Published:Updated:

“மாமியாரின் மூட்டு வலியைத் தீர்க்கும் பயிற்சி!”

திருச்சி முகாமில் வாசகி புத்துணர்ச்சி

##~##

க்தி விகடனும் உலக சமுதாய சேவா சங்கமும் இணைந்து நடத்தும் மனவளக் கலை இலவச யோகா பயிற்சி முகாம், ஒவ்வொரு ஊரிலும் நடந்து வருகிறது. கடந்த 7.7.13 அன்று, திருச்சி காட்டூர் அருகில் உள்ள 'பெல் மனவளக்கலை அறக்கட்டளை மைய’த்தில், மனவளக்கலைப் பயிற்சி முகாம் நடைபெற்றது.

''எனக்கு ரெண்டு வருஷமா மூட்டு வலியும் இடுப்பு வலியும் இருக்கு. இதனால ரொம்பவே அவதிப்பட்டுக் கிட்டிருந்தேன். அப்பதான் எல்லாரும் மனவளக்கலைப் பயிற்சி செய்யுங்க, சீக்கிரமே வலி மொத்தமும் காணாம போயிடும்னு சொன்னாங்க. அந்த நேரத்துலதான், திருச்சில சக்திவிகடன் நடத்தும் யோகா பயிற்சி முகாம் அறிவிப்பைப் பார்த்தேன். உடனே வந்து கலந்துக்கிட்டேன். பயிற்சியைக் கத்துக்கும்போதே, வலி காணாம போறதை நல்லாவே உணர்ந்தேன். தொடர்ந்து கத்துக்கணும்னு முடிவு பண்ணிட்டேன்!'' என்று உற்சாகத்துடன் தெரிவித்தார் திருச்சி வாசகி ஷீலா.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
“மாமியாரின் மூட்டு வலியைத் தீர்க்கும் பயிற்சி!”

''ஆரம்பத்துல கொஞ்ச காலம் இந்தப் பயிற்சியைச் செஞ்சுக்கிட்டிருந் தவன்தான் நான். அப்புறம் வேலை மாறுதல், அதுஇதுன்னு பல காரணங்களால, தொடர்ந்து என்னால பயிற்சியில் ஈடுபடமுடியலை. ரொம்பக் காலம் கழிச்சு, இப்ப யதேச்சையா திருச்சில முகாம்னு சக்தி விகடன்ல வந்த அறிவிப்பைப் பார்த்துட்டு, உடனே ஆர்வத்தோடு வந்து கலந்துக்கிட்டேன். நடுவுல காணாம போயிருந்த புத்துணர்வு மீண்டும் எனக்குக் கிடைச்ச மாதிரி இருக்கு. பழையபடியே மும்முரமா பயிற்சியைத் தொடர்ந்து செய்யணும்கிற ஆர்வம் வந்துருச்சு!'' என்றார் தட்சிணாமூர்த்தி.

''சக்தி விகடன்ல 'வாழ்க வளமுடன்’னு தொடரா வந்த போதே இந்தப் பயிற்சியைச் செய்யணும்னு ஆசைப்பட்டேன். அப்ப கைக்குழந்தைக்காரியா இருந்ததால, முடியாம போயிருச்சு. இப்ப பையன் ப்ளே ஸ்கூலுக்குப் போயிடறதால, பக்கத்துல இருக்கிற மையத்துக்குப் போய் முழுப் பயிற்சியையும் எடுத்துக்கணும்னு முடிவு பண்ணிட்டேன். கூடவே, மூட்டுவலியால அவதிப்படுற மாமியாரையும் வாங்கன்னு சொல்லியிருக்கேன். அவங்களும் ஆர்வத்தோடு வரேன்னிருக்காங்க!'' என்று குதூகலம் பொங்கச் சொல்கிறார் வாசகி வளர்மதி.

மனவளக்கலையானது, மாமியார் மெச்சும் மருமகளையும் தரும்போல..!

- வி.ராம்ஜி

அதிசய சிலை!

திருநெல்வேலி மாவட்டம் அம்பாசமுத்திரத்தில் இருந்து ஒரு கிலோமீட்டர் தொலைவில் அமைந்துள்ள திருத்தலம் அயனீச்சுரம். இங்கேயுள்ள கைலாசநாதர் கோயிலில் 7 அடி உயரமும், 250 கிலோ எடையும் கொண்ட பிட்சாடணர் விக்கிரகம் காணப்படுகிறது. பாதத்தின் பிடி தவிர, வேறு எந்தவிதமான பிடிமானமும் இல்லாமல் அதிசயமாக நிமிர்ந்து நிற்கிறது இந்த விக்கிரகம். விக்கிரகத்தின் புவிஈர்ப்பு விசை அதன் பாதத்தின் நடுப்பகுதியில் விழும் வகையில் அமைந்துள்ளதால்தான் இந்த அதிசயம் சாத்தியமாயிற்று என்கிறார்கள்.

- இரா.பாலகிருஷ்ணன், வரக்கால்பட்டு