Published:Updated:

மகத்தான பலன்களைத் தரும் மஹாளய அமாவாசை!

மஹாளய அமாவாசை
பிரீமியம் ஸ்டோரி
மஹாளய அமாவாசை

நம்மால் இயன்ற அளவு சிறந்த முறையில் சிரத்தையோடு முன்னோர்களை வழிபட்டால் தீர்க்க ஆயுள், நல்ல குழந்தைகள், புகழ், ஆரோக்கியம், பலம், செல்வம், பசுக்கள், இன்பம், தான்யங்கள், சொர்க்கம் போன்ற அனைத்தும் நமக்குக் கிடைக்கும்.

மகத்தான பலன்களைத் தரும் மஹாளய அமாவாசை!

நம்மால் இயன்ற அளவு சிறந்த முறையில் சிரத்தையோடு முன்னோர்களை வழிபட்டால் தீர்க்க ஆயுள், நல்ல குழந்தைகள், புகழ், ஆரோக்கியம், பலம், செல்வம், பசுக்கள், இன்பம், தான்யங்கள், சொர்க்கம் போன்ற அனைத்தும் நமக்குக் கிடைக்கும்.

Published:Updated:
மஹாளய அமாவாசை
பிரீமியம் ஸ்டோரி
மஹாளய அமாவாசை

ஆயு: புத்ரான் யச: ஸ்வர்கம்

கீர்த்திம் புஷ்டிம் பலம் ச்ரியம்

பசூன் சுகம் தனம் தான்யம்

ப்ராப்னுயாத் பித்ரு பூஜனாத்

(ஆஸ்வலாயன கிருஹ்ய ஸுத்ரம்)

கருத்து : நம்மால் இயன்ற அளவு சிறந்த முறையில் சிரத்தையோடு முன்னோர்களை வழிபட்டால் தீர்க்க ஆயுள், நல்ல குழந்தைகள், புகழ், ஆரோக்கியம், பலம், செல்வம், பசுக்கள், இன்பம், தான்யங்கள், சொர்க்கம் போன்ற அனைத்தும் நமக்குக் கிடைக்கும்.

மஹாளய அமாவாசை
மஹாளய அமாவாசை

‘மஹாளயம்’ என்றால் `பெரிய கூட்டம் என்று பொருள்’. மறைந்த நம் முன்னோர் மொத்தமாக நம் இல்லத்தில் கூடும் நேரமே மஹாளய பட்சம். பட்சம் என்றால் பதினைந்து நாள்கள். மறைந்த நம் முன்னோர் பித்ருலோகத்திலிருந்து இந்தப் பதினைந்து நாள்கள் நம்மோடு தங்கும் காலமே மஹாளய பட்சம் ஆகும்.

இந்த ஆண்டு மஹாளய அமாவாசை

பொதுவாக புரட்டாசி மாதம் கிருஷ்ணபட்ச பிரதமை தொடங்கி அமாவாசை வரையிலுமான 15 நாள்கள் மஹாளயபட்ச காலமாக அனுஷ்டிக்கப்படும். நிறைவு நாளான அமாவாசை தினமே மஹாளய அமாவசை தினமாகும்.

நிகழும் சார்வரி வருடத்தில் புரட்டாசி மாதம் இரண்டு அமாவாசை தினங்கள் இடம்பெறுகின்றன. அவற்றில் முன்னோர் வழிபாட்டுக்கு முக்கியத்துவம் அளிக்கும் வகையில் முதலில் வரும் அமாவாசையைக் கணக்கில் கொண்டு மஹாயள காலம் தொடங்கி அனுஷ்டிக்கப்படுகிறது.

அவ்வகையில் வரும் 17.9.2020 (புரட்டாசி - 1) வியாழனறு மஹாளய அமாவாசை வருகிறது. மஹாளய பட்சத்தின் 15 நாள்களும் பித்ரு பூஜை செய்ய உகந்தவை. குறிப்பாக மஹாளயபட்ச காலத்தில் வரும் மஹா பரணி, மத்யாஷ்டமி, மஹாவியதீ பாதம், வைதிருதி, அவிதவா நவமி ஆகிய நாள்களில் தர்ப்பணம் விடுவது சிறப்பு.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

பொதுவாக மஹாளய பட்சத்தில் அனைத்து நாட்களுமே தர்ப்பணம் செய்வது மிகவும் விசேஷம் என்கின்றன ஞானநூல்கள். இயலாதவர்கள் மஹாளய அமாவாசை அன்றாவது சிரத்தையுடன் தர்ப்பணம் செய்து, முன்னோரை ஆராதிப்பதால் நம் குலம் செழிக்கும்; சந்ததியினரின் எதிர்காலம் சிறக்கும்.

மகத்தான பலன்களைத் தரும் மஹாளய அமாவாசை!

மஹாளயபட்ச காலத்தில் நம் முன்னோர்கள் நாம் செலுத்தும் தர்ப்பணத்திற்காகக் காத்திருப்பார்கள். எனவே அந்த நாள்களில் தர்ப்பணம் செய்வதால் நமது முன்னோர்களின் ஆசியுடன் நமது வாழ்க்கை சிறப்படையும்.

அமாவாசை தினங்களில் நாம் விடும் தர்ப்பணம் எமதர்மராஜனின் கைகளுக்குச் செல்லும். அவர் அதை நம் முன்னோர்களை அழைத்து அவர்களிடம் ஒப்படைப்பாராம். மஹாளய பட்சம் ஆரம்பிக்கும் நாளன்று நம் முன்னோர்களை, அவரவர் விருப்பமான இடத்திற்குச் சென்று வரும்படி அனுமதிப்பாராம்.

நம் முன்னோருக்கு விருப்பமான இடம் நம் இல்லம்தானே, எனவே அவர்கள் மஹாளயபட்ச காலமான பதினைந்து நாள்களும் நம் இல்லத்துக்கு வருவதாக நம்பிக்கை. ஆகவே, மஹாளயபட்ச காலத்தில் நம் வசிப்பிடத்தை சுத்தமாக வைத்திருந்து நம் முன்னோர்களை வணங்கி வந்தால், நம் வாழ்க்கை விருத்தியடைவது உறுதி.

மகத்தான பலன்களைத் தரும் மஹாளய அமாவாசை!

இனி, மஹாளயபட்சத்தின் ஒவ்வொரு திதியிலும் தர்ப்பணம் கொடுப்பதன் பலன்களைத் தெரிந்துகொள்வோம்.

முதல்நாள் - பிரதமை: பணம் சேரும்

இரண்டாம் நாள் - துவிதியை: நல்ல குழந்தைகள் பிறப்பார்கள்.

மூன்றாம் நாள் - திரிதியை: நினைத்தது நிறைவேறும்.

நான்காம் நாள் - சதுர்த்தி: சத்ரு பயம் நீங்கும்.

ஐந்தாம் நாள் - பஞ்சமி: செல்வம் சேரும், நியாயமான சொத்துகள் கிடைக்கும். வீடு, நிலம் முதலான சொத்துகள் பெருகும்.

ஆறாம் நாள் - சஷ்டி: புகழும் கீர்த்தியும் உண்டாகும்.

ஏழாம் நாள் - சப்தமி: பதவி உயர்வுகளில் தடைகள் நீங்கும், உத்தியோகத்தில் உயர்வு உண்டாகும், தலைமைப் பதவி தேடி வரும்.

எட்டாம் நாள் - அஷ்டமி: அறிவாற்றல் கிடைக்கும்.

ஒன்பதாம் நாள் - நவமி: திருமணத் தடை நீங்கும். குடும்ப ஒற்றுமை சிறப்படையும்.

பத்தாம் நாள் - தசமி: நீண்டநாள் ஆசைகள் நிறைவேறும், விருப்பங்கள் பூர்த்தியாகும்.

பதினோராம் நாள் - ஏகாதசி: படிப்பு, விளையாட்டு மற்றும் கலையில் வளர்ச்சி உண்டாகும்.

பன்னிரண்டாம் நாள் - துவாதசி: விலையுயர்ந்த ஆடை-ஆபரணச் சேர்க்கை உண்டாகும்.

பதிமூன்றாம் நாள் - திரயோதசி: பசுக்கள், விவசாய அபிவிருத்தி, தீர்க்காயுள், ஆரோக்கியம், நல்ல வேலை - தொழில் அமையும்.

பதினான்காம் நாள் - சதுர்த்தசி: ஆயுள் விருத்தியாகும், பாவம் நீங்கும், எதிர்கால தலைமுறைக்கு நன்மை கிடைக்கும்.

பதினைந்தாம் நாள் - மஹாளய அமாவாசை: முன்னோர் ஆசியால் மேற்சொன்ன அனைத்து பலன்களும் ஸித்திக்கும்.

மஹாளய பட்ச நாள்களில் கடைப்பிடிக்க வேண்டியவை

தினமும் குளித்து சுத்தமாக இருக்கவேண்டும். தாம்பத்தியம் வைத்துக்கொள்ளக் கூடாது. சைவ உணவை மட்டும் சாப்பிட வேண்டும். உணவில் பூண்டு, வெங்காயம், சேர்ப்பதைத் தவிர்க்க வேண்டும்.

இந்தக் காலத்தில் நம் முன்னோர்கள் நம்முடன் வசிப்பதால் கேளிக்கை நிகழ்வுகளைத் தவிர்க்க வேண்டும். நம் முன்னோர்களை வழிபட்ட பின்னரே, பூஜைகளைச் செய்ய வேண்டும். தினமும் தர்ப்பணம் செய்த பின்னர், வீட்டில் விளக்கேற்றி வழிபட்டுவிட்டு அன்றாட பணிகளைத் தொடங்க வேண்டும்.

பித்ரு தோஷம் நீங்கும்

சுய ஜாதகத்தில் சூரியன் அல்லது சந்திரன் ராகு கேதுகளுக்குடன் எந்த இடத்தில் சேர்ந்திருந்தாலும் அது பித்ரு தோஷமாகும். ஜாதகத்தில் ராகு - கேது 1, 5, 7, 9 இடங்களில் இருந்தாலும் அது பித்ரு தோஷம் ஆகும்.

அதேபோல், ராகுவுடன் சூரியனும் சனியும் சிம்மத்தில் சேர்ந்திருந்தால் மூன்று தலைமுறைக்குப் பித்ரு தோஷம் இருப்பதாக அர்த்தமாகும். ஒருவரின் ஜாதகத்தில் கிரகநிலைகள் யோக நிலையில் இருந்தாலும் அந்தப் பலனை இவர்கள் அடைய முடியாமல் போவதற்கு பித்ருக்களின் அதிருப்தியே காரணமாகும்.

இங்ஙனம் பித்ரு தோஷம் அல்லது பித்ருக்களின் அதிருப்தியால் வாழ்வில் முன்னேற்றத் தடை ஏற்பட்டு வருந்துவோர், மிகப் புண்ணியம் வாய்ந்த மஹாளய காலத்தில் குறிப்பாக மஹாளய அமாவாசை தினத்தில், உரிய முறைப்படி தர்ப்பணம் செய்து முன்னோர்களை ஆராதித்து வழிபடவேண்டும். இதனால் பித்ருக்கள் மகிழ்ந்து ஆசீர்வதிப்பார்கள். அதன் மூலம் நம் பிரச்னைகளும் தடைகளும் நீங்கி வாழ்வில் வளம் காணலாம்.

மஹாளய அமாவாசை தினத்தில் தர்ப்பணம் செய்வதோடு, ஏழை எளியவர்களுக்குத் தானம் அளிப்பதும் சிறப்பாகும். அதேபோல் பசுக்களுக்கும் உணவிட வேண்டும்.

மஹாளய அமாவாசைக்குத் தனிச்சிறப்பு ஒன்று உண்டு. அன்றைய தினத்தில், தாய்வழி மற்றும் தந்தைவழி முன்னோருக்கு மட்டுமின்றி, சந்ததி இல்லாமல் ஆதரவின்றி மறைந்துபோன உறவினர்கள், பங்காளிகள், நண்பர்கள் மற்றும் ஏனைய அனைவருக்கும் இன்றைய தினத்தில் தர்ப்பணம் கொடுக்கலாம்.

பொதுவாக தர்ப்பணம் முடிந்ததும் நிறைவாக, ‘ஏஷாம் ந மாதா ந பிதா... குசோதகை:’ என்று மந்திரம் சொல்லச் சொல்வார்கள். ‘எவரொருவருக்குத் தாயில்லையோ, தந்தையில்லையோ, பங்காளிகள் இல்லையோ, நண்பர்கள் இல்லையோ... இதுபோன்று யாருமே இல்லாதவர்களுக்கு, நான் அளிக்கும் இந்த எள்ளும் தண்ணீருமானது திருப்தியை அளிக்கட்டும்’ எனும் கருத்துடைய மந்திரம் அது.

ஆம், ஜாதி-மத பேதமற்று உலகின் அனைத்து ஜீவராசிகளும் நன்மை அடையவேண்டும் எனப் பிரார்த்தனை செய்யச் சொல்கிறது நமது சாஸ்திரம். நாமும் அவ்வாறே கடைப்பிடித்து நலம் பெறலாம்!