?

சிவபெருமான் அபிஷேகப் பிரியர். `அபிஷேக ப்ரிய: சிவ:’ அபிஷேகம் சிவபெருமானுக்கு மிகவும் பிரியம் என்பது ஆகம சாஸ்திரங்களின் கூற்று.

சிவபெருமானுக்கு அபிஷேகம் செய்வதற் கும் விதிமுறைகள் உள்ளன. நிறைய திரவியங் களைக்கொண்டு சிவபெருமானுக்கு அபிஷேகம் செய்யும்போது, இத்தனை திரவியங்கள், இத்தனை நேரம், இன்னின்ன மந்திரங்கள் என்று வரையறை உள்ளது. 

சிவபெருமானுக்குச் செய்யும் அபிஷேகத்தின் பலனானது சகல ஜீவராசிகளுக்கும் சேரும். அவருக்கு அபிஷேகம் செய்யச் செய்ய தேசம் வளமும் நலமும் பெறும். வேரில் ஊற்றும் தண்ணீர் எப்படி மரம் முழுவதையும் சேர்கிறதோ, அப்படி சிவபெருமானுக்குச் செய்யும் அபிஷேகத்தின் பலன் அனைவருக்கும் சென்று சேர்கிறது. மேலும், நம் கர்மவினைகள் அனைத்தும் தீரும்.

ஒவ்வொரு பலனுக்கும் ஒரு தெய்வ வடிவத்தை வழிபடவேண்டும் என்றும் அந்தத் தெய்வ வடிவம் எப்படி அமையவேண்டும் என்றும் சாஸ்திரங்கள் கூறுகின்றன.

ஒட்டுமொத்த விகடனுக்கும் ஒரே ஷார்ட்கட்!

கேள்வி பதில் - சிவனார் அபிஷேகப் பிரியரா?

சிவபெருமான் - பரம்பொருள்; உருவமற்றவர். ஆனால், நாம் வழிபடுவதற்காக உருவம் ஏற்றுள்ளார். எனவே, நாம் அவசியம் சிவபெருமானை ஆராதிப்பதில் கவனம் செலுத்தவேண்டும். சிவபெருமான் கோயில்களில் சிவலிங்க வடிவில் காட்சி தருவார். சிவனாரின் இந்த மூர்த்தம் சதாசிவ மூர்த்தம் எனப்படும். சிவனாரின் மற்ற உருவங்கள் மாகேஸ்வர மூர்த்தம் எனப்படும். சிவபெருமான் எந்த வடிவத்தில் இருந்தாலும், அபிஷேகம் செய்யவேண்டும்.

ஒன்றுமே வசதி இல்லாத நிலையில் சுத்தமான நீரினால் அபிஷேகம் செய்யலாம். இதை ‘ஜலார்ச்சனம்’ என்று குறிப்பிடுவர். கிராமங்களில் வசதியில்லாத கோயில்களில் வெறும் தீர்த்தத் தாலாவது அபிஷேகம் செய்கின்றனர்.  இந்த லோகத்துக்கு அனைத்து நன்மைகளும் வளங் களும் கிடைக்க சிவபெருமானுக்கு நம் மனமும் கண்களும் குளிரக் குளிர அபிஷேகம் செய்து வழிபடுவோம்; வரம் பெறுவோம்.

? பொதுவாக ராகு காலத்தில் நல்ல காரியங் களைத் தவிர்க்கச் சொல்வார்கள். ஆனால், துர்கை போன்ற தெய்வங்களை அந்தக் காலத்தில் வழிபடுகிறோமே... அது சரியா?

- மல்லிகா அன்பழகன், சென்னை - 78

ராகு கிரகத்துக்கு அதிதேவதையாக துர்காதேவி போற்றப்படுகிறாள். நம் சாஸ்திரங்களில் சொல்லப்பட்டவை அனைத்தும் இயற்கையுடன் சம்பந்தப்பட்டவை. காலங்களில் நல்ல காலம், கெட்ட காலம் என்று பார்க்காமல், இந்தக் காலத்தில் இந்தக் காரியங்களைச் செய்ய வேண்டும் என்று கூறப்பட்டுள்ளது.

கேள்வி பதில் - சிவனார் அபிஷேகப் பிரியரா?

ராகுகாலம் நல்ல காரியங்கள் செய்வ தற்கு ஏற்றதல்ல எனில், அந்தக் காலத்தை இறையருளைப் பெறுவதற்கு உரிய காலமாக நாம் கருத வேண்டும். மொபைல் போனை சார்ஜில் வைத்திருக்கும்போது பேசக்கூடாது என்று சொல்கிறார்கள். எனில்,  மற்ற நேரங்களில் பேசலாம் என்றே பொருள். அதேபோல்தான் ஆடி, புரட்டாசி, மார்கழி மாதங்களிலும் ராகுகால வேளையிலும் நம் ஆற்றலை அதிகப்படுத்தக் கூடிய வழிபாடுகளில் ஈடுபடவேண்டும் என்பதை நாம் புரிந்துகொள்ளவேண்டும்.

உடனே, `வழிபாடுகளும் நல்ல காரியம்தானே அதை மட்டும் செய்ய லாமா' என்று சிலர் கேட்கலாம். மற்ற காரியங்கள் செய்வதற்கும், வழிபாடுகள் செய்வதற்கும் வேறுபாடுகள் உண்டு. இவை அனைத்தையுமே நாம் செய்து பார்த்தால்தான், உரிய வேறுபாடுகளை அறியவும் உரிய பலன்களை அனுபவிக்கவும் முடியும்.

ஆகவே, இதுபற்றியெல்லாம் நன்கறிந்த நம் ரிஷிகள், நம் நன்மையைக் கருதி அளித்துள்ள சாஸ்திரங்கள் கூறும் வழிமுறைகளின்படி, எந்த சந்தேகமும் இல்லாமலும் பலன் கருதாமலும் நடந்தால் நாம் உயர்ந்த நிலையை அடையலாம்.

? புண்ணிய தீர்த்தங்களுக்கும் நதிகளுக்கும் தனியான மகத்துவம் இருப்பது ஏன்? சாதாரண நீரும் மந்திரங்கள் சொல்வதால் அதிக ஆற்றல் பெற்றுவிடுமா?

- லட்சுமி வெங்கடேசன், திருச்சி - 2

நாம் மிகவும் தொன்மையான மதத்தைச் சேர்ந்தவர்கள். பல ஆயிரம் ஆண்டுகள் பழைமை யான மதம் நம்முடையது. ஒரு காரியத்தை நாம் பார்த்தால்தான் ஒப்புக்கொள்வோம் என்றால், நாம் நம்மையே ஒப்புக்கொள்ள முடியாது.

கேள்வி பதில் - சிவனார் அபிஷேகப் பிரியரா?

நம்முடைய பாவங்களைப் போக்கிக் கொள்வதற்கு மிகச் சிறந்த வழி தீர்த்த ஸ்நானம்தான். அதன் மூலம் நம் பூர்வஜன்மவினைகள் அகன்று, புண்ணியத்துடன் நற்கதி அடைகிறோம். சாஸ்திரங்கள் கூறுவது இதைத்தான்.

ஒரு காசோலை அதற்கு உரியவரின் கையொப்பம் இருந்தால்தான் செல்லுபடியாகும். இல்லையென்றால், அது வெற்றுக் காகிதம்தான். அதேபோல் அனைத்து இடங்களிலும் தண்ணீர் இருந்தாலும், அனைத்து நதிகள் மற்றும்  அருவிகள் தோன்றும் இடத்தின் சிறப்பின் காரணமாகவும், பல அவதார புருஷர்கள், மகான்கள் போன்றவர் களின் தொடர்பினாலும் அவை சிறப்பும் புனிதத்துவமும் பெற்றுத் திகழ்கின்றன.

தீர்த்தம் என்பது நீர் என்பதை மட்டுமல் லாமல் ஞானத்தையும் குறிக்கும் சொல் என்பதால், புண்ணிய நதிகளில் நீராடுவதை ‘தீர்த்த ஸ்நானம்’ என்று நம் முன்னோர்கள் அழைத்து வந்தனர்.

அதேபோல், எந்தவொரு நல்ல காரியம் செய்வதற்கு முன்பு, அந்த இடம் தூய்மை அடையவேண்டும் என்பதற்காக, ஒரு சொம்பில் தண்ணீரை எடுத்துக்கொண்டு உரிய மந்திரங்களை ஜபித்து, புனித நதிகளின் சாந்நித்யத்தை அந்தத் தண்ணீரில் நிலைபெறச் செய்கிறோம். அதன் மூலம் அந்தத் தண்ணீர் புனித நதிகளின் இயல்பைப் பெற்றுவிடுகிறது.

- பதில்கள் தொடரும்...

-காளிகாம்பாள் கோயில் சிவஸ்ரீ சண்முகசிவாசார்யர்

வாசகர்களே... ஆன்மிகம் தொடர்பான அனைத்துக் கேள்விகளுக்கும் பதில் தருகிறார், சென்னை `காளிகாம்பாள் கோயில்'  சிவஸ்ரீசண்முக சிவாசார்யர். கேள்விகள் அனுப்பவேண்டிய முகவரி: கேள்வி-பதில், சக்தி விகடன் 757, அண்ணாசாலை, சென்னை-600 002