Published:Updated:

பீமன் வாங்கிய கூலி!

பீமன்
பிரீமியம் ஸ்டோரி
News
பீமன்

தர்ம நியாயத்தை உணர்த்திய குந்திதேவி ஏழ்மையிலும் நேர்மையாக நடந்து காவியத்தில் இடம் பெற்றாள்.

ஞ்ச பாண்டவர்கள் அரக்கு மாளிகையில் இருந்து தப்பித்து ஏக சக்ர நகரம் வந்திருந்தார்கள். ஓர் ஏழை அந்தணர் வீட்டில் தங்கியிருந்த அவர்களுக்குக் கடுமையான பசி. ஏதேனும் வேலை செய்து வயிற்றுப் பாட்டை கவனித்துக் கொள்ள வேண்டிய கட்டாயம்!

பலத்தில் சிறந்த பீமன் வெளியே சென்று வேலை பார்த்து பொருள் ஈட்டி வர எண்ணி னான். அதன்படி தன் தாய், சகோதரர்களை ஓய்வெடுக்கச் சொல்லிவிட்டுக் கிளம்பினான்.

பீமன்
பீமன்

அந்த ஊரில் வாழ்ந்த ஒரு செல்வந்தர் வீட்டை அடைந்த பீமன், தனக்கு ஏதாவது வேலை தரும்படி கேட்டான். மிகுந்த பலசாலியாக இருந்த பீமனைக் கண்ட அந்த செல்வந்தன், “இதோ பாரப்பா... இந்தத் தோட்டத்தில் 50 பேர் இணைந்து வேலை செய்தால் ஒரே நாளில் கிணறு ஒன்றை வெட்ட முடியும். நீ ஒருவனே கிணறு வெட்டினால் உனக்கு 50 கூலியாள்களின் சம்பளம் கிடைக்கும். என்ன சொல்கிறாய்!” என்று கேட்டான்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

அதிகக் கூலி கிடைக்கிறதே என்ற ஆசையில் பீமனும் நாள் முழுக்க ஓயாமல் உழைத்து அந்தக் கிணறை வெட்டி நீர் வரவழைத்து விட்டான். செல்வந்தனுக்கோ மகிழ்ச்சி. பீமனிடம் 50 ஆள்களுக்குரிய கூலியை வழங்கி அனுப்பி வைத்தான்.

கை நிறைய பணத்தோடு வீட்டுக்குப் போன பீமன், சந்தோஷத்தோடு தாய் குந்தியிடம் பணத்தைக் கொடுத்தான். குந்திதேவி அவனிடம், `இவ்வளவு பணம் ஏது?' என்று கேட்டாள். பீமனும் நடந்ததை விவரித்தான்.

அதைக் கேட்டு கோபப்பட்ட குந்திதேவி “பீமா, நீ பலசாலியாக இருக்கலாம். ஆனால் 49 பேரின் வேலையையும் அவர்களுக்கான கூலியையும் அபகரித்துக்கொள்ளும் உரிமை உனக்கில்லை. உனக்கான ஓர் ஆள் கூலியை மட்டும் நான் எடுத்துக்கொள்கிறேன்.

நீ உடனே சென்று மீதிப் பணத்தை அந்தச் செல்வந்தரிடமே கொடுத்துவிட்டு வா!” என்று ஆணையிட்டாள்.

அவளின் கோபத்தில் இருந்த நியாயத்தை உணர்ந்த பீமனும் செல்வந்தனின் வீடு நோக்கி நடந்தான். தர்ம நியாயத்தை உணர்த்திய குந்திதேவி ஏழ்மையிலும் நேர்மையாக நடந்து காவியத்தில் இடம் பெற்றாள்.

- கே. நிருபமா, பெங்களூரு