Published:Updated:

சிந்தனை விருந்து! - கடவுள் இருக்கும் இடம் தெரியுமா?

சிந்தனை விருந்து!
பிரீமியம் ஸ்டோரி
சிந்தனை விருந்து!

தென்கச்சி சுவாமிநாதன், ஓவியம்: சேகர்

சிந்தனை விருந்து! - கடவுள் இருக்கும் இடம் தெரியுமா?

தென்கச்சி சுவாமிநாதன், ஓவியம்: சேகர்

Published:Updated:
சிந்தனை விருந்து!
பிரீமியம் ஸ்டோரி
சிந்தனை விருந்து!

டவுள், உலகத்தை உண்டு பண்ணி இங்கேயே தங்கலாம் என்று முடிவு செய்தார். அதன்படியே தங்கினார்.

நாள்கள் நிம்மதியாக நகர்ந்தன.

மனிதர்கள் ஆசைப்பட ஆரம்பித்தனர். ஆசையை நிறைவேற்றிக்கொள்ள தினமும் கடவுளைத் தேடிவந்து வேண்டுதல் செய்யத் தொடங்கினர். இதனால், கடவுளுக்கு நிம்மதி குறைய ஆரம்பித்தது.

சிலர், ``நாங்கள் விவசாயிகள். மழை பெய்ய வேண்டும்!’’ என்று கோரிக்கை விடுத்தனர்.

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

இன்னும் சிலரோ, ‘`நாங்கள் மண்பாண்டம் செய்பவர்கள். எனவே, மழை பெய்யக் கூடாது!’’ என்று வேண்டினர்.

தேர்தல் வந்தது. அந்தத் தொகுதியில் போட்டியிடும் வேட்பாளர்கள் அத்தனை பேரும் ‘நான்தான் வெற்றி பெற வேண்டும்’ என்று வேண்டிக்கொண்டனர்.

தலையைப் பிய்த்துக்கொள்ளலாம் போன்றிருந்தது. அந்த அளவுக்குக் குழம்பிப்போனார் கடவுள்.

சிந்தனை விருந்து!
சிந்தனை விருந்து!

திருடப்போகிறவர்களும்கூட தங்களுக்குக் கிடைப்பதில் ஒரு பங்கை உண்டியலில் போட ஆரம்பித்துவிட்டனர்.

‘இனி, இங்கே இருக்க முடியாது!’ என்ற முடிவுக்கு வந்த கடவுள் யோசித்தார்... ‘மனிதர்களால் கண்டுபிடிக்க முடியாத ஓர் இடத்தில் போய் உட்கார்ந்து கொள்ள வேண்டும். சரி... எங்கே போவது?’

‘`இமய மலையில் போய் உட்கார்ந்து கொள்ளுங்கள். எவரும் தொந்தரவு செய்ய மாட்டார்கள்!’’ என்றார் நாரதர்.

அப்படியே அங்கு போய் உட்கார்ந்து கொண்டார் கடவுள்.

ஆனால், கடவுளைத் தேடி அங்கேயும் வந்து செல்ல ஆரம்பித்தனர் மனிதர்கள்.

‘`நிலவில் போய் உட்கார்ந்து கொள்ளுங்கள்!’’ என்றார் நாரதர். ஆனால், நிலவையும் மனிதர்கள் விடவில்லை.

‘`இந்த மனிதர்களின் தொல்லைகளிலிருந்து நிரந்தரமாக நான் விடுபட வேண்டும். அதற்குப் பொருத்தமாக ஓர் இடத்தைச் சொல்லுங்கள்!’’ என்று கேட்டார் கடவுள்.

பின்னர், ஆழ்ந்து சிந்தித்து அவரே ஓர் இடத்தைக் கண்டுபிடித்து அங்கு போய் உட்கார்ந்து கொண்டார்.

மனிதனால் அடைய முடியாத இடம் அது. அங்கே கடவுள் நிம்மதியாக இருக்கிறார். ஆனால் பாவம்... மனிதர்கள்தான் அவரைத் தேடிக் கொண்டிருக்கிறார்கள்!

நண்பர்களே! கடவுள் ஒளிந்துகொண்டிருக்கிற அந்த ரகசிய இடத்தை உங்களுக்கு மட்டும் சொல்கிறேன். கொஞ்சம் காதைக் கொடுங்கள்.

அவர் மறைந்திருக்கும் இடம்... மனிதனுக்கு உள்ளேதான் இருக்கிறது...மனம்!

(2.7.2008 இதழிலிருந்து...)