Published:Updated:

இடது கையால் பூஜை

கரிவரதராஜப் பெருமாள்
பிரீமியம் ஸ்டோரி
கரிவரதராஜப் பெருமாள்

கருவறைக்கு மேலே இருதள விமானம் அழகுக்கு அழகூட்டுகிறது.

இடது கையால் பூஜை

கருவறைக்கு மேலே இருதள விமானம் அழகுக்கு அழகூட்டுகிறது.

Published:Updated:
கரிவரதராஜப் பெருமாள்
பிரீமியம் ஸ்டோரி
கரிவரதராஜப் பெருமாள்

த்தியமங்கலத்திலிருந்து கோவை செல்லும் சாலையில் 17 கி.மீ தொலைவில் அமைந்துள்ளது புஞ்சைப் புளியம்பட்டி. அங்கிருந்து திருப்பூர் செல்லும் சாலையில் 2 கி.மீ தொலைவில் கோவில்புதூர் எனும் இடத்தில் அமைந்துள்ளது அருள்மிகு கரிவரதராஜப் பெருமாள் திருக்கோயில். பழைமையான இக்கோயில் கி.பி 14–ம் நூற்றாண்டில் கட்டப்பட்டதாக இங்குள்ள கல்வெட்டுகள் கூறுகின்றன. காரைச் செடிகளிடையே தோன்றிய திருமேனியாக ‘கரிவரதராஜப் பெருமாள்’ காட்சியளிக்கிறார்.

திருக்கோயிலுக்கு வெளியே தீப ஸ்தம்பம் கொண்ட நான்கு கால் மண்டபம் உள்ளது. பதினாறு கால் மண்டபத்தில் தசாவதாரச் சிற்பங்கள் அழகுற காட்சி தருகின்றன. உத்திர வரிசையில் ராமாயணக் கதைகள், பூதகணங்கள், நடனமாதர் சிற்பங்கள், திருக்கோயிலின் பழைமைக்குச் சான்றுரைக்கின்றன. தெற்குச் சுவரில் பன்னிரு ஆழ்வார்கள் திருமேனிகள் உள்ள மண்டபம் ஒன்றுள்ளது. அங்கு, வேணுகோபால சுவாமியின் சிரம்மீது ஐந்து தலை நாகம் குடைபிடித்தவாறு உள்ளது. மூலவர் கரிவரதராஜப் பெருமாளின் கருவறை வாசலில் இருபுறமும் ஜய விஜயர் உள்ளனர். கருவறைக்கு மேலே இருதள விமானம் அழகுக்கு அழகூட்டுகிறது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

இங்கு கரிவரதராஜப் பெருமாளுக்கு வழிபாடு செய்திடும் அர்ச்சகர் தனது இடது கரத்தினாலேயே பூஜைகளைச் செய்கிறார். இதுகுறித்து பரம்பரையாக வந்த செவிவழிச் செய்தி சுவையானதாகும்.

கரிவரதராஜப் பெருமாள்
கரிவரதராஜப் பெருமாள்

ஒருமுறை வலக்கை ஊனமுற்ற ஒருவர் பெருமாளுக்கு பூஜை செய்ய நேர்ந்தது. பூஜை முடிந்து இடது கரத்தினால் அரசனுக்கு பிரசாதம் வழங்கியபோது மன்னன் சினம்கொண்டு தனது வாளால் அவரது தலையை வெட்ட முயல, வாள் இடறி விழுந்து மறைந்தது. அதை தெய்வச் செயலாகக் கருதியதால் அன்று முதல் இடது கரத்தினாலேயே வழிபாடுகள் நடைபெற்று வருகின்றன.

- முத்து. இரத்தினம், வரதம்பாளையம்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism