Published:Updated:

ஆடிச் செவ்வாயில் அவதரித்த அன்னை!

ஆடிச் செவ்வாய்
பிரீமியம் ஸ்டோரி
ஆடிச் செவ்வாய்

ஆடிச் செவ்வாய்

ஆடிச் செவ்வாயில் அவதரித்த அன்னை!

ஆடிச் செவ்வாய்

Published:Updated:
ஆடிச் செவ்வாய்
பிரீமியம் ஸ்டோரி
ஆடிச் செவ்வாய்

`பிடாரி’ - அன்னைக் காளியின் அருள் ரூபங்களில் ஒன்று. பகைவர்களை ஆட்டுவித்து ஓடச்செய்பவள் எனும் பொருளில் பிடாரி என்று அன்னையை அழைக்கிறார்கள் பக்தர்கள். மற்றொரு பொருளும் உண்டு... `பீடை’ என்றால் துன்பம். பீடையை அரிபவள், அதாவது அழிப்பவள் என்பதால் `பிடாரி’ என்ற பெயர் வந்தது என்பார்கள்.

பிடாகை என்றால் கூடை. கூடையில் வைத்து வழிபடப்பட்ட பெண் தெய்வங்களே பிடாரி என்று ஆனது என்பார்கள் சிலர். பிடாகை எனும் சொல்லுக்கு அகராதிகள், `தனித்திருக்கும் இடம்’ என்று பொருள் கூறும். ஊரைவிட்டு ஒதுங்கி அமைந்திருக்கும் இடத்தில் காவல் தெய்வமாக வீற்றிருப்பதால் அன்னைக்குப் பிடாரி என்று பெயர் ஏற்பட்டது.

தமிழ் இலக்கியங்களில் பிடாரி வழிபாடு குறித்த செய்திகள் பல காணப் படுகின்றன. நீலகேசி என்னும் காப்பியத்தில் சுடுகாட்டுக்குள் இருக்கும் பிடாரி கோயிலில் ஒருவன் ஆடு வெட்டிப் பலி கொடுக்க வரும்போது, முனி சந்திரன் என்ற துறவி அதனைத் தடுத்து உயிர்க் கொலை கூடாது என்று போதிக்கிறார். இதன்மூலம் பிடாரிக்குத் தனிக் கோயில் இருந்ததை நீலகேசி மூலம் அறியமுடியும்.

கதைப்பாடல்களில் பிடாரியின் புராணம் சொல்லப் படுகிறது. ஒருமுறை பார்வதிதேவி ஈசனின் கண்களைப் பொத்தினாள். அதனால் அகில உலகங்களும் இருண்டுபோயின.

அதனால், ஈசன் அவளைச் சபித்தார். பாதாள லோகத்தில் வசிக்கும் நாக கன்னிகையின் வயிற்றில் பிறக்கும்படி சபிக்கப்பட்டாள் பார்வதி.

அதன்படி நாககன்னிகையிடம், ஆடி மாதத்தில் செவ்வாய்க்கிழமை அன்று ராகு காலத்தில் அஷ்ட காளிகளாகப் பிறந்தாள் அன்னை. இவர்களில் மூன்றாவதாக பிறந்தவளே முப்பிடாரி அல்லது முப்பிடாதி என்கிறது அந்தக் கதைப்பாடல்.

இவளே திரிபுர சுந்தரி என்றும் போற்றப் படுகிறாள். பிடாரியை வழிபட்டால் மனபயம் நீங்கும்; திருஷ்டி சம்பந்தமான பிரச்னைகள் விலகும்.

எனவே ஆடி செவ்வாய்யில் அவதரித்த அன்னையை ராகு கால வேளையில் போற்றி மகிழ்வோம். அன்னை நலன்கள் அனைத்தையும் நமக்குத் தந்தருள்வாள்.

- கே.ராஜு, சென்னை-55

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism