Published:Updated:

விதி வலியதா?

விதி வலியதா?
பிரீமியம் ஸ்டோரி
விதி வலியதா?

பாலு சத்யா

விதி வலியதா?

பாலு சத்யா

Published:Updated:
விதி வலியதா?
பிரீமியம் ஸ்டோரி
விதி வலியதா?

ரிஸ்டாட்டிலையும் சாக்ரட்டீஸையும் கிரேக்க மேதைகள் வரிசையில் வைத்துக் கொண்டாடுகிறோம். அவர்களுக்கு முன்னர் கிரேக்கத்தில் வாழ்ந்த ஏஸ்கிலஸை (Aeschylus) அறிவீர்களா?  

விதி வலியதா?

கிட்டத்தட்ட 70 முதல் 90 நாடகங்கள் வரை அவர் எழுதியிருந்தாலும், கையில் கிடைத்திருப்பன ஏழே நாடகங்கள்தான். வரலாறு அவரை `துயரங்களின் தந்தை’ என்று குறிப்பிடுகிறது. அந்த அளவுக்கு அவருடைய நாடகங்களில் துயரச்சுவை ததும்பி வழிந்திருக்கிறது. அவற்றைவிட அவருடைய நிஜ வாழ்க்கை அவ்வளவு துயரமானது.

நம்மைப்போலவே கிரேக்கர்களுக்கும் ஜோதிடத்தில் அளவு கடந்த ஆர்வம். ஏஸ்கிலஸ் பிறந்தபோது, அவரின் ஜாதகத்தைக் கணித்த ஜோதிடர்கள் சொன்ன ஒரு விஷயம் குடும்பத்தினரையே உலுக்கிப்போட்டுவிட்டது. `தலை மேல் இடி தாக்கி அல்லது கனமான ஒரு பொருள் விழுந்து இந்தக் குழந்தையின் மரணம் நிகழும்’ என்று சொல்லியிருந்தார்கள் ஜோதிடர்கள்.

வளர்ந்த பிறகு பெரும்பாலும் வீட்டிலேயே தங்கமாட்டார் ஏஸ்கிலஸ். வெட்டவெளியிலேயே சுற்றிக் கொண்டிருப்பார். அவ்வப்போது, தலைக்கு மேல் ஏதாவது விழுந்துவிடுமோ என்று மேலே பார்த்தபடியிருப்பார். இப்போது நாம் ஹெல்மெட் போட்டுக்கொள்கிறோம். அவரோ, தலைக்கு மேல் எப்போதும் ஓர் இரும்புப் பாத்திரத்தைப் பிடித்தபடி நடந்துபோவார். மழையோ, புயலோ... பாழடைந்த கட்டடங்கள், மரங்களினடியில் மட்டும் ஒதுங்கவே மாட்டார். இவ்வளவு பயத்துக்கு இடையில்தான் அவருடைய நாடக ஆக்கங்களும் நிகழ்ந்திருக்கின்றன.

`விதி வலியது’ என்பதெல்லாம் இருக்கட்டும்... ஒரு மனிதனின் பிறப்பு எப்போது உறுதி செய்யப்படுகிறதோ, அப்போதே இறப்பும் நிர்ணயிக்கப்பட்டுவிடுகிறது. இது இயற்கை. ஆனால், ஏஸ்கிலஸின் ஜாதகத்தில் சொல்லப்பட்டது அப்படியே நிகழ்ந்ததுதான் சோகம்.

கழுகுக்கு ஒரு குணமுண்டு. ஆமையை வேட்டையாடினால், ஆமையைத் தூக்கிக்கொண்டு உயரே உயரே பறக்கும். பெரிய பாறை ஏதாவது தென்பட்டால், உயரத்திலிருந்து ஆமையை நழுவவிடும். பாறையில் விழுந்தவுடன் ஆமையின் ஓடுகள் உடைந்துபோகும். கழுகுக்கு இரை எளிதாகிவிடும். ஏஸ்கிலஸ், கெலா என்ற நகருக்குப் போய்விட்டு சிசிலிக்குத் திரும்பும் வழியில் அது நடந்தது.

வானில் ஓர் ஆமையைத் தூக்கிக்கொண்டு பறந்துகொண்டிருந்த கழுகுக்கு, அவருடைய வழுக்கைத்தலை பாறை போல் தோன்றியிருக்க வேண்டும். (இப்படித்தான் குறிப்பிடுகிறார் லத்தீன் வரலாற்று ஆசிரியர் வேலரியஸ் மேக்ஸிமஸ்). உடனே அதை நழுவவிட்டுவிட்டது. ஆமை தலையில் விழுந்து மாண்டு போனார் ஏஸ்கிலஸ்.

விதி வலியதுதான். ஆனாலும் தமது மதிநுட்பப் படைப்புகளால் சரித்திரத்தில் இடம்பெற்றுவிட்டார் ஏஸ்கிலஸ்.

ஒரு துளி சிந்தனை!

`நா
ன் பயப்படுகிற அளவுக்கு எனக்கு எதிரிகள் யாருமில்லை... பயத்தைத் தவிர!’

- ஃபிரெடெரிக் லாரன்ஸ் நெல்சன்.