Published:Updated:

ஆசைகள் விலகினால் பிரமானந்தமே!

ஶ்ரீராமகிருஷ்ண பரமஹம்சர்
பிரீமியம் ஸ்டோரி
ஶ்ரீராமகிருஷ்ண பரமஹம்சர்

ஶ்ரீராமகிருஷ்ண பரமஹம்சர் சொன்ன கதை!

ஆசைகள் விலகினால் பிரமானந்தமே!

ஶ்ரீராமகிருஷ்ண பரமஹம்சர் சொன்ன கதை!

Published:Updated:
ஶ்ரீராமகிருஷ்ண பரமஹம்சர்
பிரீமியம் ஸ்டோரி
ஶ்ரீராமகிருஷ்ண பரமஹம்சர்

ஆட்டுவிக்கும் ஆசைகளை மெள்ள மெள்ள விலக்கினால், ஜீவன் இறைவனைக் கண்டு கொண்டு பிரம்மானந்த நிலையை எட்டும் என்பார் பரமஹம்சர். இதற்கு வேடிக்கையாக ஒரு கதையும் கூறியுள்ளார்.

அந்த ஊரில் பலே திருடன் ஒருவன் இருந்தான். ஒரு நாள் இரவு அவன் யாருக்கும் தெரியாமல் ஒரு தோட்டத்தில் நுழைந்து தடாகத்தில் மீன்களை பிடித்துக்கொண்டிருந்தான். இது தோட்ட உரிமையாளனுக்குத் தெரியவரத் திருடனைப் பிடித்து வர காவலாளிகளை அனுப்பினான்.

காவலாளிகள் வருவதைக் கண்ட திருடன், இனி தப்பிக்க முடியாது, என்பதை அறிந்தான்.

உடனே அருகில் கிடந்த சாம்பலை எடுத்துத் தன் உடல் முழுதும் பூசிக்கொண்டு ஒரு மரத்தின் கீழே அமர்ந்து கண்களை மூடிக்கொண்டான்.

காவலாளிகள் தோட்டம் முழுதும் தேடியும் திருடனைப் பிடிக்க முடியவில்லை. ஆனால் மரத்தடியில் உடல் முழுதும் சாம்பல் பூசியிருந்த சாதுவைக் கண்டார்கள்.

மறுநாள் காலையில் தோட்டத்தில் ஒரு ஞானி எழுந்தருளியிருக்கிறார் என்ற செய்தி எங்கும் பரவியது. தோட்ட உரிமையாளன் நூறு பொற்காசுகள் சன்மானத்தோடு துறவியைச் சந்திக்கச் சென்றார். அதேபோல் மக்களும் கூட்டம் கூட்டமாக பலவிதமான காணிக்கைகளுடன் சென்று துறவியை தரிசித்து ஆசி பெற்று வந்தனர். ஒரு சிலருக்கு அந்த துறவி சொன்ன பலன்களும் பலித்துவிடவே, கூட்டம் பெருகத் தொடங்கியது.

இதை எல்லாம் கண்ட, சாது வேடத்தில் இருந்த திருடன் வெட்கம் கொள்ளத் தொடங் கினான். “நானோ உண்மையில் திருடன். அப்படி இருந்தும் இந்த மேன்மையான மக்கள் என்னை சாது என்று நம்பி என் மீது மதிப்பும் மரியாதையும் காட்டுகின்றனர். இறைவா, நான் எத்தனைக் கொடியவன். இவர்களை ஏமாற்றுகிறேனே, இது மோசம் அல்லவா! இனி இவர்களுக்காக நான் சாதுவாக மாறுவேன். அற்ப பணத்தின் மீது ஆசை வைக்க மாட்டேன். எல்லா ஆசைகளையும் விட்டொழிப்பேன்.” என்று உறுதி பூண்டான்.

இப்படி, ஒரு திருடன் மேற்கொண்ட சில நாள் வேடமே, அவனுள் ஒரு ஆன்மிக விழிப்பு உணர்வை உண்டாக்கியது.

எனவே இறைவன் நினைப்பிலேயே மனத் தைச் செலுத்தினால் விரைவில் ஞானியாக முடியும். அழுக்கான துடைப்பம்தானே அழுக்கைச் சுத்தம் செய்கிறது. எனவே எந்த நிலையில் நீங்கள் வாழ்ந்தாலும் இன்றே இறைவனை நோக்கிச் செயல்படுங்கள்; உயர்வு பெறுவீர்கள் என்று இந்தக் கதை வாயிலாக ஞானத்தின் வழியைச் சொன்னார் பரமஹம்சர்.

- ஆர்.நந்தினி, மதுரை

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism