Published:Updated:

காமதேனுவின் கண்ணீர் ஏன்?

காமதேனு
பிரீமியம் ஸ்டோரி
காமதேனு

கண்களில் நீர் வழிய நின்றிருந்த காமதேனு, ‘`பூலோகத்தில் வாழும் என் ஒரு பிள்ளையை எண்ணி வருந்திக் கொண்டிருக்கிறேன்.

காமதேனுவின் கண்ணீர் ஏன்?

கண்களில் நீர் வழிய நின்றிருந்த காமதேனு, ‘`பூலோகத்தில் வாழும் என் ஒரு பிள்ளையை எண்ணி வருந்திக் கொண்டிருக்கிறேன்.

Published:Updated:
காமதேனு
பிரீமியம் ஸ்டோரி
காமதேனு

திருதராஷ்டிரன், தன் மனக் குறையை வியாசரிடம் சொல்லிப் புலம்பினான் ‘`பகவானே! சூதாட்டத்தால் எவ்வளவு தீமைகள் விளைந்து விட்டன... துரியோதனன் அறிவற்றவன் என்பது தெரிந்திருந்தும் புத்திர பாசத்தின் காரணமாக, என்னால் அவனைவிட முடியவில்லை!’’

அவனை அமைதிப்படுத்தி, ஆறுதல் கூறும் விதமாக வியாசர் பேசத் தொடங்கினார். ‘`திருதராஷ்டிரா, நீ சொல்வது உண்மையே! ஒரு முறை, பசுக்களின் தாயான காமதேனு அழுது கொண்டிருந்தது. இதைப் பார்த்து இரக்கம் கொண்ட இந்திரன், ‘மங்கலகரமானவளே! ஏன் அழுகிறாய்? தேவதைகள், மனிதர்கள், பசுக்கள் ஆகியோர் நலமாகத்தானே உள்ளனர்... ஏன் அழுகிறாய்?’ என்று கேட்டான்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

கண்களில் நீர் வழிய நின்றிருந்த காமதேனு, ‘`பூலோகத்தில் வாழும் என் ஒரு பிள்ளையை எண்ணி வருந்திக் கொண்டிருக்கிறேன். பலம் இல்லாத என் குழந்தையை தார்க்குச்சியால் குத்துகின்றனர். கலப்பையில் கட்டி அடிக்கின்றனர். இத்தனை வேதனைகளால் தளர்ச்சியுற்று கிடக்கும் என் பிள்ளையைப் பார்த்துதான் வேதனை எனக்கு. பலம், பிராணன் எல்லாம் குறைந்து, இளைத்து, நரம்பெல்லாம் வெளியே தெரியும்படி இருக்கும் என் பிள்ளை படாதபாடு பட்டு பாரத்தைச் சுமக்கிறது. இதை எண்ணியே வருந்துகிறேன்’’ என்றது. இந்திரன் விடவில்லை. ‘`காமதேனுவே! உனக்கு ஆயிரக்கணக்கான பிள்ளைகள். இருந்தும், இந்த ஒரு பிள்ளை கஷ்டப்படுகிறான் என்று இப்படி அழுகிறாயே?’’ என்றான்.

காமதேனு
காமதேனு

‘`தேவேந்திரா! எல்லா பிள்ளைகளும் எனக்குச் சமமானவர்கள்தான். இருப்பினும் கஷ்டப்படும் பிள்ளையின் மீதே இரக்கம் அதிகமாக உண்டாகிறது’’ என்று பதில் அளித்தது காமதேனு. இதைக்கேட்டு, ஆச்சர்யப்பட்ட தேவேந்திரன், ‘உடனே பெரும் மழையைப் பெய்வித்தான். மழையால் பணிகள் நின்றன; மாட்டுக்கு விடுதலையும் ஓய்வும் கிடைத்தது. காமதேனுவின் துயரமும் தீர்ந்தது!''

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

- கதையைக் கூறி முடித்த வியாசர், ‘`திருதராஷ்டிரா! உன் பிள்ளைகளிடமும் உன் தம்பி பாண்டுவின் பிள்ளைகளிடமும் நீ பொதுவாக அன்பு செலுத்தினாலும், கஷ்டப்படும் பாண்டவர்களிடமே நீ அதிக அளவு அன்பு செலுத்த வேண்டும்!’’ என்றார்.

- பி.சந்த்ரமௌலி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism