திருத்தலங்கள்
திருக்கதைகள்
ஜோதிடம்
Published:Updated:

ஆயுர்வேதத்தின் வழிகாட்டல்!

ஆயுர்வேதம்
பிரீமியம் ஸ்டோரி
News
ஆயுர்வேதம்

ஆயுர்வேதம் பிணிக்கு மருந்து என்று இல்லாமல், பிணியாளர்களை கவனித்து மருந்தை தீர்மானம் செய்யும்.

வேதத்திலிருந்து தோன்றியது ஆயுர்வேதம். வேதத்தில் சொல்லப்பட்ட அனாடமி, பிசியாலஜி போன்ற உடலியல் தொடர்பான விஷயங்களை ஆயுர்வேதம்தான் எல்லோருக்கும் புலப்படும் விதத்தில் விளக்கிக் கூறுகிறது. அதனால்தான் ஆயுர்வேதம் என்ற பெயர் ஏற்பட்டது.

ஆயுர்வேதம் பிணிக்கு மருந்து என்று இல்லாமல், பிணியாளர்களை கவனித்து மருந்தை தீர்மானம் செய்யும். பிணியின் காரணமாகத் தோன்றும் அறிகுறிகளுக்கு மருந்து அளிக்காமல், பிணிக்கான அடிப்படைக் காரணத்தை ஆராய்ந்து அறிந்து அதற்கேற்றபடி மருந்து கொடுக்கும்படிச் சொல்லும். பஞ்சகவ்ய க்ருதம், மஹா திக்தக க்ருதம் மற்றும் கதிரஅரிஷ்டங்கள் போன்ற மருந்துகள் தொற்று நோய்த் தீர்வுக்கு உகந்தவை என்று ஆயுர்வேதம் பரிந்துரைத்திருக்கிறது. கடந்த காலத்தில் வைசூரி (அம்மை), பிளேக் (எலிக் காய்ச்சல்), பறவைக்காய்ச்சல் டெங்கு, க்ஷயம் போன்றவை தோன்றியபோது, மேலே சொன்ன பல மருந்துகள் அவற்றைக் கட்டுப்படுத்தின.

தற்போது வெளிப்பட்டுள்ள கொரோனாவும் தொடுவதன் மூலம் பரவுவதாகச் சொல்கிறார்கள். ஜுரம், ஜலதோஷம், தலைவலி, உடல்வலி, மூச்சுத் திணறல் ஆகிய அடையாளங்கள் சுட்டிக் காட்டப்படுகின்றன. இந்த அறிகுறிகளை அடக்குவதற்கு மேலே குறிப்பிட்ட ஆயுர்வேத மருந்துகள் பயன்படுவதாக இருக்கும். க்ஷயம், குஷ்டம் போன்ற வியாதிகளில்... அவற்றுக்கான காரணம் அழிந்தாலொழிய வியாதி விலகாது. தொற்று வியாதிக்குக்கான காரணத்தை அழிக்க வேண்டும்.

ஆயுர்வேதம்
ஆயுர்வேதம்

ஆயுர்வேதம் கிருமிகள் நேரடிக் காரணம் என்று சொல்லாது. கிருமிகளின் ஊடுருவல், உடலைப் பாதுகாக்கும் வாத, பித்த, கபங்களைத் தாறுமாறாகச் செய்துவிடுவதால், உடன் உயிரிழப்பு வந்துவிடுகிறது. அந்த மூன்றின் தாறுமாறான செயல்பாடுகளை மேலே சொன்ன ஆயுர்வேத மருந்துகள் சரிசெய்யும். ஆதலால், உயிரிழப்பு தவிர்க்கப்பட வாய்ப்பு உண்டு.

தொற்று வியாதியை அறவே அகற்ற இயலாது. கொரோனா தொற்று அடங்கிச் சில காலம் சென்ற பிறகு, மற்றொரு புதுப் பெயரில் தொற்று வியாதி தோன்றலாம். விஞ்ஞானம் குறிப்பாக மருத்துவ விஞ்ஞானம் அதற்கு ஏற்பட்ட இன்றைய வளர்ச்சி ஆகியவற்றுக்கு பரிச்சயப்பட்ட மக்களுக்கு, ஆயுர்வேதம் என்றால் அலர்ஜியாகத் தோன்றலாம். ஆயுர்வேதத்தை மருத்துவத் துறையாக ஏற்காதவர்களும் உண்டு. கடந்த பல நூற்றாண்டுகளாக வெளிநாட்டு மருத்துவத் துக்குப் பழகிவிட்டதால் ஏற்பட்ட நிலை இது.

மேலைநாட்டு வைத்தியம் நம் ஊரில் நுழையாத காலத்திலும் பாரதத்தில் பிணிகள் தோன்றவே செய்தன. அதற்குரிய மருந்துகளைக் கொடுத்து பிணிகளை நீக்கவும் செய்தனர் அன்றைய மருத்துவர்கள். இதை எவரும் மறக்கவோ, மறுக்கவோ முடியாது. அன்றைய மனிதனும் இன்றைய மனிதனும் ஒன்றுதான். சிந்தனையில்தான் மாறுபடுகிறான்.

அவசரத்துக்கு மேலைநாட்டு வைத்தியத்தை ஏற்றுக்கொள்ளலாம். மேலைநாட்டு மருத்துவர் களும் அவசரத்துக்கு ஆயுர்வேதத்தை ஏற்றுக் கொண்டிருக்கின்றனர்.

ஆகவே, ஆயுர்வேதத்தை ஏளனம் செய்யாமல், அதில் கூறப்பட்டுள்ள மருந்து களை... விஞ்ஞான முறைப்படி அதன் தரத்தை ஆராய்ந்து, அதன் பிறகு இன்றைய மேலைநாட்டு மருத்துவர்கள் ஏற்றுக்கொண்டு மக்களுக்கு சேவை செய்வது சிறப்பு. மற்றொரு வைத்திய முறை தலைதூக்கக் கூடாது என்ற எண்ணம் ஏற்படக் கூடாது.

உயிரினங்களின் இனப்பெருக்கம், இயற்கை யில் நிகழ்வதை மருத்துவத்தோடு இணைந்து செயல்பட வைத்திருக்கிறது. மேலைநாட்டு மருத்துவ முறைக்குக் கட்டுப்படாத பிணிகள் ஏராளம். இன்னும் அவற்றில் வெற்றி பெறவில்லை; பிரசார ஏடுகளில்தான் வெற்றி தெரிகிறது. எனவே, இந்த நெருக்கடியான சூழலில் ஆயுர்வேத மருத்துவ முறையையும் பயன்படுத்தி கொடிய கொரோனா தொற்று நோயைக் கட்டுப்படுத்தி, அடியோடு அகற்ற முனையவேண்டும்.

எல்லா மாநிலங்களிலும் ஆயுர்வேதக் கல்லூரி களும் மருத்துவமனைகளும் செயல்படுகின்றன. மனிதனுக்கு என்னென்ன பிணிகள் ஏற்பட வாய்ப்பு உண்டோ, அவை அனைத்தையும் ஆராய்ந்து பரிந்துரை செய்கிறது ஆயுர்வேதம்.

நோய் தோன்றாமல் இருக்க உயர்ந்த வாழ்க்கை முறையையும் உணவுக் கட்டுப்பாட்டையும் வலியுறுத்துகிறது, ஆயுர்வேதத்தில் இருக்கும் `ஸ்வஸ்த விருத்தம்' என்ற பகுதி. அதேநேரம், ஆயுர்வேத வைத்தியர்களும் தங்களுடைய சேவையை நடைமுறைப்படுத்தத் தானாகவே முன்வரவேண்டும்.