<p><strong>சி</strong>தம்பரத்தில் சாயங்காலம் 2-ஆம் கால பூஜையின்போது இறைவனுக்கு சம்பா சாதத்துடன், கத்திரிக்காய் கொத்சு நைவேத்தியம் படைப்பது விசேஷம். அதேபோல் இன்னும் சில பிரசாத தகவல்கள்...</p><p>கேரளாவில், கூடல்மாணிக்க க்ஷேத்திரம் என்ற ஊரிலும் கத்தரிக்காய் நைவேத்தியம் பிரபலம்.</p><p>மார்கழி மாதம் குருவாயூரப்பன் ஆலயத்தில் குசேல தினம் கொண்டாடப்படுகிறது. அன்று முழுவதும் குருவாயூரப்பனுக்கு அவல் சம்பந்தப்பட்ட நிவேதனமே சமர்ப்பிக்கப்படும்.</p>.<p>மானசரோவரின் கரையில் பழைமையான புத்தர் கோயில் ஒன்று உள்ளது. இங்கு வரும் பக்தர்களுக்கு வேக வைத்த கிழங்குடன், பிஸ்கட்டையும் பிரசாதமாகத் தருகின்றனர்.</p><p>ஸ்ரீரங்கம்- ரங்கநாதருக்கு, தேங்காயை உடைத்து நைவேத்தியம் செய்வதில்லை. தேங்காயைத் துருவி அந்தத் துருவலையே படைக்கிறார்கள். தேங்காயை உடைத்தால் அந்த சத்தம், பள்ளிகொண்டிருக்கும் இறைவனை எழுப்பிவிடும் என்பது ஐதிகமாம்.</p>.<p>குற்றாலத்தில் குற்றால நாதருக்கு, நாள்தோறும் சுக்கு, மிளகு போட்டு கஷாயம் வைத்து படைக்கிறார்கள்.</p><p>தஞ்சை பெருவுடையார் கோயிலில் பச்சை வாழைப்பழம் பிரசாதமாக விநியோகிக்கப்படுவது விசேஷம்.</p><p>ஸ்ரீமுஷ்ணம் பூவராக ஸ்வாமி திருக்கோயிலில், கோரைக் கிழங்கைப் பக்குவமாகச் சமைத்து பகவானுக்குப் படைத்து வழிபடுவர்.</p>.<p>திருப்பெருந்துறை ஆவுடையார் கோயிலில் இறைவனுக்குப் படைக்கப்படும் நைவேத்தியம் மிகவும் வித்தியாசமானது. காலை வேளைகளில் புழுங்கல் அரிசிச் சோறும் கீரையும் படைக்கப்படுகின்றன. இரவில் வேகவைத்த பாகற்காயுடன் அன்னம் படைக்கப்படுகிறது. இவற்றை ஈசனின் கருவறைக்கு முன் உள்ள கருங்கல் மேடையில் சமர்ப்பிக்கிறார்கள்.</p><p>திருச்செந்தூர் ஸ்ரீஆறுமுகப் பெருமானுக்கு உதய மார்த்தாண்ட நைவேத்தியம் விசேஷம். அதாவது தோசையும், கஞ்சியும்! </p><p><em><strong>- ஆர்.மகாதேவன், திருநெல்வேலி</strong></em></p>
<p><strong>சி</strong>தம்பரத்தில் சாயங்காலம் 2-ஆம் கால பூஜையின்போது இறைவனுக்கு சம்பா சாதத்துடன், கத்திரிக்காய் கொத்சு நைவேத்தியம் படைப்பது விசேஷம். அதேபோல் இன்னும் சில பிரசாத தகவல்கள்...</p><p>கேரளாவில், கூடல்மாணிக்க க்ஷேத்திரம் என்ற ஊரிலும் கத்தரிக்காய் நைவேத்தியம் பிரபலம்.</p><p>மார்கழி மாதம் குருவாயூரப்பன் ஆலயத்தில் குசேல தினம் கொண்டாடப்படுகிறது. அன்று முழுவதும் குருவாயூரப்பனுக்கு அவல் சம்பந்தப்பட்ட நிவேதனமே சமர்ப்பிக்கப்படும்.</p>.<p>மானசரோவரின் கரையில் பழைமையான புத்தர் கோயில் ஒன்று உள்ளது. இங்கு வரும் பக்தர்களுக்கு வேக வைத்த கிழங்குடன், பிஸ்கட்டையும் பிரசாதமாகத் தருகின்றனர்.</p><p>ஸ்ரீரங்கம்- ரங்கநாதருக்கு, தேங்காயை உடைத்து நைவேத்தியம் செய்வதில்லை. தேங்காயைத் துருவி அந்தத் துருவலையே படைக்கிறார்கள். தேங்காயை உடைத்தால் அந்த சத்தம், பள்ளிகொண்டிருக்கும் இறைவனை எழுப்பிவிடும் என்பது ஐதிகமாம்.</p>.<p>குற்றாலத்தில் குற்றால நாதருக்கு, நாள்தோறும் சுக்கு, மிளகு போட்டு கஷாயம் வைத்து படைக்கிறார்கள்.</p><p>தஞ்சை பெருவுடையார் கோயிலில் பச்சை வாழைப்பழம் பிரசாதமாக விநியோகிக்கப்படுவது விசேஷம்.</p><p>ஸ்ரீமுஷ்ணம் பூவராக ஸ்வாமி திருக்கோயிலில், கோரைக் கிழங்கைப் பக்குவமாகச் சமைத்து பகவானுக்குப் படைத்து வழிபடுவர்.</p>.<p>திருப்பெருந்துறை ஆவுடையார் கோயிலில் இறைவனுக்குப் படைக்கப்படும் நைவேத்தியம் மிகவும் வித்தியாசமானது. காலை வேளைகளில் புழுங்கல் அரிசிச் சோறும் கீரையும் படைக்கப்படுகின்றன. இரவில் வேகவைத்த பாகற்காயுடன் அன்னம் படைக்கப்படுகிறது. இவற்றை ஈசனின் கருவறைக்கு முன் உள்ள கருங்கல் மேடையில் சமர்ப்பிக்கிறார்கள்.</p><p>திருச்செந்தூர் ஸ்ரீஆறுமுகப் பெருமானுக்கு உதய மார்த்தாண்ட நைவேத்தியம் விசேஷம். அதாவது தோசையும், கஞ்சியும்! </p><p><em><strong>- ஆர்.மகாதேவன், திருநெல்வேலி</strong></em></p>
