Published:Updated:

வெள்ளெருக்கு விநாயகரின் விசேஷம்!

விநாயகர்
பிரீமியம் ஸ்டோரி
News
விநாயகர்

வெள்ளெருக்கு வேரில் விநாயகர் சிலையை உருவாக்க சுமார் ஒரு மாதம் ஆகுமாம்.

லைப் பிரதேசங்களில் கிடைக்கக் கூடியது, வெள்ளெருக்கு வேர் எனும் மூலிகை, இந்த வேரில் அமைக்கும் விநாயகரை, ‘வெள்ளெருக்கு விநாயகர்’ என்கிறோம். இவரை வழிபடுவது மிகவும் விசேஷம்.

வெள்ளெருக்கு விநாயகரை அமைப்பதற்கு, வெள்ளை நிறத்தில் பூக்கும் எருக்கஞ்செடியையே தேர்வு செய்வர். சுமார் ஆறு ஆண்டுகள் வளர்ந்த வெள்ளெருக்குச் செடிதான் சிலை செய்வதற்கு உகந்ததாம். மேலும் ஓர் அடி ஆழத்துக்குள் கிடைக்கும் வேரே உபயோகிக்கச் சிறந்தது என்கின்றனர்.

வெள்ளெருக்கு வேரில் விநாயகர் சிலையை உருவாக்க சுமார் ஒரு மாதம் ஆகுமாம். சிலை செய்வதற்கு முன்னதாக, வெள்ளெருக்கு வேருக்கு ஆகம முறைப்படி ஒரு மண்டல காலம் பூஜை செய்யப் படுகிறது.

விநாயகர்
விநாயகர்

வெள்ளெருக்கு விநாயகர் கிரக தோஷங்களைப் போக்க வல்லவர். வீட்டில் வைத்து வணங்கி வந்தால், செல்வத்தை வாரி வழங்குவதுடன் நினைத்த காரியம் அனைத்தையும் நிறைவேற்றித் தருவாராம் இந்த வெள்ளெருக்கு விநாயகர்.

- கீதா, சென்னை-91

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

நான்கு பிள்ளையார்கள்!

திருவாரூர் தியாகராஜர் கோயிலில் 84 விநாயகர்கள் உள்ளனர். இவர்களில் நால்வருக்கு தனிச் சிறப்பு உண்டு.

அம்மன் சந்நிதிப் பிராகாரத்தில் உள்ள நடுக்கம் தீர்த்த விநாயகரை நரம்புத் தளர்ச்சி மற்றும் டென்ஷன் உள்ளவர்கள் வழிபடுகிறார்கள்.

மேற்குக் கோபுரத்தின் அருகில் இருப்பவர் மாற்றுரைத்த விநாயகர். சுந்தரருக்கு, சிவனார் அளித்த பொன்னின் தரத்தை சோதித்துச் சொன்னவர் இவர். பெண்கள், நகை வாங்கச் செல்லும் முன் இவரை வழிபடுகின்றனர்.

சிவன் சந்நிதியின் முதல் பிராகாரத்தில் உள்ளவர் மூலாதார கணபதி. இவர், சுருண்டு படுத்திருக்கும் ஐந்து தலை நாகத்தின் நடுவில், தாமரைப்பூ மீது நர்த்தனம் ஆடும் நிலையில் உள்ளார். யோகா பழகுபவர்கள் இவரை வணங்குவது சிறப்பு.

இதே பிராகாரத்தில் உள்ள மற்றொருவர் வாதாபி கணபதி. இவர் முன்னே நின்றுதான், திருவாரூர் முத்துஸ்வாமி தீட்சிதர், ‘வாதாபி கணபதிம்’ எனத் தொடங்கும் பாடலை பாடினாராம்!

- வத்சலா, சென்னை-64