Published:Updated:

‘ஐந்து வகை வாத்தியங்கள்!’

ஐந்து வகை வாத்தியங்கள்
பிரீமியம் ஸ்டோரி
ஐந்து வகை வாத்தியங்கள் ( ஐந்து வகை வாத்தியங்கள் )

கோயில்களில் சிவபெருமானின் நிருத்த சிற்பங்களுக்கு கீழ் அமர்ந் திருக்கும் பூத கணங்களில் ஒன்று குடமுழா வாசித்துக் கொண்டிருக்கும்.

‘ஐந்து வகை வாத்தியங்கள்!’

கோயில்களில் சிவபெருமானின் நிருத்த சிற்பங்களுக்கு கீழ் அமர்ந் திருக்கும் பூத கணங்களில் ஒன்று குடமுழா வாசித்துக் கொண்டிருக்கும்.

Published:Updated:
ஐந்து வகை வாத்தியங்கள்
பிரீமியம் ஸ்டோரி
ஐந்து வகை வாத்தியங்கள் ( ஐந்து வகை வாத்தியங்கள் )

ஐந்தெழுத்து மந்திரத்துக்குச் சொந்தக்காரர் சிவபெருமான். அவரை ஐந்து வண்ணத்தினன் என்றும் ஆன்றோர் போற்றுவர். `நிறங்களோர் ஐந்துடையாய்’ என்று மாணிக்கவாசகப் பெருமான் பாடுகிறார். அதற்கேற்ப திருமுறைத் தலங்களான நல்லூர், உறையூர் ஆகியவற்றில் அமைந்த சிவாலயங்களில் இறைவன பஞ்சவர்ணேஸ்வரர் என்ற திருப்பெயருடன் அருள்கிறார்.

அதேபோல் சிவபெருமானுக்குரிய வழிபாட்டில் இடம்பெறும் வாத்தியங்களில் ஐந்து வகை வாத்தியங்கள் சிறப்புப் பெறுகின்றன. என்னென்ன என்று தெரிந்துகொள்வோமா?

தோல் கருவிகள்: டமருகம், மேளம், உடுக்கு, நகார்,

சுத்தமத்தளம்.

துளைக் கருவிகள்: நாகஸ்வரம், முகவீணை

நரம்புக் கருவிகள்: யாழ், வீணை, துந்தணா

உலோகக் கருவிகள்: மணி, சேகண்டி, பிரம்மதாளம், தாளம்

இயற்கைக் கருவிகள்: சங்கு, மிடற்றுக் கருவி.

குரல் இசையையும் இயற்கைக் கருவி என்பர். இதையே மிடற்றுக் கருவி எனப் போற்றுகின்றன ஞானநூல்கள்.

வாத்தியங்களில் அபூர்வமானது பஞ்சமுக வாத்தியம். குடமுழா எனச் சிறப்பிப்பார்கள். இது ஐந்து முகங்களைக் கொண்ட ஒருவகை தோல் இசைக் கருவியாகும். இதன் அடிப்பாகம் தகுந்த சீரிசை உருவாக்கும் வண்ணம் தாமிரம் மற்றும் வெண்கலம் கலந்த கலவையால் உருவாக்கப்பட்டிருக்கும். ஒவ்வொரு முகமும் வெவ்வேறு ஒலியெழுப்புவது இதன் தனிச் சிறப்பாகும்.

கோயில்களில் சிவபெருமானின் நிருத்த சிற்பங்களுக்கு கீழ் அமர்ந் திருக்கும் பூத கணங்களில் ஒன்று குடமுழா வாசித்துக் கொண்டிருக்கும். ஐந்திணைகளில் மருத நிலத்துக்குரிய கருப்பொருளாக குடமுழா உள்ளது. பஞ்சமுக வாத்திய கருவி பற்றிய குறிப்புகள் சங்ககாலம் தொட்டே இலக்கியங்களில் காணப்படுகின்றன. சிலப்பதிகாரத்தின் அரங்கேற்றுக் காதையில் மாதவியின் நடனத்தின்போது யாழ், குடமுழா, மத்தளம் ஆகியவை இசைக்கப்பட்டதாகக் கூறப்பட்டுள்ளது.

இத்தகைய சிறப்புமிக்க பஞ்சமுக வாத்தியக் கருவியை சிவபெருமான் வாசிக்கும் சிற்பம் திருவாரூர் அருள்மிகு தியாகராஜர் கோயிலில் காணப்படுகிறது.

இந்தக் கோயிலில் இன்றைக்கும் தினமும் பஞ்சமுக வாத்தியம் இசைக் கப்படுகிறது. தியாகராஜ பெருமானே இவ்விசைக்கருவியை வாசிப்பதாக ஐதிகம்!

- பூசை ச. அருண வசந்தன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism