Published:Updated:

மகான்களால் என்ன பயன்!

ஶ்ரீராமகிருஷ்ண பரமஹம்ஸர்
பிரீமியம் ஸ்டோரி
ஶ்ரீராமகிருஷ்ண பரமஹம்ஸர்

நமது துன்பங்களின் தீவிரத்தைக் குறைக்கிறது. இதுதான் அவர்கள் இந்த மனிதகுலத்துக்குச் செய்யும் மிகப்பெரிய உபகாரம்.

மகான்களால் என்ன பயன்!

நமது துன்பங்களின் தீவிரத்தைக் குறைக்கிறது. இதுதான் அவர்கள் இந்த மனிதகுலத்துக்குச் செய்யும் மிகப்பெரிய உபகாரம்.

Published:Updated:
ஶ்ரீராமகிருஷ்ண பரமஹம்ஸர்
பிரீமியம் ஸ்டோரி
ஶ்ரீராமகிருஷ்ண பரமஹம்ஸர்

சித்த புருஷர்களும் மகான்களும் ஞானிகளும் நம்மிடையே உலவுகிறார்கள் எனில், அவர்களுக்கு அளவற்ற ஆற்றல் உள்ளது எனில், ஏன் அவர்கள் நமது துன்பங்களைத் துடைக்க முயலுவதில்லை? ஏன் அவர்கள் நமது நோய்களைத் தீர்ப்பதில்லை? சித்த புருஷர் என்பதெல்லாம் கட்டுக்கதைகள் என்று கூறுபவர்களுக்கு, ஶ்ரீராமகிருஷ்ண பரமஹம்ஸரின் பதில் இதுதான்.

ஒருமுறை சுவாமி விவேகானந்தரும் ஶ்ரீராமகிருஷ்ண பரமஹம்ஸரும் கங்கை நதிக்கரையில் நடந்துவந்து கொண்டிருந்தபோது ஒரு நோய்வாய்ப்பட்ட பெண்ணைப் பார்த்தனர். அவள் உடல் முழுவதும் நிறைந்திருந்த புண்களும் அப்புண்களிலிருந்து வடிந்த நீரின் துர்நாற்றமும் அவளை யாரும் நெருங்கவிடாமல் செய்திருந்தன. அவளைக் கடந்து சென்ற ஶ்ரீராமகிருஷ்ண பரமஹம்ஸரை நிறுத்தி, சுவாமி விவேகானந்தர் அவருக்கு உதவுமாறு கோரிக்கை விடுத்தார். அதற்கு ஶ்ரீராமகிருஷ்ண பரமஹம்ஸர், “அவர் ஆசைப்பட்டபடிதான் எல்லாம் நடந்து கொண்டிருக்கிறது. நான் என்ன செய்ய முடியும்.” என்று கூறினார்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

சுவாமி விவேகானந்தருக்கு ஒன்றும் புரியவில்லை. “யாராவது தனக்கு இப்படி ஒரு நிலை வர வேண்டும் என்று விரும்புவார்களா!" என்று வினவுகிறார். அதற்கு ஶ்ரீராமகிருஷ்ண பரமஹம்ஸர், அந்தப் பெண்ணின் முற்பிறவி வாழ்க்கையைப் பற்றி சுவாமி விவேகானந்தருக்குக் கூறுகிறார். கடந்துபோன வாழ்க்கையில், அந்தப் பெண் மிகவும் பணக்காரியாக இருந்ததாகவும், அந்தப் பணத்தை யாருக்கும் செலவழிக்க மனமில்லாமல், யாரும் தன்னை நெருங்கி தன்னிடம் வந்துவிடாதபடி பார்த்துக்கொள்ள மெனக்கெட்டதாகவும் கூறினார். மேலும், அவள்தான் தன்னிடம் யாருமே வரக் கூடாது என்று ஆசைப்பட்டாள். அதன்படியே இப்போது யாருமே அவளருகேகூட செல்லமுடியாத நிலை ஏற்பட்டுள்ளது எனவும் கூறினார்.

ஶ்ரீராமகிருஷ்ண பரமஹம்ஸர்
ஶ்ரீராமகிருஷ்ண பரமஹம்ஸர்

இதைப்படிக்கும்போது எல்லோருக்கும் ஒரு சந்தேகம் வரும். மகான்கள் யாருடைய கர்மச்சுழலையும் நிறுத்திவிட விரும்ப மாட்டார்கள், அப்படி குறுக்கிடவும் கூடாது என்பதுதான் இயற்கையின் நியதி. அப்படியானால் மகான்களால் யாருக்கு என்ன பயன்? மகான்கள் நம்மிடையே உலவும்போது அவர்களின் ஆன்மிக ஒளி நம்மீதுபடுகிறது. நமக்கு நல்வழியைக் காட்டுகிறது. அவர்களிடமிருந்து உருவாகும் ஆன்மிக அலைகளும், நல்லெண்ணக் கதிர்களும் நம்மீதுபட்டு, நம்மையும் நம் சூழ்நிலையையும் வளமாக்குகிறது. அவர்களின் சத்தியவாக்கு நல்லதொரு தாக்கத்தை ஏந்படுத்துகிறது. நமது துன்பங்களின் தீவிரத்தைக் குறைக்கிறது. இதுதான் அவர்கள் இந்த மனிதகுலத்துக்குச் செய்யும் மிகப்பெரிய உபகாரம்.

- உமா மகேஸ்வரி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism