Published:Updated:

முத்தமிழ் முருகனின் உத்தமத் தொண்டர்கள் !

முத்தமிழ் முருகனின் உத்தமத் தொண்டர்கள் !

முத்தமிழ் முருகனின் உத்தமத் தொண்டர்கள் !

முத்தமிழ் முருகனின் உத்தமத் தொண்டர்கள் !

Published:Updated:
##~##

தண்டபா ணிப்பேர்த் தவமுருக தாசமுனி
விண்ட கவி யாவும்செவ் வேள்தனதாக் கொண்டதால்
எத்தகைத்தானாலும் இயற்றல் எளிதன்றோ
வித்தகர் போற்றும் சிறப்பாமே

- முருகதாச சுவாமிகள்.

ஒட்டுமொத்த விகடனுக்கும் ஒரே ஷார்ட்கட்!

அகத்தியர் தமிழ் வளர்த்த பொதிகைமலையில் உற்பத்தியாகி வளம் கொழிக்கச் செய்யும் தாமிரபரணி ஆற்றங்கரையில் அமைந்த அழகான நகரம் திருநெல்வேலி. பல அருளாளர்களைத் தந்த புண்ணிய பூமி இது. இங்கே 28.11.1839-ல் (விகாரி- கார்த்திகை 16-ஆம் தேதி) ஹஸ்த நட்சத்திரத்தில் ஒரு தவக்குழந்தை அவதரித்தது. செந்தில்நாயகம் பிள்ளை- முத்தம்மை தம்பதியர் பல ஆண்டுகள் தவமாய் தவமிருந்து பெற்ற அந்தக் குழந்தைக்கு சங்கரலிங்கம் என்று பெயரிட்டு வளர்த்தனர்.

9 வயதுக்குள் கல்வியில் சிறந்து விளங்கினான், குழந்தை சங்கரலிங்கம். 'சுரண்டை’ என்னும் ஊரில் கோயில்கொண்டுள்ள பூமிகாத்தாள் எனும் அம்பிகையின் பெயரில் அக்குழந்தை முதன்முதலாக ஒரு வெண்பா பாடியது.

'தேவாமிர்தம் வேண்டி பாற்கடல் கடைந்தபோது தோன்றிய ஆலகால விஷத்தை சிவபெருமான் அருந்த... அதைக்கண்ட பார்வதிதேவி அவரது கழுத்தில் கைவைத்து விஷம் கீழிறங்காமல் காத்தாள். அதன் மூலம் ஈசனது சொரூபமான உலகை அழிவிலிருந்து அம்பிகை காத்ததால், அவளுக்கு 'பூமி காத்தாள்’ என்ற பெயர் ஏற்பட்டது’ என்கிற அருமையான விளக்கத்தை அந்தத் தெய்வக் குழந்தையின் பாடல் சுட்டிக்காட்டியது. இதனைக் கேட்ட அனைவரும் குழந்தையின் ஞானத்தைக் கண்டு அதிசயித்தனர்.

முத்தமிழ் முருகனின் உத்தமத் தொண்டர்கள் !

சங்கரலிங்கத்தின் குருவான சீதாராம நாயுடு என்பவர், அவருக்கு விநாயகர், லட்சுமி, முருகப்பெருமான், ஷடக்ஷரம் ஆகிய மந்திரங்களை உபதேசித்தார். அதன் தொடர்ச்சியாக, தினமும் வேல் வழிபாடு செய்து, முருகக்கடவுளைப் போற்றும் அருமையான செந்தமிழ்ப் பாடல்களை இயற்றி, அவற்றை ஏட்டில் எழுதி வரலானார் சங்கரலிங்கம். அதோடு, தவசிக்கோலம் பூண்டு கையில் தண்டு, கமண்டலம் தாங்கி நடந்தே பல தலங்களுக்குச் சென்று தெய்விகப் பாடல்கள் பல பாடினார். மக்களிடையே பக்திநெறியை வளர்த்தார். இவரது தோற்றத்தைக் கண்டு, 'தண்டபாணித் தொண்டர்’, 'தண்டபாணி சுவாமிகள்’, 'முருகதாசர்’ என்றெல்லாம் மக்கள் அழைக்கலாயினர்.

