Published:Updated:

அபயம் அருள்வார் பரிக்கல் நரசிம்மர்!

நரசிம்மர் தரிசனம்
பிரீமியம் ஸ்டோரி
News
நரசிம்மர் தரிசனம்

தஞ்சம் என்று வந்து பாதத்தில் பணிந்தவரை ‘அஞ்சேல், அஞ்சேல்’ என்று அபயம் அளிக்கும் பாவத்துடன் அருள்கிறார், இந்த நரசிம்மர்.

ரசிங்கப் பெருமான் மீது, பிரகலாதனைப் போன்றே அளவற்ற பக்தியும் அடங்காத அன்பும் கொண்டிருந்த அரசன் வசந்தராஜன்.

பரிகலாசுரன் என்னும் அசுரனை வதைத்து வசந்த ராஜனுக்கு நரசிம்மர் அருள் புரிந்த அரிய தலம் பரிக்கல்.

விழுப்புரம்- உளுந்தூர்ப் பேட்டை நெடுஞ்சாலையில், விழுப்புரத்துக்குத் தெற்கே 22 கி.மீ. தொலைவில் பரிக்கல் அமைந்துள்ளது.

பரிகலாசுரன் வதம் செய்யப் பட்டதால் அந்தத் தலம் ‘பரிகல புரம்’ என்று அழைக்கப்பட்டு, பின் ‘பரிக்கல்’ என்று மருவியது.

நான்கு புறங்களிலும் திருவீதிகள் சூழ்ந்திருக்க நடுவே மிக அழகாக அமைந்துள்ளது பரிக்கல் அருள்மிகு லட்சுமி நரசிம்மர் ஆலயம்.

கொடிமரத்தின் அருகே வீழ்ந்து வணங்கிவிட்டு உள்ளே நுழைந்தால் கிழக்கு நோக்கி அமர்ந்து அருள்பாலிக்கும் ஸ்ரீநரசிம்மரின் கருவறை.

தஞ்சம் என்று வந்து பாதத்தில் பணிந்தவரை ‘அஞ்சேல், அஞ்சேல்’ என்று அபயம் அளிக்கும் பாவத்துடன் அருள்கிறார், இந்த நரசிம்மர்.

பின்புறத் தடக்கைகள் சங்கும் சக்கரமும் தாங்கி அருள்காட்சி தருகின்றன. முன்புற இடக் கையால் மகாலட்சுமியை அழகுற அணைத்தவாறே, வலக் கையால் அருளை வாரி வழங்குகிறார்.

நரசிம்மர் தரிசனம்
நரசிம்மர் தரிசனம்

இந்தக் கோயிலில் கனகவல்லித் தாயார், பக்த ஆஞ்சநேயர், வீரஆஞ்சநேயர், வரதராஜப் பெருமாள் ஆகியோரையும் தரிசிக்கலாம். இந்த ஆலயத்தில், கி.பி. 15, 16, 17- ஆம் நூற்றாண்டுகளில் செதுக்கப்பட்டுள்ள சிற்பங்கள் யாவும் புடைப்புச் சிற்பங்களாகும்.

நாடி வருவோரின் பிணிகளைப் போக்கும் திருத்தலங்களில் பரிக்கலும் ஒன்று. அபூர்வ சக்தி வாய்ந்த பலன்களைத் தரும் கண்கண்ட மகத்தான திருத்தலம். பரிக்கல் நரசிம்மர், மிகப் பெரும் கடன் தொல்லைகளிலிருந்து மீளவும், உடலிலுள்ள நோய்கள் நீங்கி நலம் பெறவும், எதிரிகளால் ஏற்படும் அபாயங்களிலிருந்து மீளவும் அருள்புரிபவர்.

- எஸ்.கண்ணன், சென்னை-44