Published:Updated:

கேள்வி - பதில்: அம்பிகையின் அவதாரங்களா... தசமஹா தேவியர்?

தசமஹா தேவியர்
பிரீமியம் ஸ்டோரி
தசமஹா தேவியர்

சாஸ்திரங்கள் பல வழிமுறைகளை நமக்கு அளித்திருக்கின்றன. அம்பிகை வழிபாட்டில், தசமஹா வித்யா தேவியருக்கான வழிபாடு குறிப்பிடத்தக்கது.

கேள்வி - பதில்: அம்பிகையின் அவதாரங்களா... தசமஹா தேவியர்?

சாஸ்திரங்கள் பல வழிமுறைகளை நமக்கு அளித்திருக்கின்றன. அம்பிகை வழிபாட்டில், தசமஹா வித்யா தேவியருக்கான வழிபாடு குறிப்பிடத்தக்கது.

Published:Updated:
தசமஹா தேவியர்
பிரீமியம் ஸ்டோரி
தசமஹா தேவியர்

? சப்த மாதர்கள், அஷ்ட காளிகள் குறித்த தகவல்களை அறிவோம். அதேபோல் `தசமஹா தேவியர்’ உண்டு என்று நண்பர் கூறினார். புராணங்கள் போற்றும் அந்த பத்து தேவியரில் தாரா தேவியை வழிபடுவது விசேஷம் என்றும் பகிர்ந்துகொண்டார். தசமஹா தேவியர் அம்பிகையின் அவதாரங்களா, தாராதேவி வழிபாட்டின் சிறப்புகள் என்ன?

- எல். மகாதேவன், குளக்குடி

`எந்த தேவியானவள், இந்த பிரபஞ்சத்தில் உள்ள அனைத்து ஜீவராசிகளிலும் தாய்மை உணர்வோடு விளங்குகிறாளோ, அந்த தேவிக்கு நமஸ்காரங்கள்’ என்று அம்பாளைப் போற்றுகிறோம்.

ஆம். எல்லாம்வல்ல தேவி, தானே இவ்வுலகத்தின் அன்னையாக இருந்து நம்மைக் காப்பாற்றி வருகின்றாள். லலிதா ஸஹஸ்ர நாமம் ‘ஸ்ரீமாதா’ என்று அம்பிகையைத் தாயாகவே வர்ணிக்கிறது. ஒரு தாய் எப்படி தன் குழந்தையின் மீது கருணையுடன் திகழ்வாளோ, அப்படியே உலக மாதாவான ஆதிபராசக்தியும் நம்மீது கருணையுள்ளம் கொண்டவளாக விளங்குகின்றாள்.

அவளின் அருளைப் பெற, சாஸ்திரங்கள் பல வழிமுறைகளை நமக்கு அளித்திருக்கின்றன. அம்பிகை வழிபாட்டில், தசமஹா வித்யா தேவியருக்கான வழிபாடு குறிப்பிடத்தக்கது. தசமஹா தேவியருக்கான வழிபாட்டு முறைகளை மிகத் தெளிவாக அளித்திருக்கின்றன சாஸ்திரங்கள்.

`தச’ என்றால் பத்து, `மஹா’ என்றால் பெரிய, `வித்யா’ என்றால் அறிவு. இங்கு `வித்யா’ என்பது, வெறும் அறிவை மட்டுமே குறிக்காமல், அறிவினால் அடையக்கூடிய பராசக்தியைக் குறிப்பதாக உள்ளது. ஆகவே, பத்துவிதமான சக்திகள் பற்றி அறியக் கூடியதாகத் திகழ்கிறது இந்த வழிபாடு.

ஸ்ரீகாளி, ஸ்ரீதாராதேவி, ஸ்ரீவித்யா, ஸ்ரீபுவனேஸ்வரி, ஸ்ரீதிரிபுர பைரவி, ஸ்ரீசின்னமஸ்தா, ஸ்ரீதூமாவதி, ஸ்ரீபகளாமுகி, ஸ்ரீராஜமாதங்கீ, ஸ்ரீகமலாத்மிகா ஆகிய பத்து தேவியரையுமே தசமஹா தேவியராகப் போற்றுவர்.

கேள்வி - பதில்: அம்பிகையின் அவதாரங்களா... தசமஹா தேவியர்?

ஒட்டுமொத்த விகடனுக்கும் ஒரே ஷார்ட்கட்!

இவர்களில்... ‘தாரா நாம மஹாசக்தி: வர்த்ததே தாரிணீச்வரீ’ என்ற வாக்கியத்தின்படி, ஸ்ரீதாராதேவி மகா சக்தி படைத்தவள். தசமஹா தேவியரில் இரண்டாவது சக்தி. வாழ்க்கையில் ஒற்றுமை வேண்டும் என்றால், இவளை வழிபடுவது அவசியம். சர்வ ஸித்திகளையும் அளிக்கவல்ல இந்த தாராதேவி, ராவணனை வதம் செய்ய ஸ்ரீராமனின் சக்தியாக விளங்கியவள். ஸ்ரீகாளி தேவியின் பல அம்சங்களை உடையவள்.

ஸ்ரீதாராதேவியை வழிபடுபவர் ஜீவன் முக்தனாக விளங்குவர். இடைவிடாது பொங்கி வரும் கவிதா சக்தியைப் பெறுவர். அனைத்து துறைகளிலும் தேர்ச்சி உடையவராவார்கள். அரசாங்கத்திலும், சபையிலும், விவாதத்திலும், அனைத்து காரியங்களிலும் வெற்றி பெறுவர். உக்கிரமான காலங்களில் பக்தர்களைக் காப்பதால் இவளை ‘உக்ர தாரா’ என்றும் வழிபடுகின்றனர்.

இவள் பிறப்பற்றவள். எனினும் பக்தர்களைக் காப்பதில் ‘காள ராத்ரி’ - அதாவது பிரளய காலத்தில் நான்கு சமுத்திரங்களும் பொங்கி எழ, அந்தச் சமயத்தில் தேவர்களைக் காக்க தோன்றுபவள் (காள ராத்ரி தினே ப்ராப்தே...கலா’).

சாக்த தந்த்ரங்கள் பதினோரு இரவுகளைக் கூறுகின்றன. அவை: காள ராத்ரி, வீர ராத்ரி, மோஹ ராத்ரி, மஹா ராத்ரி, க்ரோத ராத்ரி, கோர ராத்ரி, தாரா ராத்ரி, அபலா ராத்ரி, தாருணா ராத்ரி, சிவ ராத்ரி, திவ்ய ராத்ரி என்பனவாம்.

நரக சதுர்த்தசி தினத்தன்று தீபாவளி கொண்டாடுகிறோம். அன்று அமாவாசை சம்பந்தம் இருப்பின், அது காள ராத்ரி எனப் படும். இந்த நாள் தாரா தேவியை வழிபட மிகச் சிறந்த நாளாகும்.

அதேபோன்று செவ்வாய்க் கிழமையன்று அமாவாசை திதியும் சேர்ந்து கிரஹணமும் ஏற்பட்டால், அது தாரா தேவியின் அருளைப் பெற மிகச் சிறந்த நாளாகும்.

ஜைனர்கள் தாரா தேவியை ‘ப்ரபாவதீ’ அல்லது ‘பத்மாவதீ’ என்றும், பௌத்தர்கள் ‘தாரா’ என்றும், கௌலர்கள் ‘சக்ரா’ என்றும், சீனர்கள் ‘மஹோக்ரா’ என்றும் வழிபடுகின்றனர். வசிஷ்டர் போன்ற மஹரிஷிகளால் மிகச் சிறந்த முறையில் போற்றப்பெற்ற சக்தி இவள்.

தாரா, உக்ர தாரா, மஹோக்ர தாரா, வஜ்ரா தாரா, காளீ தாரா, ஸரஸ்வதீ தாரா, காமேச்வரீ தாரா, சாமுண்டா தாரா என மந்த்ர சாஸ்திரங்கள் இந்த தேவியைப் போற்றுகின்றன. ஆகவே, எல்லாம் வல்ல பராசக்தியை தாரா தேவியாக தியானித்து, வழிபட்டு எல்லை யில்லா வரம்பெறுவோம்.

`ஓம் தாராயை வித்மஹே உக்ர தாராயை தீமஹி தன்னோ தேவீ ப்ரசோதயாத்’ எனும் ஸ்ரீதாராதேவி காயத்ரீ மந்திரம் மற்றும் `ஓம் தாராயை நம:’ எனும் அவளின் மூலமந்திரத்தை ஜபித்து வணங்கி அந்த அன்னையை வழிபடலாம்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

? தற்காலச் சூழலில் விரதம் கடைப்பிடிப்பது குறைந்து விட்டது என்றே கருது கிறேன். வருங்கால சந்ததிக்கு எடுத்துரைக்கும் விதம் விரதங்களின் பயன்பாடுகளை விவரிக்க வேண்டுகிறேன்.

- சி.சாமிநாதன், முக்கூடல்

வேதங்களும் ஆகமங்களும் குறிப்பிடும் பரம்பொருளின் தன்மை அனைத்திலும் மேலானது. உலகுக்கெல்லாம் மூலகாரணமான அந்தப் பரம்பொருளை அடைவதற்கான வழிமுறைகளே பூஜைகளும் விரதங்களும். அவற்றால் ஏற்படும் பலன்கள், ஆன்மிக வழியில் நமக்கு முன்னேற்றத்தைத் தரும்.

கிடைக்கும் பலன்கள், அவரவர் கர்ம வினைகளுக்கு ஏற்ப மாறுபடும். சூரிய ஒளி ஒன்றாக இருந்தாலும், ஓரிடத்தில் ஈரத்தைக் காயவைக்கவும், மற்றோர் இடத்தில் மின்சாரம் தயாரிக்கவும் பயன்படும். இப்படிச் சொல்லிக்கொண்டே போகலாம். நாம் அறிய வேண்டியது என்னவெனில், நம் முன்னோர் கூறிய வழிமுறைகளின்படி, தற்காலத்தில் எவற்றையெல்லாம் கடைப்பிடிக்க முடியுமோ, அவற்றை முறைப்படி கடைப்பிடிக்கவேண்டும். நம்முடைய முன்னோர்கள் அடைந்த நல்வாழ்கை முறையை நாமும் அடைய முயற்சி செய்ய வேண்டும்.

பூஜைகள், விரதங்கள் போன்ற வற்றின் பலன்களை அனுபவித் தால்தான், அவற்றின் முக்கியத் துவத்தை நம்மால் உணர முடியும். பலமுறை கடுமையாக முயற்சி செய்தும் கிடைக்காத மன ஒருமைப் பாடு, பூஜைகளாலும் விரதங்களாலும் நமக்குக் கிடைக்கும். இந்த விரத முறைகள் நம் உடம்புக்கும் உள்ளத் துக்கும் பலம் கொடுக்கக் கூடிய அருமருந்துகள் ஆகும்.

? கிரகண வேளையில் குழந்தை பிறந்தால் கிரகண தோஷம் ஏற்படும் என்கிறார்களே... அதனால் பாதிப்புகள் உண்டாகுமா?

- எம். சங்கரி மனோகரன், திண்டிவனம்

சூரியனுக்கும் பூமிக்கும் இடையே நிலவு செல்லும்போது, சந்திரனின் பகுதி சூரியனைவிட பெரிதாகக் காட்சியளிக்கக்கூடிய அளவு பூமிக்கு அருகில் வரவேண்டும். அப்படி இருந்தால், அதுவே சூரிய கிரகணம். இது ஓர் அமாவாசை நாளன்றுதான் ஏற்படுகிறது.

இதனால், சூரியன் முழுவதுமோ அல்லது ஒரு பகுதியோ மறைக்கப்படும். புவியில், ஓர் ஆண்டில் இரண்டிலிருந்து ஐந்து வரையிலான சூரிய கிரகணங்கள் ஏற்படக் கூடும். ஒருமுறை முழு சூரிய கிரகணம் உண்டான அதே இடத்திலேயே, மீண்டும் அது தோன்ற ஏறத்தாழ 375 ஆண்டுகள் ஆகும். இது அறிவியல் பூர்வமானது. சாஸ்திரம் என்ன சொல்கிறது தெரியுமா?

சூரிய கிரகணம் ஏற்படும் அமாவாசை நாளில், சூரியன், சந்திரன், பூமி ஆகியவை ஒரே நேர்க்கோட்டில் இருக்கும்போது சூரிய கிரகணம் ஏற்படுகிறது. சூரியன்-சந்திரன் இரண்டிலிருந்தும் வெளிச்சம் வராமல், ராகு அல்லது கேது மறைப்பதையே `கிரகணம் என்று சாஸ்திரங்கள் கூறுகின்றன.

இந்தக் கிரகண நேரத்தில் பிறக்கும் குழந்தைகளுக்குக் கிரகண தோஷம் ஏற்படுகிறது என்பது பொதுவான ஜோதிடக் கணிப்பு. சூரியனின் ஒளி வீச்சு பூமி மீது பதியாமல் தடைப் படும்போது, இயற்கையில் சில மாற்றங்கள் தானாகவே நிகழ்ந்து விடுகின்றன. இதில், நல்லதைவிட கெடுதலான பாதிப்புகள் அதிகம்.

கிரகணம் நிகழும்போது, கர்ப்பிணிகள் அதிகம் பாதிக்கப் படுவார்கள். வீட்டை விட்டு வெளியே வராமல் இருப்பதே அவர்களுக்கு நல்லது. அப்படியே வெளியே வந்தால், கர்ப்பத்தில் இருக்கும் குழந்தையைப் பாதிக்கக் கூடிய சில கதிர் வீச்சுகள் தாக்கவும் வாய்ப்பு உண்டு.

கிரகணத்திலிருந்து தப்பிக்க சாஸ்திரங்கள் சில தற்காலிக ஆலோசனைகளை வழங்கி யுள்ளன. அதன்படி, புண்ணிய நதிகளில் ஸ்நானம் செய்யலாம், தானங்கள் வழங்கலாம், முன்னோர்கள் குறித்து தர்ப்பணம் செய்யலாம் அல்லது வீட்டில் அமர்ந்து தெய்வச் சிந்தையுடன் வழிபடலாம். கிரணகத்துக்கு முன்பும் பின்பும் வீட்டைக் கழுவிவிட்டு நாமும் குளிக்க வேண்டும்.

- பதில்கள் தொடரும்...

வாசகர்களே... ஆன்மிகம் தொடர்பான அனைத்துக் கேள்விகளுக்கும் பதில் தருகிறார்,

சென்னை `காளிகாம்பாள் கோயில்' சிவஸ்ரீசண்முக சிவாசார்யர்.

கேள்விகள் அனுப்பவேண்டிய முகவரி: கேள்வி-பதில், சக்தி விகடன் 757, அண்ணாசாலை, சென்னை-600 002