இனி, நாமும் அவரை தண்டபாணி சுவாமிகள் என்றே அழைப்போம்...

மக்கள் மத்தியில் கந்தவேளின் அடியாராக தண்டபாணி சுவாமிகள் வலம் வந்த காலத்தில் சுந்தரத்தம்மை என்ற பெண்மணியை திருமணம் செய்து கொண்டார். மயிலம் கோயில் முருகப்பெருமான் சந்நிதியில் கந்தவேள் ஆணையிட்டபடி ருத்ராட்சம் அணிவித்து அவரை மனைவியாக ஏற்றுக்கொண்டார்.

பழநிக்கு பலமுறை சென்று, அங்கே அருள்மழை பொழியும் தண்டாயுதபாணி சந்நிதியில் பலமுறை வீழ்ந்து வணங்கி சந்தக்கவி பாடத் தொடங்கினார். அந்த அற்புத நூல், ஆயிரம் பாடல்களைக் கொண்ட 'பழநித் திருவாயிரம்’.

பிறகு, பழநியில் ஓர் ஆஸ்ரமம் நிறுவி, அங்கேயே தங்கி சக்தி வடிவேல் வழிபாடு செய்து வரலானார் தண்டபாணி சுவாமிகள். இவரது எழுத்தாணியான 'சர்வசாதாரணி’ கொண்டு எழுதத் தொடங்கினால்... இவர் மனம் செல்லும் வேகத்துக்கு எழுத்தாணியால் எழுத இயலாது. பாடல்கள் அருவிப் பிரவாகம் போல் வேகமாக பெருக்கெடுத்து ஓடும். தில்லை நடராஜர் மீது தில்லைத் திருவாயிரம், திருவரங்கன் மீது திருவரங்கத் திருவாயிரம், சூரியன் மீது ஞாயிறு ஆயிரம், திருவண்ணாமலை கார்த்திகை தீபத் திருவிழா பற்றிய சஹஸ்ர தீபம் (திருவிளக்காயிரம்), தெய்வத் திருவாயிரம், ஏழாயிரப் பிரபந்தம், திருவாமாத்தூர் பதிக சதகம், சதகப் பதிகம் முதலியன இவர் இயற்றிய நூல்களுள் குறிப்பிடத்தக்கவை. இவர் தமது பாடல்களில், முற்பிறவியில் தாம் அருணகிரிநாதராகப் பிறந்தவர் என்றும், இதை முருகப்பெருமானே தம்மிடம் பலமுறை கூறியதாகவும் குறிப்பிடுகிறார்.

ஒருமுறை தென்காசி அருகிலுள்ள திருமலை (பைம்பொழில்) குமாரசாமி கோயில் திருச்சந்நிதியில் நின்று முருகப்பெருமான் புகழைப் பாடிப் பரவினார். அப்போது, அருணகிரிநாதருக்கு குருவாய் எழுந்தருளி காட்சியளித்தது போன்று தம்மையும் ஆட்கொள்ள வேண்டும் என்று பணிந்து பலமுறை வேண்டினார். ஆனால், இறையருள் கிடைக்காததால் இனி உயிருடன் இருந்து பயனில்லை என்று தீர்மானித்து மலையிலிருந்து விழுந்து புரண்டார். அப்போது திருமலைக் கந்தன் அவர் உணராதவாறு அவரைக் கையில் ஏந்தி மலையடிவாரத்தில் கொண்டு சேர்த்தார்.

முத்தமிழ் முருகனின் உத்தமத் தொண்டர்கள் !

