Published:Updated:

லட்ச தீபம் ஏற்றியவர்!

மகா பெரியவா
பிரீமியம் ஸ்டோரி
மகா பெரியவா

ஒருமுறை தரிசனத்துக்காக வந்த பக்தர் ஒருவர் அரிசிக் குருணையையும், வெல்லத்தையும் மகானுக்குச் சமர்ப்பித்துவிட்டுச் சென்று விட்டார்.

லட்ச தீபம் ஏற்றியவர்!

ஒருமுறை தரிசனத்துக்காக வந்த பக்தர் ஒருவர் அரிசிக் குருணையையும், வெல்லத்தையும் மகானுக்குச் சமர்ப்பித்துவிட்டுச் சென்று விட்டார்.

Published:Updated:
மகா பெரியவா
பிரீமியம் ஸ்டோரி
மகா பெரியவா

கா பெரியவா குடி கொள்ளும் இடத்தைச் சுத்தம் செய்து கோலம் போடுவதும், விளக்கேற்றுவதும் தனக்குக் கிட்டிய பெரும் பாக்கியமாகக் கருதி சிரத்தையாகச் செய்து கொண்டிருந்தார் அந்த மூதாட்டி. இரண்டு புடவைகளுக்கு மேல் அவரிடம் பொருள் எதுவுமில்லை.

ஒருமுறை தரிசனத்துக்காக வந்த பக்தர் ஒருவர் அரிசிக் குருணையையும், வெல்லத்தையும் மகானுக்குச் சமர்ப்பித்துவிட்டுச் சென்று விட்டார். பொருளைப் பயனுள்ள வகையில் விநியோகம் செய்ய வேண்டுமே? மூதாட்டிக்கு உத்தரவாயிற்று.

“இந்தக் குருணையை எடுத்துண்டு போய் காஞ்சிபுரத்துல உன் கண்ல படற எல்லா எறும்புப் புத்துகளிலும் கொஞ்சம் கொஞ்சமா போட்டுட்டு வா... அரை ஆழாக்கு வீதமா போடு...” என்றார் மாமுனிவர்.

லட்ச தீபம் ஏற்றியவர்!

மூதாட்டி பக்தி சிரத்தையுடன் காஞ்சிபுரம் முழுவதும் அலைந்து திரிந்து பல எறும்புப் புற்று களைக் கண்டுபிடித்து அரிசிக் குறுணையையும் வெல்லத்தையும் போட்டு விட்டு வந்தார். அவர் வந்ததும், பெரிய மாலை போல் இருந்த திரி நூலையும், ஒரு டின் நிறைய எண்ணெய்யையும் கொடுத்து, ‘`திரிநூலை நறுக்கி ஒவ்வொரு கோயிலா போய், எத்தனை விளக்குக்குப் போட முடியுமோ அத்தனை விளக்குக்கும் போடு....” என்று கட்டளையிட்டார் மகா பெரியவா.

மூதாட்டியும் இந்தத் திருப்பணியை மகிழ்ச்சியு டன் நிறைவேற்றினார். ஒருநாள், பெரும் பணக்காரர் ஒருவர் மடத்துக்கு வந்தார். தற்பெருமை மேலோங்க, ‘`நான் சகஸ்ர போஜனம் செஞ்சுட்டு வந்திருக் கேன்... அதோடு லட்சதீபமும் ஏத்தியிருக்கேன்...” என்றார் சுவாமிகளிடம்.

உடனே, “அப்படியா.. இங்கேயும் ஒரு பாட்டி இருக்கா... அந்த அம்மாளும் லட்சபோஜனம் செய்திருக்கா... பல லட்ச தீபம் போட்டிருக்கா...” என்ற பெரியவா அந்த மூதாட்டியை அழைத்து வரப் பணித்தார். மூதாட்டி வந்ததும் அவரைப் பார்த்து தனவந்தர் வியந்து போனார். அழுக்குப் படிந்த கிழிசல் புடவையில் நின்று கொண்டிருந்த மூதாட்டியை சந்தேகக் கண்களுடன் அவர் பார்த்துக் கொண்டிருக்க, மகாபெரியவா பேசினார்:

“சர்வ ஜீவனிடத்திலும் பகவான் வியாபித்திருக் கிறார். பிரம்மாவில் ஆரம்பித்து பிபீலிகம் (எறும்பு) வரை பகவான் வாசம் செஞ்சுண்டிருக்கார். மனுஷ்யாளிடத்தும் இருக்கார். நீ ஆயிரம் பேருக்கு அன்னம் போட்டிருக்கே.. இந்தப் பாட்டியோ பல லட்சம் ஜீவன்களுக்கு ஆகாரம் போட்டிருக்கா.

ஏதோ ஒரு கோயில்ல லட்ச தீபம் போட நீ திரவியம் கொடுத்திருப்பே. லட்ச தீபத்துக்கும் நீயே எண்ணெய் விட்டுத் திரி போட்டு தீபம் ஏத்த உன்னால முடிஞ்சிருக்காது. இந்தப் பாட்டி பல கோயில்களுக்குப் போய் பக்தி சிரத்தையோடு அகல் வாங்கி, எண்ணெய் ஊற்றி, திரி போட்டுத் தன் கையாலேயே தீபம் ஏற்றியிருக்கா.”

பெரியவா சொல்லி முடித்ததும் தனவந்தர் தன் தவறு உணர்ந்தார். எந்தக் கைங்கர்யத்திலும் சிரத்தை எத்தனை முக்கியமென்பதான பாடமும் புரிந்தது.

மகா பெரியவா சரணம்!

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism