Published:Updated:

நரம்பு நோய்கள் தீர்க்கும் பேரம்பாக்கம் சோழீஸ்வரர்!

பேரம்பாக்கம் சோழீஸ்வரர்
பிரீமியம் ஸ்டோரி
பேரம்பாக்கம் சோழீஸ்வரர்

நரம்பு சம்பந்தமான நோய்களைத் தீர்க்கும் தலம் அது. அங்கு இருக்கும் ஈசனுக்கு ‘சோழீஸ்வரர்’ என்று பெயர்.

நரம்பு நோய்கள் தீர்க்கும் பேரம்பாக்கம் சோழீஸ்வரர்!

நரம்பு சம்பந்தமான நோய்களைத் தீர்க்கும் தலம் அது. அங்கு இருக்கும் ஈசனுக்கு ‘சோழீஸ்வரர்’ என்று பெயர்.

Published:Updated:
பேரம்பாக்கம் சோழீஸ்வரர்
பிரீமியம் ஸ்டோரி
பேரம்பாக்கம் சோழீஸ்வரர்
ட இந்தியாவில் வசிக்கும் நண்பரிடமிருந்து போன் வந்தது.

“நாளை ஏழாவது திங்கள்கிழமை. பேரம்பாக்கம் சோழீஸ்வரருக்கு மகா அபிஷேகம் செய்ய வேண்டிய நாள். நன்றாக நினைவிருக்கிறது. போதுமா... நீ கவலைப்படவேண்டியதே இல்லை. அபிஷேகம் முடித்து பிரசாதம் அனுப்பிவைக்கிறேன். நீ உன் உடம்பைப் பார்த்துக்கொள்” என்று சொல்லி போனை வைத்தேன்.

நரம்பு நோய்கள் தீர்க்கும் பேரம்பாக்கம் சோழீஸ்வரர்!

நண்பர் போனை வைத்த பின்பும் அவரைப் பற்றியே நினைத்துக் கொண்டிருந்தது மனம். நாற்பதுக்குள் வயது. நல்ல வேலை. நல்ல மனைவி, குழந்தைகள். அனைவருக்கும் உதவும் நல்ல மனம். மிகவும் சாந்தமாக சந்தோஷமாகச் சென்றுகொண்டிருந்த அவரின் வாழ்க்கைப் பயணத்தில் புயல்போல வந்துவிட்டது அந்த நோய்.

நரம்பு சம்பந்தமான அந்த நோய் பரபரப்பாக இயங்கிக்கொண்டிருந் தவனை சக்கர நாற்காலியில் அமரவைத்து விட்டது. அவனின் அன்றாடம் வலிகளால் நிரம்பிவிட்டது. தொலைபேசியில் கேட்ட போதே மனது வலித்தது என்றால், உடனிருக்கும் மனைவி குழந்தை களுக்கு அவன் நிலை எவ்வளவு துயரத்தைக் கொடுத்திருக்கும்...

நரம்பு நோய்கள் தீர்க்கும் பேரம்பாக்கம் சோழீஸ்வரர்!

மருத்துவர்கள், இது மிகவும் தாமதமாகவே குணமாகும். மருந்து மாத்திரைகளில் சரியாகவில்லை என்றால் அறுவை சிகிச்சை செய்யலாம் என முடிவு செய்திருக்கிறார்கள் என்று அவன் சொன்னபோதுதான் எனக்குப் பேரம்பாக்கம் சோழீஸ்வரர் ஆலயம் பற்றிய நினைவு வந்தது.

நரம்பு சம்பந்தமான நோய்களைத் தீர்க்கும் தலம் அது. அங்கு இருக்கும் ஈசனுக்கு ‘சோழீஸ்வரர்’ என்று பெயர். குலோத்துங்க சோழீஸ்வரமுடைய மகாதேவர் என்னும் திருநாமமே சுருங்கி சோழீஸ்வரராகிவிட்டது.

நரம்பு நோய்கள் தீர்க்கும் பேரம்பாக்கம் சோழீஸ்வரர்!

கிழக்கு நோக்கி லிங்க ரூபமாய் எழுந்தருளி யிருக்கும் ஈசனுக்கு அபிஷேகம் செய்யும்போது அவரின் திருமேனியில் நரம்பு மண்டலம் ஓடுவதைப் போன்ற அமைப்பைக் காண முடியும். அதனால்தானோ என்னவோ இந்த ஈசனை வேண்டிக்கொண்டால் நரம்பு சம்பந்தமான பிரச்னைகள் தீர்கின்றன என்கிறது தலவரலாறு.

விஜயநகர சாம்ராஜ்ய அதிகாரி ஒருவரின் பணியாளர் வப்பலூர் ரேவச்சி ராவுத்தர். அவருக்குத் திடீரென நரம்பு சம்பந்தமான நோய் ஒன்று தாக்கியது. நிறைய செலவு செய்தும் பல வைத்தியங்கள் முயற்சி செய்தும் நோய் குணமடையவில்லை. அப்போதுதான் அடியார் ஒருவர் இந்த ஆலயம் குறித்து அவருக்குச் சொன்னார். ‘ஈசனை வணங் கினால் நோய் தீருமென்றால் நிச்சயம் வணங்குகிறேன்’ என்று பேரம்பாக்கம் ஆலயம் வந்து சோழீஸ்வரரை வணங்கினார்.

நரம்பு நோய்கள் தீர்க்கும் பேரம்பாக்கம் சோழீஸ்வரர்!

தரிசனம் செய்தாலே மனம் இறங்கும் தயாளன் வேண்டிக் கொண்டால் விட்டு விடுவாரா என்ன... சோழீஸ்வரரை வணங்கி வேண்டிக்கொண்ட சில நாள்களிலேயே அந்த நோயிலிருந்து முற்றிலும் குணமடைந்தார். இத்தல இறைவனின் மகிமைகளை உணர்ந்தவ ராகி அந்த ஆலயத்துக்கு நிறைய நிவந்தங்கள் வழங்கினார். இந்தச் செய்தி ஆலயத்தில் உள்ள கல்வெட்டிலேயே காணப்படுகிறது.

நரம்பு நோய்கள் தீர்க்கும் பேரம்பாக்கம் சோழீஸ்வரர்!

இந்த ஊருக்கு ‘இரட்டைப்பாடி கொண்ட சோழநல்லூர்’ என்று பெயர். இந்தப் பெயரே கல்வெட்டுகளில் காணப்படுகிறது. இந்த ஆலயத்தைக் குலோத்துங்கச் சோழன் 1112 - ம் ஆண்டு கட்டினான். அநேக நிவந்தங்களைச் சோழ மன்னன் அளித்த தகவல்களும் கல்வெட்டுகளில் காணப்படுகின்றன.

சோழ மன்னர்களின் போர்ப்படைத் தளபதிகள் பலரும் இந்த ஆலயத்துக்கு வந்து வணங்கி நிவந்தங்கள் அளித்துள்ளனர். 1947-ம் ஆண்டு இந்த ஆலயத்தில் காணப்பட்ட 14 கல்வெட்டுகளைக் கண்டு, படியெடுத்துப் பாதுகாத்துள்ளது இந்திய தொல்பொருள் ஆராய்ச்சித் துறை.

நரம்பு நோய்கள் தீர்க்கும் பேரம்பாக்கம் சோழீஸ்வரர்!

இவ்வளவு சிறப்புகளை உடைய இந்த ஆலயத்தில் அன்னை காமாட்சியாக அருள் பாலிக்கிறாள். தெற்கு நோக்கிய சந்நிதியில் அருள்பாலிக்கும் இந்த அன்னை, கூப்பிட்ட குரலுக்கு ஓடிவந்து அருள்பவளாம். அன்னை யிடம் மனமுருக வேண்டிக்கொண்டவர் களுக்கு அருள அன்னை ஓடிவரும்போது, அன்னையின் கால் கொலுசுகள் ஒலிக்குமாம்!

அவ்வாறு அன்னையின் கொலுசொலி கேட்டவர்கள் அநேகர் என்கிறார்கள் பக்தர்கள். இந்தத் தகவல் ஆலயத்தின் தல புராணத்திலும் குறிப்பிடப்பட்டுள்ளது. அவ்வாறு அன்னையை வேண்டி நலம் பெற்றவர்கள் அன்னைக்குக் கொலுசு சமர்ப்பித்து வணங்குவார்கள். திருப்பாதங்களில் கொலுசை அணிவிக்க ஏதுவாக அன்னையின் திருமேனி அமைந்துள்ளது சிறப்பாகும்.

நரம்பு நோய்கள் தீர்க்கும் பேரம்பாக்கம் சோழீஸ்வரர்!

ஆலயத்தின் உள் நுழைந்ததும் நம்மை வரவேற்கும் கொடிமரம் 50 ஆண்டுகளுக்கு முன்பு பிரதிஷ்டை செய்யப்பட்டது. அதை உருவாக்கித் தந்த பக்தரும் நரம்புத் தளர்ச்சி நோயால் பாதிக்கப்பட்டு ஈசனின் கருணையால் குணம் பெற்றவர்தான். இவ்வாறு இந்த இறைவனை நாடி குணம்பெற்ற பக்தர்களின் எண்ணிக்கை கணக்கிலடங்காது. அதற்கு ஒவ்வொரு திங்கள் கிழமையும் இங்கு கூடும் பக்தர்கள் கூட்டமே சான்று.

இங்கு பிராகாரத்தில் சக்திகணபதி, வள்ளி தெய்வ சேனா சமேத முருகப்பெருமான், துர்கை, ஐயப்பன், நாகர்கள் ஆகிய தெய்வங்களும் அருள்பாலிக்கின்றனர்.

நரம்பு நோய்கள் தீர்க்கும் பேரம்பாக்கம் சோழீஸ்வரர்!

இந்தத் தலத்தின் மற்றொமொரு விசேஷம் ஆறுத் திருநாள். பொங்கல் பண்டிகையை ஒட்டி போகி, சூரியப் பொங்கல், மாட்டுப்பொங்கல், காணும் பொங்கல், ஐந்தாம் நாள் வெறும் நாள், ஆறாம் நாள் ஆறுத் திருநாள் என்று கொண்டாடும் வழக்கம் தமிழக கிராமங்களில் உண்டு. இந்த ஆறுத் திருநாள் என்பது, மக்கள் தங்களின் விவசாயத்துக்கு உதவிய நீர் நிலை களுக்குச் சென்று அவற்றை வழிபடும் திருநாள். அவ்வாறு செய்வதன் மூலம் நீர் தேவதை மகிழ்ந்து வாழ்த்து வாள். அதனால் வரும் ஆண்டுகளிலும் விவசாயம் செழிக்கும் என்பது நம்பிக்கை. பேரம்பாக்கத்தில் இந்த ஆறுத் திருநாள் பெரும் திருவிழாவாக விசேஷமாகக் கொண்டாடப்பட்ட செய்தி களைக் கூவபுராணம் முதலிய நூல்கள் தெரிவிக்கின்றன.

இந்த ஆலயத்தின் தீர்த்தம் கூவம் நதி. ஆறுத் திருநாள் தினத் தன்று இந்தத் தலத்தைச் சுற்றியிருக்கும் கூவம், இலம்பயங்கோட்டூர், நரசிங்கபுரம், தக்கோலம், திருவாலங்காடு, திருப்பாசூர், சித்தம் பாக்கம், சிறுமணவை, கோட்டூர் ஆகிய 9 தலங்களில் உள்ள சிவாலயங்களிலிருந்து உற்சவ மூர்த்திகளை இங்கு நதிக்கரைக்குக் கொண்டுவந்து உற்சவங்கள் கொண்டாடுவார்கள்.

நரம்பு நோய்கள் தீர்க்கும் பேரம்பாக்கம் சோழீஸ்வரர்!

நண்பர் தன் நோய் பற்றிக் கூறியதும் நினைவில் தோன்றியதும் அந்த ஈசனின் கருணைதான். உடனே அவருக்குச் சொன்னேன். அவரால் உடனடியாக வரமுடியாத நிலை. அதனால் என்ன... ‘உன் சார்பாக நான் செல்கிறேன்’ என்று சொன்னேன். ஆறு வாரங்களாகத் திங்கள்கிழமைகளில் சென்று சுவாமிக்கு அர்ச்சனை செய்து வழிபாடுகள் செய்து முடித்தாயிற்று.

சோழீஸ்வரரின் கருணையால் நண்பர் கொஞ்சம் கொஞ்சமாக உடல் நலம் தேறுகிறார். தன்னால் மெள்ள மெள்ள முயன்று எழுந்துகொள்ள முடிகிறது என்றும் தன் வேலையைத் தானே பார்த்துக்கொள்கிறேன் என்றும் சொன்னது சிலிர்ப்பூட்டியது.

தவறாமல் சென்று ஏழாம் திங்கள்கிழமை சுவாமிக்கு அபிஷேக ஆராதனைகள் செய்ய வேண்டும் என்று நினைத்துக் கொண்டிருந்த போதுதான் அவரின் நினைவூட்டல் அழைப்பு வந்தது. அவரிடம் சொன்னபடியே திங்கள்கிழமை சென்று சோழீஸ்வரரை தரிசித்து வேண்டுதல்களை நிறைவேற்றினேன்.

கோயிலில் பணியாற்றும் அர்ச்சகர் ராஜாவோடு பேசினோம்.

“இந்த சுவாமிக்கு சோமநாத சோழீஸ்வரர் என்று பெயர். நரம்பு நோயால் பாதிக்கப்பட்டவர்கள் ஆறு வாரங்கள் திங்கள் கிழமைகளில் வந்து அர்ச்சனை செய்ய வேண்டும். பால், விபூதி ஆகியவற்றை பக்தர்கள் கொண்டுவர வேண்டும். அந்த விபூதி யையும் வில்வப் பொடியையும் அபிஷேகம் செய்து பிரசாதமாகத் தருவோம். விபூதியை இரவு உறங்குவதற்கு முன்பாக எங்கு வலியோ அங்கு நன்கு தடவிக்கொள்ள வேண்டும்.

காலையில் குளித்து முடித்து இந்த சுவாமியின் திருநாமத்தை 108 முறை சொல்லவேண்டும். பிறகு விபூதி, வில்வப்பொடி ஆகியவற்றில் ஒரு ஸ்பூன் எடுத்து ஒரு டம்ளர் தண்ணீரில் கலந்து பருக வேண்டும். இவ்வாறு பருகி வந்தால் கொஞ்சம் கொஞ்சமாக நோயிலிருந்து குணம் கிடைக்கும் என்பது நம்பிக்கை. ஏழாவது திங்கள் கிழமை வந்து மகாஅபிஷேகம் செய்து பரிகாரத்தைப் பூர்த்தி செய்ய வேண்டும்” என்றார்.

பிறவிப் பிணி தீர்க்கும் வைத்தியநாதன் அல்லவா ஈசன்! அவரின் கடைக்கண் பார்வை பட்டால் தீராத நோய் என்று ஒன்று உள்ளதா என்ன? அபிஷேகப் பிரசாதத்தை நண்பருக்கு அனுப்பிவைந்தேன். விரைவில் அவர் பூரண குணம் அடைவார் என்கிற நம்பிக்கை அப்போதே மனத்தில் உண்டானது!

எப்படிச் செல்வது?

சென்னையிலிருந்து 60 கி.மீ தொலைவிலும் திருவள்ளூரிலிருந்து 18 கி.மீ தொலைவிலும் உள்ளது பேரம்பாக்கம். சென்னையிலிருந்து மின்சார ரயிலில் செல்பவர்கள், கடம்பத்தூர் நிலையத்தில் இறங்க வேண்டும்.