தேவார மூவர், அருணகிரிநாதருக்குப் பிறகு அதிகமான ஸ்தல வழிபாடு செய்து, பதிகங்கள் பல பாடிய பெருமை தண்டபாணி சுவாமிகளுக்கே உண்டு. அவற்றில் 222 தலப் பாடல்கள் அடங்கும். ஒரு தலத்துக்குச் சென்றால் அந்த ஊரில் கோயில்கொண்டுள்ள எல்லா தெய்வங்களையும் பாடும் நெறிகொண்டவர் தண்டபாணி சுவாமிகள். முருகப்பெருமானுடன் விநாயகர், சிவன், அம்பிகை, திருமால், சூரியன் மற்றும் கிராம தெய்வங்கள் என அனைவரையும் சமயாதீத நிலையில் பாடும் அருளாளர் அவர். ஒரு லட்சம் பாடல்களுக்கும் மேல் கவி புனைந்துள்ள இவர், முருகப்பெருமான் மீது ஊடல் கொண்டு கடலிலும், தீயிலும் எறிந்தது போக தற்போது உள்ளவை 49,722 பாடல்களே! இவை பாதிக்கு மேல் அச்சில் வராமல் சுவடியிலேயே உள்ளன. இந்தச் சுவடிகள் தற்போது கோவை சரவணம்பட்டி கௌமார மடாலயப் பாதுகாப்பில் உள்ளன.

புலால் உணவுக்காக உயிர் வதை செய்வதை மிகக் கடுமையாகக் கண்டித்தவர் தண்டபாணி சுவாமிகள். அந்தக் காலத்தில் ஆங்கிலேயர் பசுக் கொலை செய்து ஊன் தின்னும் கொடுமையை வெறுத்துத் தாக்கி 'ஆங்கிலேயர் அந்தாதி’ என்னும் சமுதாய சிந்தனை நூலை(100 பாடல்கள் கொண்டது)யும் பாடியவர் இவர். மருத்துவத்தைப் பற்றி விளக்கும் 'வாகடப் பிள்ளைத்தமிழ்’, 'முசுகுந்த நாடகம்’, சித்திரக்கவி வகையில் மாலைமாற்று, சதுரபந்தம் மற்றும் அறுவகை மதத்துக்குரிய எழுகூற்றிருக்கை, எட்டு, ஒன்பது தசாங்க (பத்து) கூற்றிருக்கை ஆகியவற்றை பாடியவர். இதில்... 8, 9, 10 ஆகியவற்றை இதுவரை தமிழ் இலக்கியத்தில் எவரும் பாடியதில்லை என்பது குறிப்பிடத்தக்கது.

திருப்புகழ் சந்தப் பாக்களைப் பாடுவதிலும் மிகவும் வல்லவராக திகழ்ந்தார் தண்டபாணி சுவாமிகள். அதனால் இவரை 'வண்ணச்சரபம்’ என்று அழைப்பர். இவர் இயற்றிய 'வண்ணத்தியல்பு’ மற்றும் அறுவகை இலக்கணம்  

(786 சூத்திரங்கள்) ஆகியவை தமிழ்மொழிக்குப் புதிய அணிகலன்களாகும். தொல்காப்பியருக்குப் பிறகு வண்ணத்தில் ஈடுபாடு கொண்டு பாடியவரும் இலக்கணம் வகுத்தவரும் இவர் ஒருவரே!

அருணகிரியார் அருளிய கந்தரலங்காரம் போன்று, வேல் அலங்காரம், மயில் அலங்காரம், வீரவாகுத்தேவரின் வாள் அலங்காரம், முருகானந்த லஹரி மற்றும் திருச்செந்தூர் முருகப்பெருமான் ஆணைப்படி ஷோடச நூல் (16 பிரபந்தம்- 1838 பாடல்கள்) முதலியன இவர் எழுதிய நூல்களில் குறிப்பிடத்தக்கவை.

திருவல்லிக்கேணி பார்த்தசாரதிப் பெருமாள் மீதும் 'திருஎழு கூற்றிருக்கை’ப் பாடினார். அன்றிரவு பெருமாள் இவர் மனவெளியில் ஒரு வைணவ வயோதிகர் வடிவில் காட்சியளித்து, 'எழுகூற்றிருக்கைக்காக எழுநூறு பொன்தரக் கடமைப்பட்டிருக்கிறேன்'' என சீட்டெழுதி கையப்பமிட்டுத் தந்ததைக் கண்டார். ''பெருமாளே! உமது திருவருள் இருந்தாலே போதுமே! எழுநூறு பொன்சீட்டு ஏன் அனுப்பினீர்?'' என்ற ஈற்றடி கொண்ட ஒரு பதிகமும் பாடிப் பெருமானின் அருமை பெருமைகளைப் போற்றி இன்புறுகிறார் இவர்.

முத்தமிழ் முருகனின் உத்தமத் தொண்டர்கள் !

வடலூர் ராமலிங்க சுவாமிகளை சந்தித்து அடிக்கடி அளவளாவுவது தண்டபாணி சுவாமிகளின் வழக்கம். வளவனூர் ஷண்முக சுவாமிகள், யாழ்ப்பாணம் மஹாவித்வான் பிள்ளையவர்கள், வண்ணக் களஞ்சியம்

நாகலிங்க முனிவர், திரிசிரபுரம் மகாவித்வான் மீனாட்சி சுந்தரம் பிள்ளை, அஷ்டாவதானம் கல்யாண சுந்தரம், மாம்பழக் கவிச்சிங்க நாவலர் போன்ற பெரியோர்கள் இவரது நண்பர்கள்.

தமிழ் எழுத்துக்கள் 247 ஒவ்வொன்றுக்கும் ஒரு குறள் வீதம் கொண்ட 'வருக்கக் குறள்’ என்ற நூலும், தமிழ் எழுத்துக்களில் இதழ் முயற்சியால் (உதடு) ஒட்டுதலும், குவிதலும் உண்டாகிற 119 எழுத்துக்களை மட்டும் பயன்படுத்தி உருவான பத்து பாடல்கள் கொண்ட 'குவிபா ஒருபது’ என்ற பதிகமும், தமிழ் அலங்காரம் என்ற நூலும் இவரது கவித்துவத்தையும் ஆற்றலையும் திறம்பட சுட்டிக்காட்டும். தமிழ் இலக்கணத்தில் இவர் பாடாத பா அமைப்பு எதுவுமே பாக்கியில்லை என்று கூறலாம்.

இவர் பாடியுள்ள புலவர் புராணம் 3,003 கவிகள் கொண்டு 72 புலவர்களது வரலாறுகளை விவரிக்கிறது. விழுப்புரம் அருகில் பசு பூஜித்த 'திருவாமாத்தூர்’ என்னும் திருத்தலத்தை தமது தவத்துக்கு ஏற்ற இடமாகக் கொண்டு எல்லைதாண்டா விரதத்துடன் வாழ்ந்தார். அந்தத் தலத்துக்கு புராணம், கலம்பகம் உள்ளிட்ட 3,482 பாடல்களைப் பாடியுள்ளார். அங்கு கௌமார மடம் ஒன்றை ஸ்தாபித்தார். கோவை ராமானந்த சுவாமிகளுக்கு தீட்சை அளித்தார். அங்கு கோவை சரவணம்பட்டியில் கௌமாரமடம் நிறுவியதும் இவரது ஞானவாழ்வில் முக்கியமான ஒன்று.

ஆறெழுத்து மந்திரம் ஒரு கோடி ஜபித்து, தினசரி வேல் பூஜை செய்துவந்த வண்ணச்சரபம் தண்டபாணி சுவாமிகள், 5.7.1898 அன்று (விளம்பி- ஆனி 23, திருவோண நட்சத்திரம்) முருகப்பெருமான் திருவருளில் கலந்தார். திருமால் கோயில் திருவிழா ஹஸ்த நட்சத்திரத்தில் தொடங்கி திருவோணம் நட்சத்திரத்தில் நிறைவு பெறுவது போல், தண்டபாணி சுவாமிகளும் ஹஸ்தத்தில் தோன்றி ஓணத்தில் அருட்சமாதி கொண்டார். முருகப்பெருமானையே பரம்பொருளாகக் கொண்டு வாழ்ந்த இவர், சைவ, வைணவ பேதமின்றி துளசிமணியும் ருத்ராட்சமும் சமமாக அணிந்து விபூதி, திருமண் விளங்கக் காட்சியளிப்பாராம்.

முருகப்பெருமானின் முகங்கள் ஆறும் ஆறு மதத்தைக் காட்டுவன என்னும் தண்டபாணி சுவாமிகளின் பாடல் இதோ:

குருவும் கணபதியும் கொற்ற மழுவானும்
திருமடந்தைக் காவலனும் சேணில் - வருசுடரும்
தேவினத்தின் தாயான சிற்சத்தியும் முருகோன்
மூவிரண்டாக் காட்டும் முகம்

- அடியார் வருவார்....

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism