ராமேஸ்வரத்தில் முன்னோர் ஆராதனை!

உ லகில் பெரிதிலும் பெரிதான முயற்சியை 'பகீரத முயற்சி’ என்பார்கள். பகீரதனின் அந்தப் பெரிய முயற்சியும் அருந்தவமும் எதன் பொருட்டு நிகழ்ந்தது தெரியுமா? தனது முன்னோர்கள் நற்கதி அடைவதற்காகவே அருந்தவம் செய்து கங்கையைக் கொண்டு வந்தான் பகீரதன். முன்னோர்களின் மகிழ்ச்சியும் ஆசியுமே நம்மையும் நம் வம்சத்தையும் வாழ்வாங்கு வாழவைக்கும்.

. மனிதனாகப் பிறந்த ஒவ்வொருவருக்கும் தெய்வ கடன், ரிஷி கடன், பித்ரு கடன் என மூன்றுவித கடமைகள் அவசியம் என ஞான நூல்கள் அறிவுறுத்துகின்றன.

. முன்னோர் திதி நாட்களிலும், அமாவாசை தினங்களிலும் அவர்களை வழிபட வேண்டும். குறிப்பாக, தட்சிணாயனத்தின் துவக்கமான ஆடி, உத்தராயனத்தின் துவக்கமான தை மற்றும் மஹாளய காலமான புரட்டாசி... இந்த மூன்று மாதங் களிலும் வரும் அமாவாசை தினங்களில், முன்னோரை வழிபடுவது விசேஷம்! அதிலும், மஹாளய அமாவாசையில் முன்னோர் என்றில்லை, மறைந்த பெரியோர்கள் யாருக்கு வேண்டுமானாலும் தர்ப்பணம் செய்யலாம்.

. தேவர்கள் கால கணக்குப்படி புரட்டாசி மாதம் என்பது, தேவர்களுக்கு நடுநிசிப் பொழுது. தெய்வ வழிபாட்டுக்கும் பித்ருக்களை உபசரித்து திருப்தி செய்யவும் மிக உகந்த காலம். இந்தக் காலத்தில் யமதருமர் அங்குள்ள பித்ருக்கள் அனைவரையும் பூமிக்குச் செல்லும்படி உத்தரவிடுகிறார்.

. அப்படி பூமிக்கு வரும் பித்ருக்களை உரிய ஆராதனைகளால் நாம் மகிழ்வித்தோமானால், அவர்களுடைய அருளும் ஆசியும் நமக்குக் கிடைக்கும். முன்னோருக்கு உகந்த இந்தப் புண்ணிய தினத்தில் தீர்த்தக் கரைகளுக்குச் சென்று வழிபடுவது இன்னும் சிறப்பு!

. இதோ, புண்ணியமிகு புரட்டாசி மாதத்தில் மஹாளயபட்ச அமாவாசையன்று (23.9.14), ஸ்ரீராமன் சிவபூஜை செய்த ராமேஸ்வரம் திருத்தலத்தில் தில தர்ப்பணம் செய்து, முன்னோரை முறைப்படி ஆராதித்து, அவர்களது ஆசியைப் பரிபூரணமாகப் பெற உங்களுக்கொரு அரிய வாய்ப்பை வழங்கிடக் காத்திருக்கிறது உங்கள் சக்தி விகடன்!

. நீங்கள் செய்யவேண்டியது இதுதான்...

. கீழே கொடுக்கப்பட்டுள்ள கூப்பனைப் பூர்த்தி செய்து கத்தரித்து, எங்களுக்கு உடனே அனுப்பி வையுங்கள். முதலில் வந்து சேரும் 51 கூப்பன்கள் (அதாவது 51 வாசகர்கள்) மட்டுமே தேர்வு செய்யப்படும். தேர்வாகும் வாசகர்கள் தங்களுடன் துணையாக ஒருவரை ராமேஸ்வரத்துக்கு அழைத்து வரலாம். முன்னோரை ஆராதிக்க தம்பதி சமேதராக வருவது சிறப்பு!

. தேர்வாகும் வாசகர் மற்றும் அவருடன் துணையாக வரும் நபர் என இருவரும் தங்கள் சொந்த ஊரில் இருந்து ராமேஸ்வரம் வந்து செல்வதற்கான போக்குவரத்து செலவை (ரயிலில் 2-ஆம் வகுப்பு அல்லது சாதாரண பேருந்து கட்டணம்) சக்திவிகடனே ஏற்றுக்கொள்ளும்.

. வாசகர்கள் அனைவரும் முதல் நாள் (22.9.14) சாயந்திரமே வந்து தங்குவதற்கான இடவசதிக்கும், உணவுக்கும் ராமேஸ்வரத்தில் ஏற்பாடு செய்யப்பட்டுள்ளது.

. கூப்பன்களை சாதாரண தபாலில் மட்டுமே அனுப்ப வேண்டும். நேரிலோ, கூரியர், பதிவுத் தபால் அல்லது இ-மெயில் மூலமாகவோ அனுப்பப்படுபவை பரிசீலனைக்கு ஏற்கப்படமாட்டாது!

. ஆசிரியரின் தீர்ப்பே இறுதியானது.

. கூப்பன் எங்களுக்கு வந்துசேர வேண்டிய கடைசி தேதி: 30.8.14.

. கூப்பன்களை அனுப்பவேண்டிய முகவரி:

. சக்தி விகடன், முன்னோர் ஆராதனை, 757, அண்ணா சாலை, சென்னை 600 002.

ராமேஸ்வரத்தில் முன்னோர் ஆராதனை!

Vikatan Correspondent